Lipesaleme 63:1-11
Pina ea Davida, ha a ne a le lefeelleng la Juda.+
63 Molimo, u Molimo oa ka, ke lula ke u batla.+
Ke u hloka joaloka motho ea nyoretsoeng metsi.+
Ke feletsoe ke matla hobane ke u hopotseNaheng ena e omeletseng, moo ho se nang metsi.+
2 Ke u bone sebakeng sa hao se halalelang.
Ke bone le matla a hao le khanya ea hao.+
3 Kaha lerato la hao le molemo ho feta bophelo,+Ke tla u rorisa ka molomo oa ka.+
4 Ke tla u rorisa bophelo bohle ba ka.
Ke tla phahamisa matsoho a ka ’me ke u rapele ke bitsa lebitso la hao.
5 Ke khotsofetse hobane u mpha lintho tse molemo le tse ntlehali,Ke tla u rorisa ka molomo oa ka ke thabile.+
6 Ke u hopola ke le betheng ea ka.
Ke nahanisisa ka uena bosiu bohle.+
7 U mothusi oa ka,+Ke hoeletsa ke thabile tlas’a moriti oa mapheo a hao.+
8 Ke u khomaretse.
Letsoho la hao le letona le ntšoere ka tieo.+
9 Empa ba batlang ho mpolaeaBa tla theohela tlase lebitleng.
10 Ba tla felisoa ka bohale ba sabole.
E tla ba lijo tsa liphokojoe.
11 Morena o tla thaba* ka lebaka la Molimo.
Motho e mong le e mong ea hlapanyang ka Molimo o tla nyakallaHobane melomo ea ba buang leshano e tla khutsisoa.
Linaletsana
^ Kapa: “ithorisa.”
