LiBhayibheli lichaza i-Amagedoni ngekutsi yimphi letawuba semkhatsini wabohulumende bebantfu kanye naNkulunkulu, hhayi imphi lesencenyeni letsite yemhlaba kuphela.

•   “Tinkhulumo letiphefumulelwe ngemadimoni . . . tiyaphuma tiye emakhosini emhlaba wonkhe, kuze tiwabutsele ndzawonye emphini yelilanga lelikhulu laNkulunkulu Somandla. Tawabutsela ndzawonye lamakhosi endzaweni ngesiHebheru lebitwa ngekutsi yi-Amagedoni.”​—Sembulo 16:14, 16.

 Ligama lelitsi “Amagedoni” livela egameni lesiHebheru lelitsi Har Meghid·dohnʹ, lelisho “iNtsaba yaseMegido.” IMegido bekulidolobha lebelika-Israyeli wasendvulo. Ngenca yaloko, labanye bantfu bacabanga kutsi i-Amagedoni itawulwelwa ka-Israyeli. Nobe kunjalo, kuso sonkhe sifundza saseMegido nobe lenye indzawo eMiddle East, kute indzawo lenkhulu ngalokwenele kutsi ingenela ‘onkhe emakhosi emhlaba’ kanye nemabutfo awo.

 Incwadzi yeSembulo yabhalwa kusetjentiswa “tibonakaliso” nobe imifanekiso. (Sembulo 1:1) I-Amagedoni akusiyo indzawo lekhona mbamba, kodvwa isimo lesitawubakhona emhlabeni wonkhe, lapho tive titawuhlangana kuze tizame kwekugcina kulwa nekubusa kwaNkulunkulu.​—Sembulo 19:11-16, 19-21.