Dipesaleme 55:1-23
Ho motsamaisi. E letswe ka diletsa tse dikgwele. Maskile.* Pesaleme ya Davida.
55 Mamela thapelo ya ka hle Modimo,+O se ke wa iphapanyetsa nna ha ke kopa hore o nkgauhele.*+
2 O mmamele ka hloko mme o nkarabe.+
Ha ke kgone ho phomola hobane ke kgathatsehile+Ebile ke ferekane
3 Ka lebaka la seo sera sa ka se se buangLe ka lebaka la hore ya kgopo o a nkgatella.
Ba mpakela mathata a mangata,Ba nkgalefetse ebile ba ntlhoile.+
4 Pelo ya ka e utlwile bohloko haholo+Ebile ke tshohile hore nka nna ka shwa.+
5 Ke tshohile ebile ke a thothomela,Ke a tlakasela.
6 Ke ntse ke re: “Hoja ke ne ke ena le mapheo jwalo ka leeba,Ke ne ke tla fofela moo ho sireletsehileng ke dule teng.
7 Ke ne ke tla fofela hole.+
Ke dule lefeelleng.+ (Selah)
8 Ke ne ke tla balehela sebakeng se sireletsehilengHole le moya o fokang ka matla, hole le sefefo.”
9 Ba ferekanye hle Jehova, o etse hore merero ya bona e se ke ya atleha*+Hobane ke bone dintwa motseng.
10 Bosiu le motshehare ba tsamaya marakong a wona.
Ka hara wona ho na le dintho tse kotsi le mathata.+
11 Ho na le ditsietsi ka hara motse oo.
Mabaleng a wona ho dula ho ena le kgatello le mashano.+
12 Ha ke nyefolwe ke sera sa ka.+
Haeba ho ne ho le jwalo, ke ne ke tla mamella.
Ha ke hlaselwe ke sera sa ka.
Haeba ho ne ho le jwalo, ke ne ke tla ipatela sona.
13 Empa ke wena, motho ya tshwanang le nna,*+Motswalle wa ka eo ke mo tsebang hantle.+
14 Re ne re le metswalle e utlwanang haholo.
Re ya ntlong ya Modimo re tsamaya le batho ba bangata.
15 E se eka dira tsa ka di ka fediswa.+
E se eka di ka theohela Lebitleng* di ntse di phelaHobane ho na le bokgopo moo di dulang teng le ka dipelong tsa tsona.
16 Ha e le nna, ke tla hweletsa Modimo,Jehova o tla mpholosa.+
17 Mantsiboya, hoseng le motshehare ke dula ke tshwenyehile ke bile ke utlwile bohloko,+O utlwa lentswe la ka.+
18 O tla mpholosa* a be a mphomotse ho ba ntwantshangHobane ke hlaselwa ke batho ba bangata.+
19 Modimo o tla ba utlwa a be a ba nkele kgato,+Modimo eo esale a dutse teroneng ho tloha kgale.+ (Selah)
Ba sa kang ba tshaba Modimo,+Ba tla hana ho fetoha.
20 O* hlasetse metswalle ya hae.+
A fetohela selekane sa hae.+
21 Mantswe a hae a boreledi ho feta botoro+Empa ka pelong ya hae o lakatsa ntwa.
Mantswe a hae a thella ho feta oliEmpa a jwalo ka disabole tse bohale.+
22 Lahlela morwalo wa hao ho Jehova,+O tla o tshehetsa.+
Le ka mohla a ke ke a tlohela ya lokileng hore a we.+
23 Empa wena, Modimo, o tla ba dihela sekoting se tebileng haholo.+
Batho bao ba molato wa madi le ba leshano ba tla shwa ba ntse ba le batjha.+
Empa ha e le nna, ke tla o tshepa.
Dintlha tse qetellong ya sehloho
^ Kapa: “O se ke wa ipata ha ke o rapela ke kopa thuso.”
^ Kapa: “ferekanya puo ya bona.”
^ Kapa: “motho ya lekanang le nna.”
^ Ka Seheberu: “ntopolla.”
^ E leng motswalle eo ho builweng ka yena temaneng ya 13 le ya 14.
