Johane Wesibili 1:1-13
1 Njengobe ngiyindvodza leseyikhulile,* ngibhalela umfati lokhetsiwe kanye nebantfwana bakhe lengibatsandza kakhulu, anitsandvwa nje ngimi kuphela kodvwa nitsandvwa nangibo bonkhe labati liciniso,
2 sinitsandza ngenca yeliciniso lelihlala kitsi, nalelitawuchubeka likitsi kuze kube phakadze.
3 Umusa lomkhulu, sihawu nekuthula lokuvela kuNkulunkulu longuBabe nakuJesu Khristu iNdvodzana yakhe, kanye neliciniso nelutsandvo kutawuba natsi.
4 Ngijabula kakhulu ngobe ngitfole kutsi labanye kubantfwana bakho bahamba ecinisweni,+ njengobe nje Babe asiyala.
5 Ngako nyalo ngiyakucela wena mfati lokhetsiwe, ngicela kutsi sitsandzane. (Angikubhaleli umyalo lomusha, kodvwa ngikubhalela wona lowo lebesinawo kusukela ekucaleni.)+
6 Nguloku lokushiwo lutsandvo, kutsi sichubeke sihamba ngekuvumelana nemiyalo yakhe.+ Lona ngiwo lomyalo, njengobe nje nawuva ekucaleni, kutsi nichubeke nitsandzana.
7 Ngobe sebanyenti bakhohlisi eveni,+ lokubantfu labangavumi kutsi Jesu Khristu weta emhlabeni angumuntfu.+ Laba-ke ngibo labangumkhohlisi nemphikikhristu.+
8 Ticapheleni kuze ningalahlekelwa tintfo lesatisebentela, nanenta njalo nitawutfola umvuzo lophelele.+
9 Wonkhe umuntfu lowecela ngale kwemfundziso yaKhristu futsi angahlali kuyo, akasimunye naNkulunkulu.+ Loyo lohlala kulemfundziso nguye lomunye naBabe kanye neNdvodzana.+
10 Nangabe umuntfu efika kini kodvwa angeti nalemfundziso, ningamemukeli emakhaya+ enu futsi ningambingeleli.
11 Ngobe loyo lombingelelako uhlanganyela naye emisebentini yakhe lemibi.
12 Nanobe nginetintfo letinyenti lenginganibhalela tona, angifisi kwenta kanjalo ngeliphepha ne-inki, kodvwa ngifisa kuta kini ngikhulume nani buso nebuso, kuze nijabule kakhulu.
13 Bantfwana badzadzewenu, longulokhetsiwe, bayakuvusela.
Imibhalo lengentansi
^ Nobe “ngingulomdzala welibandla.”
