Psalm 13:1-6
Gi a fesiman fu den pokuman. Wan singi fu David.
13 Tye Yehovah, o langa yu o fergiti mi? Fu ala ten?
O langa yu o tapu yu fesi gi mi?
2 O langa mi o abi fu sdon nanga den brok’ede fu mi?Ala dei mi e sari. O langa a sani disi o go doro?
O langa mi feanti o tan wini mi?
3 Tye Yehovah mi Gado, luku mi èn piki mi.
Gi mi krakti baka, so taki mi no dede.
4 Mi feanti no musu man taki: „Ai, mi wini en!”
No meki mi fadon noso den feanti fu mi o prisiri.
5 Mi sabi taki yu o abi sar’ati* nanga mi.Mi ati o prisiri fu di yu o ferlusu mi.
6 Mi o singi gi Yehovah fu di a blesi mi furu.
