Kulandzisa KwaMatewu 3:1-17
3 Ngalawo malanga, Johane+ uMbhabhatisi wafike washumayela+ ehlane laseJudiya,
2 watsi: “Phendvukani, ngobe uMbuso wemazulu sewusondzele.”+
3 Umphrofethi Isaya abekhuluma ngaye+ ngesikhatsi atsi: “Ukhona lomemeta ehlane, utsi: ‘Lungisani indlela yaJehova!* Yenteni icondze.’”+
4 Johane abegcoka timphahla letentiwe ngeboya belikamela futsi abopha libhande lesikhumba elukhalo.+ Bekadla tintsetse neluju lwetinyosi tesiganga.+
5 Ngako bantfu baseJerusalema, nabo bonkhe baseJudiya kanye nabo bonkhe labahlala etindzaweni letingaseJordane beta kuye,+
6 wababhabhatisa* eMfuleni iJordane+ futsi bavuma tono tabo.
7 Nakabona baFarisi nebaSadusi+ labanyenti beta lapho, watsi kubo: “Ntalelwane yetinyoka,+ ngubani lonitjele kutsi ningalubalekela lulaka lwaNkulunkulu lolutako?+
8 Ngako-ke, tselani titselo letiveta kuphendvuka.
9 Ningatiyengi nitsi: ‘Babe wetfu ngu-Abrahama.’+ Ngobe ngitsi kini: Nkulunkulu angakwati kuvetela Abrahama bantfwana kulamatje.
10 Lizembe selikulungele kujuba timphandze tesihlahla. Ngako tonkhe tihlahla letingatseli titselo letinhle titawujutjwa bese tijikwa emlilweni.+
11 Naniphendvuka, mine nginibhabhatisa ngemanti,+ kodvwa loyo lota emvakwami unemandla kunami, futsi angikufaneli ngisho nekumkhumula tincabule takhe.+ Yena utanibhabhatisa ngemoya longcwele+ nangemlilo.+
12 Lithulusi lakhe lekwela lisesandleni sakhe, futsi utawushanyelisisa libala lekubhulela, abutsele kolo etingungwini, kodvwa emakhoba utawashisa ngemlilo+ longeke ucimeke.”
13 Ngako Jesu wesuka eGalile waya eJordane kute Johane ambhabhatise.+
14 Kodvwa Johane wetama kumalela, watsi: “Ngimi lokufanele ngibhajatiswe nguwe, kodvwa kuya ngani kutsi wena ute kimi kute ngikubhabhatise?”
15 Jesu wamphendvula watsi: “Ngivumele ngibhajatiswe, ngobe ngaleyondlela sitawube sikufeza konkhe lokuyintsandvo yaNkulunkulu.” Ngako wayekela kumalela.
16 Ngekushesha nje ngemuva kwekubhajatiswa, Jesu waphuma emantini futsi emazulu avuleka,+ wabona umoya waNkulunkulu unjengelituba wehlela etikwakhe.+
17 Kwevakala nelivi livela emazulwini+ litsi: “Lena yiNdvodzana+ yami letsandzekako, ngiyemukele.”+
