Esaia 41:1-29
41 “Mmameleng le kgutsitse,* lona dihlekehleke.
Ditjhaba di ke di boele di fumane matla.
Di ke di atamele, di bue.+
A re tleng ha mmoho bakeng sa kahlolo.
2 Ke mang ya phahamisitseng motho ya tswang botjhabela?*+
Ke mang ya mo bitsetsang maotong a Hae* ka ho lokaHore a mo fe ditjhabaLe ho etsa hore a kokobetse marena?+
Ke mang ya a hasanyang jwalo ka lerole ka sabole ya haeLe ya a hasanyang jwalo ka ditlhaka tse fefolwang ke moya ka seqha sa hae?
3 Wa di lelekisa, o feta a sa thijweDitseleng tseo a eso ka a di tsamaya.
4 Ke mang ya entseng hore dintho tsee di etsahale?
Ke mang ya bitsang meloko ho tloha qalong?
Nna, Jehova, ke Wa Pele+Le ho ba ho qetela ke ntse ke tshwana.”+
5 Baahi ba dihlekehleke ba bone mme ba tshohile.
Ba dulang dipheletsong tsa lefatshe ba ile ba qala ho thothomela.
Ba a ikopanya mme ba a atamela.
6 E mong le e mong o thusa motswalle wa haeMme o re ho ngwanabo: “Eba matla.”
7 Ka hoo, setsebi sa mosebetsi wa matsoho se matlafatsa ya sebetsang ka tshepe.+
Ya batalatsang tshepe ka hamoreO matlafatsa ya otlelang tshepe tshetlong.*
Ya batalatsang tshepe o re: “Tshepe e lokile.”
Ka mora moo, setshwantsho se kokotelwa ka dipekere hore se se ke sa ketoha.
8 Empa Wena Iseraele, o mohlanka wa ka,+Wena Jakobo, eo ke mo kgethileng,+Setloholo* sa Abrahama motswalle wa ka,+
9 Wena, eo ke mo nkileng dipheletsong tsa lefatshe+Le wena eo ke mo bitsitseng o le dikarolong tse hole ka ho fetisisa tsa lona.
Ke itse ho wena, ‘O mohlanka wa ka.+
Ke o kgethile, ha ke a o lahla.+
10 O se ke wa tshoha ka ha ke na le wena.+
O se ke wa tshwenyeha hobane ke nna Modimo wa hao.+
Ke tla o matlafatsa, ke tla o thusa.+
Ke tla o tshwara ka letsoho la ka le letona la ho loka.’
11 Bona! Bohle ba o halefelang ba tla swaba mme ba tlotlolohe.+
Batho ba o lwantshang ba tla timela ba fetolwe lefeela.+
12 O tla batla batho ba o lwantshang empa o ke ke wa ba fumana.
Batho ba o futuhelang ba tla ba jwalo ka ntho e siyo, ba tla fetoha lefeela.+
13 Nna, Jehova Modimo wa hao, ke o tshwara ka letsoho la hao le letona,Ke nna ya reng ho wena, ‘O se ke wa tshoha. Ke tla o thusa.’+
14 “O se ke wa tshoha, wena seboko* Jakobo,+Lona banna ba Iseraele, ke tla le thusa,” ke Jehova, Molopolli wa lona,+ Mohalaledi wa Iseraele ya tjhong.
15 “Ke o entse selei se polang,*+Sepolo se setjha se bohale.
O tla hatakela dithaba o di silakanyeMme o etse hore maralla a be jwalo ka mmoko.
16 O tla di olosaEbe di fefolwa ke moya.
Sefefo se tla di hasanya.
O tla thaba ka lebaka la Jehova,+O ithorise ka Mohalaledi wa Iseraele.”+
17 “Bafutsana le ba sotlehileng ba batla metsi empa ha a yo.
Maleme a bona a omeletse ke lenyora.+
Nna, Jehova, ke tla ba araba.+
Nna, Modimo wa Iseraele, nke ke ka ba lahla.+
18 Ke tla etsa hore dinoka di phalle hodima maralla a se nang letho,+Ke etse didiba hara diphula.+
Ke tla etsa hore lefeella e be letamo la metsi le nang le lehlakaLe naha e se nang metsi ke e etse didiba tsa metsi.+
19 Ke tla lema sefate sa kedare lehwatateng,Sefate sa leoka, sa mirte le sa phaena.+
Ke tla lema sefate sa junipere lehwatatengHa mmoho le sefate sa molora* le sefate sa kiprese+
20 E le hore batho bohle ba ka bona le ho tseba,Ba mamela ka hloko le ho utlwisisaHore letsoho la Jehova le entse dintho tsenaMme Mohalaledi wa Iseraele ke yena moetsi wa tsona.”+
21 Jehova o re: “Tekang nyewe ya lona.”
Morena wa Jakobo o re: “Tekang bopaki ba lona.
22 Fanang ka bopaki mme le re bolelle dintho tse tla etsahala.
Re bolelleng dintho tsa kgale*E le hore re ka nahanisisa ka tsona* mme ra tseba hore na di tla fella ka eng.
Kapa re bolelleng dintho tse tlang.+
23 Re bolelleng hore na ho tla etsahalang ka mosoE le hore re ka tseba hore le medimo.+
Etsang ho hong ebang ho hotle kapa ho hobeE le hore re ka hlollwa ha re ho bona.+
24 Ho hang ha le lethoHape ntho eo le e fihletseng ha se letho.+
Mang kapa mang ya le kgethang o a nyonyeha.+
25 Ke phahamisitse e mong ya tswang leboya mme o tla tla,+Ya tlohang botjhabela,*+ ya tla ipiletsa lebitsong la ka.
O tla hatakela babusi* jwalo ka ha eka ke letsopa+Jwalo ka sebopi se hatakelang letsopa le mongobo.
26 Ke mang ya buileng ka ntho ee ho tloha qalong e le hore re ka tseba?
Kapa ya e boletseng ho tloha kgale e le hore re ka re, ‘O nepile’?+
Ha ho na motho ya e buileng.
Ha ho na motho ya e phatlaladitseng.
Ha ho na motho ya utlwileng eng kapa eng ho lona.”+
27 Ke ne ke le wa pele wa ho re ho Sione: “Ke bana!”+Jerusalema ke tla e romella ya tlisang ditaba tse monate.+
28 Empa ka nna ka sheba mme ho ne ho se na motho.
Ho ne ho se le ya mong hara bona ya ka fanang ka keletso.
Ka nna ka ba kopa hore ba arabe.
29 Kaofela ha bona ha ba na thuso.*
Mesebetsi ya bona ha se letho.
Ditshwantsho* tsa bona tsa tshepe ke lefeela. Di jwalo ka moya ebile ha di na thuso.+
Dintlha tse qetellong ya sehloho
^ Kapa: “Kgutsang ka pela ka.”
^ Kapa: “botjhabatsatsi.”
^ E leng hore a mo sebeletse.
^ Tshepe e tenya eo ho otlelwang ditshepe ho yona ha di betlwa.
^ Ka Seheberu: “Peo.”
^ E leng ho ba ya maemong a tlase le ya sa kgoneng ho itwanela.
^ Sefate se seholo se bolelele ba dimithara tse 15 ha se hodile. Se na le makgasi a matala le makala a mmala o kang wa molora.
^ Ka Seheberu: “tsa pele.”
^ Kapa: “di tebisetsa pelong.”
^ Kapa: “botjhabatsatsi.”
^ Kapa: “batlatsi ba mmusi.”
^ Kapa: “ke ntho e siyo.”
^ Kapa: “Diemahale.”
