Lipesaleme 29:1-11
Pesaleme ea Davida.
29 Rorisang Jehova, lona bara ba ba matla,Rorisang Jehova ka lebaka la khanya le matla a hae.+
2 Rorisang Jehova hobane lebitso la hae le tšoaneloa ke thoriso.
Inamelang* Jehova le apere liaparo tse halalelang.*
3 Lentsoe la Jehova le utloahala holim’a metsi.
Lentsoe la Molimo ea khanyang lea luma.+
Jehova o holim’a metsi a mangata.+
4 Lentsoe la Jehova le matla.+
Lentsoe la Jehova lea hlolla.
5 Lentsoe la Jehova le roba lifate tsa kedare.
Jehova o robakanya likedare tsa Lebanone.+
6 O etsa hore Lebanone* e tlola-tlole joaloka namaneLe hore Sirione+ e tlola-tlole joaloka pohoana ea naheng.
7 Lentsoe la Jehova le otla ka malakabe a mollo.+
8 Lentsoe la Jehova le thothometsa lefeella.+
Jehova o etsa hore lefeella la Kadeshe+ le thothomele.
9 Lentsoe la Jehova le etsa hore khama e tšehali e thothomele e be e tsoaleEbile le hlohlora meru.+
Bohle ba ka tempeleng ea hae ba re: “Khanya!”
10 Jehova o busa holim’a metsi a moroallo.*+
Jehova o busa e le morena ka ho sa feleng.+
11 Jehova o tla fa batho ba hae matla.+
Jehova o tla hlohonolofatsa batho ba hae ka ho ba fa khotso.+
Linaletsana
^ Kapa: “Rapelang.”
^ Kapa mohlomong: “ka lebaka la bokhabane ba khalalelo ea hae.”
^ Ho bonahala e le lithaba tsa Lebanone.
^ Kapa: “holim’a leoatle la leholimong.”
