Dipesaleme 42:1-11
Ho motsamaisi. Maskile* ya bara ba Kora.+
42 Jwalo ka ha kgama e lakatsa metsi a dinokaneng,Le nna ke lakatsa ho o sebeletsa, Modimo wa ka.
2 Jwalo ka motho ya nyoretsweng metsi, ke hloka Modimo, Modimo ya phelang.+
Ke tla tla neng ke tlo hlaha ka pela Modimo?+
3 Ha ke kgone ho ja, ke lla bosiu le motshehare.
Batho ba nnyefola letsatsi lohle ba re: “O kae Modimo wa hao?”+
4 Ke hopola dintho tsena ebe ke o phetlela sefuba*Hobane ke ne ke tsamaya le batho ba bangata.
Ke ne ke tsamaya butle ka pela bona ho ya ntlong ya Modimo,Re hweleditse re thabile re bile re lebohaJwalo ka letshwele le entseng mokete.+
5 Ke hobaneng ha ke nyahame?+
Ke hobaneng ha ke kgathatsehile?Ke tla emela Modimo,+Ke tla mo rorisa jwalo ka ha e le Mopholosi wa ka e Moholo.+
6 Modimo wa ka, ke nyahame.+
Ke ka lebaka leo ke o hopolang,+Ho tloha naheng ya Jordane le hodima dithaba tsa Hermone,Ho tloha Thabeng ya Mizare.*
7 Ke utlwa modumo wa metsi a phallang ka potlakoKe modumo wa diphororo tsa hao.
Maqhubu ohle a hao a mathang ka potlako a nkwahetse.+
8 Motshehare Jehova o tla mpontsha lerato la hae,Bosiu ke tla bina ka yena, ke rapele Modimo ya mphang bophelo.+
9 Ke tla re ho Modimo e leng lefika la ka:
“Ke hobaneng ha o ntebetse?+
Ke hobaneng ha ke tsamaya ke utlwile bohloko hakaale ka lebaka la sera sa ka se nkgateletseng?”+
10 Dira tsa ka tse batlang ho mpolaya ka sehloho* di a nnyefola.
Di nnyefola letsatsi lohle di re: “O kae Modimo wa hao?”+
11 Ke hobaneng ha ke nyahame?
Ke hobaneng ha ke kgathatsehile?
Ke tla emela Modimo,+Ke tla mo rorisa ka ha ke Mopholosi wa ka e Moholo le Modimo wa ka.+
Dintlha tse qetellong ya sehloho
^ Kapa: “thabeng e nyenyane.”
^ Kapa mohlomong: “Dira tsa ka di nnyefola jwalo ka ha eka di roba masapo a ka.”
