Lipesaleme 81:1-16
Ho motsamaisi oa Gitithe.* Pesaleme ea Asafe.+
81 Hoeletsang le thabile ka pel’a Molimo oa rona ea re fang matla.+
Hoeletsang le thabile ’me le rorise Molimo oa Jakobo.
2 Bapalang pina ’me le nke moropa o monyenyane,Harepa e llang hamonate le seletsa se likhoele.
3 Letsang lenaka ha khoeli e qala,+Ha khoeli e tolokile, ka letsatsi la mokete oa rona.+
4 Ke molao oa Iseraele,Ke taelo ea Molimo oa Jakobo.+
5 O ile a e fa Josefa e le khopotso+Ha Molimo a ne a e’o hlasela naha ea Egepeta.+
Ke ile ka utloa lentsoe* leo ke sa le tsebeng le re:
6 “Ke ile ka tlosa moroalo mahetleng a hae.+
Ke ile ka nka baskete* matsohong a hae.
7 U ile oa mpitsa ha u le mahlomoleng ’me ka u pholosa.+
Ka u araba marung a matšo.*+
Ka u leka metsing a Meriba.*+ (Selah)
8 Mamelang lona batho ba ka ’me ke tla le khalemela.
Uena Iseraele, e se eka u ka ’mamela.+
9 Ho ke ke ha e-ba le molimo e mong har’a lonaEbile le ke ke la khumamela molimo e mong.+
10 ’Na Jehova, ke Molimo oa lonaEa le ntšitseng naheng ea Egepeta.+
Ahlamisang melomo ’me ke tla le fepa le be le khore.+
11 Empa batho ba ka ha baa ka ba mamela lentsoe la ka.
Iseraele ha aa ka a ’mamela.+
12 Ke ile ka ba tlohela hore ba be manganga.
Ba ile ba etsa seo ba bonang se nepahetse.+
13 Haeba sechaba sa ka se ne se ka ’mamela+Haeba Baiseraele ba ne ba ka latela tataiso ea ka,+
14 Ke ne ke tla kokobetsa lira tsa bona kapele,Ke hlasele bahanyetsi ba bona.+
15 Ba hloileng Jehova ba tla thothomela ka pel’a hae,Kahlolo ea bona e tla ba ea ka ho sa feleng.
16 Empa o tla u* fepa koro e ntle ka ho fetisisa*+A u khotsofatse ka mahe a linotši a tsoang lefikeng.”+
Linaletsana
^ Kapa: “puo.”
^ Ho bonahala ho buuoa ka libaskete tseo makhoba a neng a jara lintho ka tsona ha ho hahoa.
^ E bolelang: “Ho Qabana.”
^ Ka Seheberu: “ke le sebakeng se patehileng sa sealuma.”
^ Ka Seheberu: “mo” e emelang batho ba Molimo.
^ Ka Seheberu: “koro e nonneng.”
