Septemba 25, 2022, Ndugu Mário Pinto de Oliveira, mshiriki wa Halmashauri ya Tawi ya Ureno alitoa Biblia—Habari Njema Kulingana na Mathayo katika lugha ya Kabuverdianu. Kitabu hicho kilitolewa katika mfumo wa kielektroni katika programu iliyofanywa kupitia mtandao. Programu hiyo ilipeperushwa moja kwa moja kutoka kwenye ofisi ya tawi ya Ureno iliyo jijini Lisbon. Jumla ya watu 3,812 walitazama programu hiyo, kutia ndani wale waliounganishwa katika Majumba ya Ufalme nchini Cape Verde na nchini Ureno.

Lugha ya Kabuverdianu ni Krioli inayotokana na Kireno. Lugha ya Kabuverdianu ndiyo lugha ya asili ya watu wengi wanaoishi nchini Cape Verde. Ofisi ya tawi ya Ureno inasimamia kazi ya kuhubiri nchini Cape Verde.

Mtafsiri mmoja alisema hivi kuhusu kitabu hiki cha Biblia kilichotafsiri hivi karibuni: “Ingawa kulikuwa na vitabu vya Biblia vilivyotafsiriwa katika lugha ya Kabuverdianu, havikupatikana kwa urahisi. Kwa wengi wataokapata kitabu hiki cha Biblia, watasoma Neno la Mungu kwa mara ya kwanza katika lugha yao ya asili.”

Mtasiri mwingine alisema: “Biblia hii ni rahisi kusoma na kuelewa, na ina maneno tunayotumia katika maisha yetu ya kila siku. Ni zawadi kubwa kutoka kwa Yehova na itatusaidia sana katika kazi yetu ya kuhubiri. Sasa, badala ya kutumia muda mwingi kufafanua maneno, tutatumia muda huo kugusa mioyo ya watu.”

Kutolewa kwa kitabu cha Mathayo katika lugha ya Kabuverdianu kunatusadikishia kwamba Mungu wetu ambaye hana ubaguzi atahakikisha wote wanaomtafuta wanapata Neno lake.​—Matendo 10:34, 35.