Lwani Nesitunge Ngekusita Labanye—Lokushiwo LiBhayibheli
Bantfu labanyenti emhlabeni wonkhe bativa banesitunge futsi beva shengatsi angeke bakhone kwakha bungani nalabanye. Letinye tati tetemphilo titsi kusita labanye kuyindlela yekulwa nesitunge.
“Kusita bantfu labadzingile kungasenta sijabule futsi kusisite silwisane nesitunge nobe kutehlukanisa.”—I-U.S. National Institutes of Health.
LiBhayibheli lisiniketa teluleko lesingatisebentisa kuze sisite labanye. Kwenta loko lelikushoko kungasisita silwe nesitunge.
Longakwenta
Yephana. Funa ematfuba ekucitsa sikhatsi nalabanye bantfu, uye kubo matfupha. Phani labanye loko lonako. Nawenta njalo, batawubonga kakhulu futsi loko kunganenta nibe bangani.
Simiso seliBhayibheli: “Chubekani nipha labanye, nani nitawuphiwa.”—Lukha 6:38.
Sita labanye. Funa tindlela tekusita bantfu lababhekene nebumatima. Loku kufaka ekhatsi kubalalela ngesineke nekubentela tintfo labangakhoni kutentela tona.
Simiso seliBhayibheli: “Umngani sibili ukutsandza ngaso sonkhe sikhatsi.”—Taga 17:17.
Kuze utfole lokunyenti ngekutsi ungahlala njani unebuhlobo lobuhle nalabanye, fundza sihloko lesitsi “Ukuphila Komndeni Nabangane,” lesitfolakala ngesiZulu.
Lokunye Longatsandza Kukuhlola
SICONGOSEKULINDZA
Tijabulele Tinzuzo Letitfolakala Ngekupha
Kupha kwenta wena kanye nalabanye nijabule. Kukhutsata kubambisana futsi kucinisa bungani. Yini longayenta kute uphe ujabulile?
KUCHAZWA KWEMAVESI LASEBHAYIBHELINI
Taga 17:17 Uyachazwa—“Umngani Unelutsandvo Ngaso Sonkhe Sikhatsi”
Lesaga simchaza kahle umngani sibili.
TIMFUNDZISO LETISEBHAYIBHELINI
Yetama luhlelo lwetfu lwekudadisha liBhayibheli
Tfola sifundvo seliBhayibheli samahhala ukanye nalotakufundzisa.
