Isaya 59:1-21
59 Sandla saJehova asisifisha kutsi singehluleka kusindzisa,+Nendlebe yakhe ayikavaleki kutsi ingehluleka kuva.+
2 Emaphutsa enu ngiwo lanehlukanise naNkulunkulu.+
Tono tenu timbangele kutsi anifihlele buso bakhe,Futsi akasafuni kunilalela.+
3 Ngobe tandla tenu tingcoliswe yingati+Neminwe yenu ingcoliswe sono.
Tindzebe tenu tikhuluma emanga,+ nelulwimi lwenu lutikhulumela phansi tintfo letimbi.
4 Kute lofuna kulunga,+Futsi kute loya enkantolo ngeliciniso.
Betsembe lite+ futsi bakhuluma intfo lengenamsebenti.
Bamitsa tinkinga, batale tintfo letiyingoti.+
5 Bachobosela emacandza enyoka lenebutsi,Futsi baphotsa bulembu.+
Nome ngabe ngubani lodla emacandza ayo utawufa,Futsi licandza lelifihlitiwe lichobosela inyoka lenebutsi.
6 Bulembu babo angeke bube sembatfo sabo,Futsi angeke bakugcoke loko labakwentile.+
Imisebenti yabo iyingoti,Nasetandleni tabo kunemisebenti yebudlova.+
7 Tinyawo tabo tigijimela ekwenteni bubi,Futsi bagijimela kucitsa ingati lete licala.+
Imicabango yabo iyimicabango leyingoti;Tindlela tabo tigcwele kulimata nekuhlupha labanye.+
8 Abakwati kuthula,Futsi tindlela tabo atikalungi.+
Imigwaco yabo igwegwile;Futsi bonkhe labahamba ngayo ngeke bakwati kuthula.+
9 Kungako kwehlulela kahle kukhashane natsi,Nekulunga asikutfoli.
Sichubeka silangatelela kukhanya, kodvwa kunebumnyama;Silangatelela kukhanya, kodvwa sichubeka sihamba ebumnyameni.+
10 Siphutsata lubondza njengalabangaboni emehlweni;Sichubeka siphutsata njengebantfu labete emehlo.+
Emini siyagileka kube shengatsi sekuhlwile;Kulabo labanemandla kufana nekutsi sifile.
11 Sonkhe siyabhodla njengemabheleFutsi siyalila njengematuba.
Sinelitsemba lekwehlulelwa ngekulunga, kodvwa kute;Sinelitsemba lekusindziswa, kodvwa kukhashane natsi.
12 Ngobe kuvukela kwetfu kunyenti embikwakho;+Sono setfu ngasinye siyasimangalela.+
Ngobe kuvukela kwetfu kunatsi;Siwati kahle emacala etfu.+
13 Sonile futsi simphikile Jehova;Simfulatsele Nkulunkulu wetfu.
Sikhulume ngekucindzetela nangekuvukela;+Sikhulelwe emanga futsi tinhlitiyo tetfu tigcwele emanga.+
14 Kwehlulela ngekulunga kuchilitelwe emuva,+Nekulunga kume khashane;+Ngobe liciniso* alikho etindzaweni tawonkhe wonkhe,Nalokulungile akukhoni kungena.
15 Liciniso* selishabalele,+Futsi nome ngubani loyekela lokubi wemukwa tintfo takhe.
Jehova wakubona loku futsi akuzange kumphatse kahle,*Ngobe bekungehlulelwa ngendlela lelungile.+
16 Wabona kutsi akunamuntfu,Futsi kwametfusa kutsi kute lofuna kulamula,Ngako umkhono wakhe lucobo lwawo wabaletsela insindziso,*Nekulunga kwakhe kwamsekela.
17 Wabese ugcoka kulunga njengesembatfo semphi sekutivikelaKanye nesigcoko sekutivikela sensindziso* enhloko yakhe.+
Wagcoka tembatfo temphindziselo+Watigoca ngenshisekelo njengelijazi.*
18 Utabaniketa nangu umvuzo waloko labakwentile:+
Lulaka kulabamelene naye, sehlulelo etitseni takhe.+
Netichingi utatinika inkhokhelo yato.
19 Kusukela ekushoneni kwelilanga batakwesaba libito laJehovaNenkhatimulo yakhe ekuphumeni kwelilanga,Ngobe utawungena njengemfula logijimako,Lochutjwa ngumoya waJehova.
20 “ESiyoni kutawufika uMhlengi,+Utawufika+ kubantfu baJakobe labaphendvukako etonweni tabo,”+ kusho Jehova.
21 “Ngulesi sivumelwane sami lengisenta nabo,”+ kusho Jehova. “Umoya wami lokuwe kanye nemavi ami lengiwafake emlonyeni wakho, angeke akhishwe emlonyeni wakho, emlonyeni webantfwana* bakho nasemlonyeni wesitukulwane* sakho, kusukela nyalo kuze kube phakadze,” kusho Jehova.
Imibhalo lengentansi
^ Nobe “kwetsembeka.”
^ Nobe “kwetsembeka.”
^ NgesiHebheru kutsi, “futsi kwaba kubi emehlweni akhe.”
^ Nobe “wabancobela.”
^ Nobe “lijazi lelingenamikhono.”
^ Nobe “sekuncoba.”
^ NgesiHebheru kutsi, “wenhlanyelo.”
^ NgesiHebheru kutsi, “wenhlanyelo yenhlanyelo yakho.”
