Leino le Ichorisang la Urchin ea Leoatleng

Na le Entsoe?

● Urchin ea leoatleng e sebelisa meno a eona a mahlano hore e epe mokoti oo e tla ipata ka ho oona lefikeng. Le hoja e sila le ho fala ka meno a eona, a lula a le nchocho. Pupa Gilbert, e leng moprofesa oa thuto ea fisiks Univesithing ea Wisconsin–Madison e United States o re: “Meno ao a bohale ho feta lisebelisoa tsa rōna tse sehang le tse silang tseo re li sebelisang kajeno.” Sephiri sa phoofotsoana ee ea leoatleng ke sefe?

Ak’u nahane: Leino la eona le entsoe ka lintho tse kang majoana a manyenyane a kopantsoeng hammoho. Gilbert o bolela hore leha ho le joalo, “ho na le moo ka tlhaho meno ana a kumehang teng ebe aa khaoha.” Karolo e tsofetseng ea leino e sebakeng seo—joaloka masoba pampiring—e etsa hore likarolo tse khathetseng tsa leino li foforehe, ebe ho hlaha leino le leng le nchocho. Kaha leino le tsoela pele ho hōla ka lehlakoreng le leng ’me le ichorisa ka ho le leng, ha ho mohla le bang nthithi. Gilbert o re leino la urchin ea leoatleng “ke e ’ngoe ea lintho tse ’maloa haholo tsa tlhaho tse khonang ho ichorisa.”

Ho tseba hore na leino la urchin ea leoatleng le ichorisa joang, ho thahasellisa baetsi ba lithulusi haholo. Seo se ba fa khopolo ea hore ba etse lithulusi tse ichorisang ha li ntse li sebelisoa. Gilbert o re: “Re ka sebelisa mokhoa o sebelisoang ke urchin ea leoatleng.”

U nahana’ng ka see? Na leino le ichorisang la urchin ea leoatleng le bile teng ka tšohanyetso? Kapa na le entsoe?

[Setšoantšo se Qanollang se leqepheng la 16]

(Ha u batla ho bona boitsebiso bo hlophisitsoeng hantle, sheba sengoliloeng)

Leino le hōlang

Calcareous plate

Leino le chorisitsoeng

[Setšoantšo se leqepheng la 16]

Urchin ea leoatleng

[Setšoantšo se leqepheng la 16]

Meno a mahlano

[Tlhaloso ea Moo Setšoantšo se Nkiloeng Teng e leqepheng la 16]

Both photos: Courtesy of Pupa Gilbert/University of Wisconsin-Madison