Lipesaleme 62:1-12
Ho motsamaisi. E binoe ka mokhoa oa Jeduthune.* Pina ea Davida.
62 Ke letela Molimo ke khutsitse.
Ke eena ea mpholosang.+
2 Ke lefika la ka le mopholosi oa ka, setšabelo sa ka se sireletsehileng.*+
Nke ke ka sisinngoa haholo le ka mohla.+
3 Le tla otla motho ho fihlela neng e le hore le mo bolaee?+
Kaofela ha lona le kotsi joaloka lerako la majoe le sekameng, le seng le le haufi le ho oa.*
4 Baa rerisana hore ba mo theole boemong ba hae bo phahameng.*
Ba thabela ho bua leshano.
Ba hlohonolofatsa ka melomo ea bona empa ka lipelong tsa bona baa rohakana.+ (Selah)
5 Ke letela Molimo ke khutsitse+Hobane ke eena ea mphang tšepo.+
6 Ke lefika la ka le mopholosi oa ka, setšabelo sa ka se sireletsehileng.
Nke ke ka sisinngoa le ka mohla.+
7 Poloko ea ka le khanya ea ka li itšetlehile ka Molimo.
Molimo ke lefika la ka le matla le setšabelo sa ka.+
8 Le mo tšepe ka linako tsohle, lona sechaba.
Le mo bolelle lintho tsohle tse ka lipelong tsa lona.+
Molimo ke setšabelo sa rona.+ (Selah)
9 Bara ba batho ba tšoana feela le moea,Bara ba batho ke setšabelo se sa tšepahaleng.+
Ba bofefo ho feta moea ha ba bapisoa le ’ona sekaleng.+
10 Le se ke la tšepa bolotsanaKapa la tšepa bosholu.
Haeba maruo a lona a eketseha, le se ke la beha lipelo tsa lona ho ’ona.+
11 Ke utloile habeli hore Molimo o itse:
Matla ke a Molimo.+
12 Lerato* le lona ke la hao, Jehova.+
U putsa motho e mong le e mong ho ea ka liketso tsa hae.+
Linaletsana
^ Kapa: “sebaka se phahameng se sireletsehileng.”
^ Kapa mohlomong: “Kaofela ha lona, joalokaha eka ke lerako le sekameng, lerako la majoe le haufi le ho oa.”
^ Kapa: “theole seriti.”
^ Kapa: “Lerato le tšepahalang.” Sheba Tlhaloso.
