Lipesaleme 39:1-13
Ho motsamaisi. E binoe ka mokhoa oa Jeduthune.*+ Pina ea Davida.
39 Ke ile ka re: “Ke tla ela hloko lintho tseo ke li etsangHore ke se ke ka etsa sebe ka seo ke se buang.+
Ke tla koala molomo oa ka ka ntho e tlamang+Hafeela motho ea khopo a le pel’a ka.”
2 Ke ile ka felloa ke mantsoe ’me ka thola.+
Ha kea ka ka bua le ka lintho tse ntle,Ke ne ke utloile bohloko haholo.
3 Pelo ea ka e ne e chesa ka sefubeng sa ka.
Ha ke ntse ke nahana, ke ne ke tuka le ho feta.
Eaba ke re:
4 “Jehova, ntsebise hore na bophelo ba ka bo tla fella kaeLe hore na ke tla phela matsatsi a makae+E le hore ke tsebe hore na bophelo ba ka bo bokhutšoanyane hakae.
5 U entse hore matsatsi a ka e be a seng makae.*+
Bolelele ba bophelo ba ka ha se letho ka pel’a hao.+
Le hoja ho bonahala eka motho e mong le e mong o sireletsehile, o tšoana feela le phefumoloho.+ (Selah)
6 Bophelo ba motho bo tšoana le seriti.
O potlakela* lefeela.
O bokella maruo a sa tsebe hore na a tl’o jeoa ke mang.+
7 Jehova, ke tšepe eng?
Ke uena feela tšepo ea ka.
8 Ntopolle liphosong tsohle tsa ka.+
U se ke oa lumella hore motho ea se nang kelello a ’nyatse.
9 Ke ile ka lula ke thotse,Ke sa khone ho bula molomo oa ka+Hobane ke uena ea neng a entse hore ke se ke ka khona ho bua.+
10 Tlosa kotlo ea hao ho ’na.
Ha ke sa na matla hobane letsoho la hao lea nkotla.
11 U khalemela motho ka ho mo fa kotlo bakeng sa phoso ea hae.+
U felisa lintho tseo a li ratang joalokaha eka li jeoa ke tšoele.*
Kannete motho e mong le e mong o tšoana le phefumoloho feela.+ (Selah)
12 Utloa thapelo ea ka hle Jehova,Mamela sello sa ka ha ke kopa thuso.+
U se ke oa iphapanyetsa likeleli tsa ka.
Ho uena ke tšoana le molichaba feela,+Ke mofeta-ka-tsela joaloka baholo-holo ba ka kaofela.+
13 U se ke oa ncheba u halefile e le hore ke tle ke thabePele ke shoa ’me ke e-ba sieo.”
