Zaburi 41:1-13
Kwa kiongozi. Muziki wa Daudi.
41 Mwenye furaha ni mtu yeyote anayemjali mtu wa hali ya chini;+Yehova atamwokoa siku ya msiba.
2 Yehova atamlinda na kumhifadhi hai.
Atatangazwa kuwa mwenye furaha duniani;+Hutamtia kamwe mikononi mwa maadui wake ili wamtendee wapendavyo.*+
3 Yehova atamtegemeza kwenye kitanda chake cha ugonjwa;+Wakati huo wa ugonjwa utakibadili kabisa kitanda chake.
4 Kwa maana nilisema: “Ee Yehova, nionyeshe kibali.+
Niponye,*+ kwa maana nimekutendea dhambi.”+
5 Lakini maadui wangu wanasema mambo maovu kunihusu:
“Atakufa lini jina lake litoweke?”
6 Mmoja wao akija kuniona, moyo wake husema uwongo.
Hukusanya mambo yenye kudhuru ya kusema;Kisha hutoka nje na kuyaeneza kotekote.
7 Wote wanaonichukia wananong’onezana;Wanapanga njama ya uovu dhidi yangu:
8 “Amepatwa na jambo linaloogopesha;Sasa kwa kuwa yuko chini, hatainuka tena.”+
9 Hata mtu niliyekuwa na amani naye, ambaye nilimwamini,+Aliyekuwa akila mkate wangu, amekiinua kisigino chake dhidi yangu.*+
10 Lakini wewe, Ee Yehova, nionyeshe kibali na kuniinua,Ili niwalipize.
11 Kwa njia hii nitajua kwamba unapendezwa nami:
Adui yangu asipoweza kupaza sauti kwa ushindi dhidi yangu.+
12 Lakini mimi, unanitegemeza kwa sababu ya utimilifu wangu;+Utaniweka mbele zako* milele.+
13 Yehova, Mungu wa Israeli, na asifiweKwa umilele wote.*+
Amina na Amina.
Maelezo ya Chini
^ Au “Iponye nafsi yangu.”
^ Au “amenigeuka.”
^ Tnn., “mbele za uwepo wako.”
^ Au “Milele na milele.”
