Mikha 6:1-16
6 Ngicela nilalele naku lokushiwo nguJehova.
Sukumani nitivikele ecaleni lenibekwe lona, nitivikele embikwetintsaba,Futsi shengatsi emagcuma anganiva.+
2 Awu nine tintsaba, lalelani nali licala lelibekwa nguJehova etafuleni,Lalelani nine tisekelo leticinile temhlaba,+Ngobe Jehova ubabeke licala bantfu bakhe.
Utawabeka ema-Israyeli licala, atsi:+
3 “Awu bantfu bami, kukhona yini lenginente kona?
Ukhona yini umtfwalo lenginetfwese wona lonente nadzinwa?+
Ngicela nikhulume.
4 Mine nganikhipha eGibhithe,+Nganikhulula eveni lebenigcilateke kulo;+Futsi ngatfuma Mosi, Aroni naMiriyamu kini.+
5 Awu bantfu bami, ngicela nikhumbule loko Bhalaki inkhosi yakaMowabi lebekafuna kukwenta,+Kanye naloko Bhalamu indvodzana yaBheyori lamtjela kona.+
Khumbulani netintfo letenteka kusukela eShithimu+ kuze kuyofika eGilgali,+Khona nitewubona kutsi Jehova wenta lokulungile.”
6 Ngitawuta ngiphetseni embikwaJehova?
Ngitawuta nani nangitokhotsama embikwaNkulunkulu lohlala endzaweni lephakeme?
Ngitawuta kuye ngiphetse umnikelo wekushiswa lophelele yini,Nobe ematfole lanemnyaka munye?+
7 Timvu letindvuna letinyenti kakhulu tingamjabulisa yini Jehova,Angamjabulisa yini emafutsa lamanyenti kakhulu?+
Nginganikela yini ngendvodzana yami lelitibulo kuze kwesulwe licala lami,Nginikele ngemntfwanami* kuze kwesulwe sono sami?+
8 Awu wena muntfu, Jehova ukutjelile kutsi yini lenhle.
Yini layilindzele* kuwe?
Akalindzeli lokunyenti, ulindzele nje kutsi wente tintfo ngekulunga,*+ wetsembeke,*+Futsi utfobeke nawuhamba+ naNkulunkulu wakho!+
9 Jehova umemeta edolobheni;Labo labahlakaniphile batawulesaba libito lakhe.*
Nakisisani siyalo, ninakisise naloyo losikhiphako.*+
10 Umcebo lotfolakele ngekukhohlakala usekhona yini etindlini talababi,Futsi tisekhona yini tikali teli-efa* letingemanga, letenyanywa nguNkulunkulu?
11 Bengingabe ngenta kahle* yini nangingasebentisa tikali letingaketsembeki,Futsi ngibe netisindvo letikhohlisako esikhwameni sami?+
12 Tinjinga takulelidolobha tihlale tenta budlova,Futsi bantfu bakhona bakhuluma emanga;+Nelulwimi lwabo luyakhohlisa.+
13 “Ngako ngitanijezisa kakhulu,+Futsi ngitanenta nisale ningenabani, ngenca yetono tenu.
14 Nitawudla, kodvwa ngeke nesutse;Futsi nitawuhlale nilambile.+
Nitawutsatsa tintfo nitsi niyatilondvolota, kepha tingalondvoloteki,Naloko lenitawukhona kukulondvolota, ngitakunikela etitseni tenu.
15 Nitawuhlanyela, kodvwa ngeke nivune.
Nitawugcobagcoba titselo temincumo, kodvwa ngeke niwasebentise lawo mafutsa;Futsi nitawenta liwayini lelisha, kodvwa ngeke nize nilinatse.+
16 Ngobe nilandzela imitsetfo ya-Omri, nayo yonkhe imikhuba ya-Ahabi nemndeni wakhe,+Futsi nilalela seluleko sabo.
Kungako-ke ngitanijezisa.
Bantfu batawumangala* nababona loko lengitakwenta kini;+Futsi nitawedzelelwa nguletinye tive.”+
Imibhalo lengentansi
^ Nobe “ngesitselo semtimba wami.”
^ Nobe “ube nemusa nelutsandvo lolucotfo.” NgesiHebheru kutsi, “utsandze lutsandvo lolucotfo.”
^ Nobe “ungakhetsi.”
^ Nobe “layifuna.”
^ NgesiHebheru kutsi, “lakho.”
^ Nobe “Nakisisani indvuku, naloyo lowatsi ayisetjentiswe.”
^ Fundza Sandzisanchazo B14.
^ NgesiHebheru kutsi, “ngihlobile.” Nobe “ngimsulwa.”
^ NgesiHebheru kutsi, “bantfu batawutsi nabanibuka bashaye inkwela.”
