Lipesaleme 111:1-10
111 Rorisang Jah!*+
א [Aleph]
Ke tla rorisa Jehova ka pelo ea ka eohle+ב [Beth]
Har’a sehlopha sa batho ba lokileng le phuthehong.
ג [Gimel]
2 Mesebetsi ea Jehova e meholo.+
ד [Daleth]
Bohle ba e ratang ba nahanisisa ka eona.+
ה [He]
3 Lintho tseo a li entseng li ntle ’me lia halalelaו [Waw]
Ebile o bontša toka ka ho sa feleng.+
ז [Zayin]
4 O etsa hore mesebetsi ea hae e hlollang e hopoloe.+
ח [Heth]
Jehova o mohau ebile o na le kutloelo-bohloko.*+
ט [Teth]
5 O fa ba mo tšabang lijo.+
י [Yod]
O hopola selekane sa hae ka ho sa feleng.+
כ [Kaph]
6 O bontšitse batho ba hae mesebetsi ea hae e matlaל [Lamed]
Ka ho ba fa lefa la lichaba.+
מ [Mem]
7 Mesebetsi ea matsoho a hae e bonahatsa toka le ’nete.+
נ [Nun]
Litaelo tsohle tsa hae lia tšepahala.+
ס [Samekh]
8 Re ka li tšepa* kamehla, hona joale le ka ho sa feleng.
ע [Ayin]
Li entsoe ka ’nete le toka.+
פ [Pe]
9 O lopolotse batho ba hae.+
צ [Tsade]
O laetse hore selekane sa hae se lule se le teng ka ho sa feleng.
ק [Qoph]
Lebitso la hae lea halalela ebile lea tšosa.+
ר [Resh]
10 Mohato oa pele oa ho fumana bohlale* ke ho tšaba Jehova.+
ש [Sin]
Bohle ba mamelang litaelo tsa hae baa bontša hore ba na le temoho.+
ת [Taw]
O lokela ho rorisoa ka ho sa feleng.
Linaletsana
^ Kapa: “Halelujah!” “Jah” ke khutsufatso ea lebitso Jehova.
^ Kapa: “mosa.”
^ Kapa: “Li tiisitsoe hantle.”
^ Ka Seheberu: “Motheo oa bohlale.”
