Jabur 77:1-20
Keur pamingpin musik: Nganggo Yédutun.* Lagu karangan Asaf.
77 Abdi bakal sasambat tarik ka Allah.
Abdi bakal sasambat ka Allah, ku Anjeunna bakal didangu.
2 Waktu keur susah, abdi néangan Yéhuwa.
Waktu peuting, abdi teu eureun-eureun nadahkeun leungeun pikeun ngadoa ka Anjeunna,Tapi angger wéh abdi teu tenang.
3 Waktu abdi inget ka Allah, abdi teu puguh rarasaan.
Abdi ngarasa susah jeung leungit tanaga.* (Sela)
4 Ku Gusti, abdi disina terus beunta.
Abdi guligah jeung teu bisa ngomong nanaon.
5 Abdi inget kana poé-poé nu geus kaliwat,Inget kana taun-taun nu baheula.
6 Peuting-peuting, abdi inget kana lagu abdi.
Abdi ngalenyepan dina haté,Abdi terus néangan jawabanana.
7 Badé salamina kitu Yéhuwa téh miceun abdi sadaya?
Anjeunna moal nyaah deui kitu ka abdi sadaya?
8 Kanyaah-Na* tos leungit salamina kitu?
Moal aya kitu génerasi nu bakal ningali jangji-Na laksana?
9 Ari Allah téh tos teu karunya deui kitu,Atawa welas asih-Na tos leungit pédah ambek ka abdi sadaya? (Sela)
10 Maenya abdi kudu ngomong kieu terus, ”Abdi susah* téhGara-gara Nu Maha Agung geus embung nulungan abdi sadaya deui”?
11 Abdi badé ngémut-ngémut tindakan Yah.
Abdi badé ngéling-ngéling perkara nu harébat nu kapungkur dipilampah ku Gusti.
12 Abdi badé ngalenyepan sagala nu dipidamel ku GustiSarta mikirkeun tindakan-tindakan Gusti.
13 Nun Allah, sadaya jalan Gusti téh suci.
Allah mana nu sahébat Gusti, nun Allah?
14 Gusti téh Allah nu bener, nu ngalampahkeun sagala nu luar biasa.
Gusti tos némbongkeun kakuatan Gusti ka bangsa-bangsa.
15 Ku kakuatan* Gusti, Gusti tos nyalametkeun* umat Gusti,Nyaéta turunan Yakub sarta turunan Yusuf. (Sela)
16 Cai ningal Gusti, nun Allah,Cai ningal Gusti tuluy ngadégdég.
Cai nu jero gé jadi motah.
17 Awan-awan ngucurkeun hujan,Langit guguludugan,Kilat Gusti sasamber ka ditu ka dieu kawas panah.
18 Guludug Gusti tinggulugur kawas sora karéta perang.
Kilat-kilat sasamber nyaangan bumi.*
Bumi oyag jeung eundeur.
19 Gusti angkat napak laut,Gusti mapah dina cai nu jero,Tapi tapak dampal Gusti teu katingali.
20 Ku panangan Musa jeung Harun,Gusti nungtun umat Gusti kawas pangangon ngagiring ingon-ingon.
Catetan Tambihan
^ Tingali Daptar Istilah.
^ Atawa ”teu sumanget deui”.
^ Atawa ”Asih satia-Na”.
^ Atawa ”ngarasa dinyenyeri”.
^ As. ”panangan”.
^ As. ”nebus”.
^ Atawa ”tanah nu subur”.
