JE, NI KAZI YA UBUNI?
Ngozi ya Nyoka
KWA KUWA nyoka hawana miguu wala mikono, wanahitaji ngozi imara ili kuhimili msuguano ambao hutokea kila wanaposonga. Kuna aina za nyoka ambao hupanda kwenye miti inayokwaruza na wengine huchimba kwenye mchanga unaochubua. Ni nini kinachofanya ngozi ya nyoka istahimili hali hizo?
Fikiria hili: Unene na muundo wa ngozi ya nyoka hutofautiana kulingana na jamii za nyoka. Hata hivyo, ngozi za nyoka hufanana kwa njia hii: Ni ngumu upande wa nje bali huzidi kuwa laini kuelekea ndani ya mwili wa nyoka. Kwa nini hilo ni muhimu? Mtafiti anayeitwa Marie-Christin Klein anasema: “Vitu ambavyo ni vigumu upande wa nje na kuwa laini hatua kwa hatua upande wa ndani, vinaweza kutawanya shinikizo kwenye eneo kubwa zaidi.” Muundo wa kipekee wa ngozi ya nyoka huruhusu mvutano wa kutosha kati ya mwili na ardhi na hivyo kumfanya nyoka aweze kusonga, na wakati huohuo, kutawanya shinikizo lolote la mawe yaliyochongoka ili kupunguza uharibifu kwenye ngozi yake. Uimara wa ngozi ya nyoka ni muhimu, kwani wao huvua ngozi zao kila baada ya miezi miwili au mitatu.
Vifaa vinavyofanana na ngozi ya nyoka vinaweza kutumiwa kwa ajili ya matibabu—kwa mfano, katika kutengeneza viungo bandia visivyoteleza na vinavyodumu zaidi. Pia, mikanda ya kuendesha na kusukuma mashine ikitengenezwa kwa kuiga muundo wa ngozi ya nyoka, haitahitaji kutiwa grisi nyingi zenye kemikali zinazoharibu mazingira.
Una maoni gani? Je, ngozi ya nyoka ilijitokeza yenyewe? Au ilibuniwa?
Huenda Ukapenda Pia
AMKENI!
Mng’ao wa Bluu wa Beri aina ya Pollia
Beri aina ya Pollia haina rangi ya bluu, lakini ina mwonekano wa bluu unaong’aa sana kuliko mmea mwingine wowote. Ni nini hutokeza mng’ao huo wa bluu?
AMKENI!
Manyoya ya Fisi Maji wa Baharini
Baadhi ya wanyama wanaoishi majini wana tabaka la mafuta linalowasaidia kudumisha joto. Fisi maji wa baharini hutumia mbinu nyingine.
AMKENI!
Mbinu ya Nyuki ya Kutua
Kwa nini mbinu ya kutua ya nyuki inafaa kutumiwa katika mfumo wa kuongoza roboti zinazoruka angani?
AMKENI!
Ngozi ya Chungu wa Sahara
Chungu wa rangi ya fedha ni mmoja kati ya viumbe wenye uwezo mkubwa wa kuvumilia joto kali. Ni nini kinachomwezesha kufanya hivyo?
AMKENI!
Nyuzinyuzi za Kome wa Baharini
Kome huning’inia kwa kutumia nyuzinyuzi. Kuelewa jinsi nyuzinyuzi hizo hufanya kazi kunaweza kutusaidia kubuni njia bora za kushikisha vifaa kwenye majengo au kuunganisha kano kwenye mifupa.
