Lipesaleme 118:1-29
118 Lebohang Jehova hobane o molemo.+
Lerato la hae ha le fele le ka mohla.
2 Baiseraele ba ke ba re:
“Lerato la hae ha le fele le ka mohla.”
3 Litloholo tsa Arone li ke li re:
“Lerato la hae ha le fele le ka mohla.”
4 Ba tšabang Jehova ba ke ba re:
“Lerato la hae ha le fele le ka mohla.”
5 Ke ile ka bitsa Jah* ha ke tšoenyehile.
Jah o ile a nkaraba, a ntlisa sebakeng se sireletsehileng.*+
6 Nke ke ka tšoha letho hobane Jehova o ka lehlakoreng la ka.+
Motho a ka nketsa’ng?+
7 Jehova o ka lehlakoreng la ka ebile ke mothusi oa ka.*+
Ke tla bona ha ba ntlhoileng ba hloloa.+
8 Ho molemo ho balehela ho JehovaHo e-na le ho tšepa batho.+
9 Ho molemo ho balehela ho JehovaHo e-na le ho tšepa likhosana.+
10 Lichaba tsohle tsa mpota-potaEmpa ka li leleka+Ka lebitso la Jehova.
11 Tsa mpota-pota ka mahlakoreng ’ohleEmpa ka li lelekaKa lebitso la Jehova.
12 Tsa mpota-pota joaloka linotšiEmpa tsa felisoa kapele joaloka meutloa e chesoang ke mollo.
Ke ile ka li leleka+Ka lebitso la Jehova.
13 Ke ile ka sutumetsoa ka matla* hore ke oeEmpa Jehova a nthusa.
14 Jah oa ntšireletsa ebile o mpha matla,Ke eena ea mpholosang.+
15 Ho utloahala lerata la batho ba thabilengLitenteng tsa ba lokileng hobane ba hlotse.*
Letsoho le letona la Jehova le bontša matla a hae.+
16 Letsoho le letona la Jehova le hlotse.
Letsoho le letona la Jehova le bontša matla a hae.+
17 Nke ke ka shoa empa ke tla phelaE le hore nka bolela mesebetsi ea Jah.+
18 Jah o ile a nkhalemela ka matla+Empa ha aa ka a ntlohela hore ke shoe.+
19 Mpulele likeiti tsa moo ba lokileng ba kenang teng.+
Ke tla kena ho tsona, ke rorise Jah.
20 Ena ke keiti ea Jehova.
Ba lokileng ba tla kena ka eona.+
21 Ke tla u rorisa hobane u ile oa nkaraba+Oa ba oa mpholosa.
22 Lejoe leo lihahi li le lahlilengLe fetohile lejoe la sekhutlo la sehlooho.*+
23 Lejoe lena le tsoa ho Jehova.+
Le letle haholo ho rona.+
24 Lena ke letsatsi leo Jehova a le behileng.
Re tla thaba re be re nyakalle ka letsatsi lena.
25 Jehova, re kopa u re pholose hle,Jehova, re kopa u re thuse hore re hlole.
26 Ho hlohonolofatsoe motho ea tlang ka lebitso la Jehova.+
Rona ba leng ntlong ea Jehova re re le hlohonolofale.
27 Jehova ke Molimo.
O re fa leseli.+
Tsamaeang le batho ba eang moketeng le tšoere makala+Le be le e’o fihla aletareng.*+
28 U Molimo oa ka ’me ke tla u rorisa.
Molimo oa ka, ke tla u tlotlisa.+
29 Lebohang Jehova+ hobane o molemo.
Lerato la hae ha le fele le ka mohla.+
Linaletsana
^ “Jah” ke khutsufatso ea lebitso Jehova.
^ Kapa: “sebakeng se seholo.”
^ Kapa mohlomong: “hammoho le ba nthusang.”
^ Kapa mohlomong: “U ile oa ntšutumetsa ka matla.”
^ Kapa: “pholositsoe.”
^ Ka Seheberu: “hlooho ea sekhutlo.”
^ Ka Seheberu: “manakeng a aletare.”
