ENDELEA KUKESHA!
Wanasiasa Wanaonya Har-Magedoni Itakuja Karibuni—Biblia Inasema Nini?
Asubuhi ya Jumatatu, Oktoba 10, 2022, makombora ya Urusi yalipiga majiji mbalimbali nchini Ukrainia. Lengo lilikuwa kulipiza kisasi mlipuko mkubwa uliotokea siku mbili mapema ulioharibu daraja muhimu linalounganisha Crimea na Urusi. Matukio hayo yamekuja baada tu ya wanasiasa fulani kuonya kwamba hivi karibuni huenda tukakabili Har-Magedoni.
“Hatujawa karibu na Har-Magedoni tena tangu wakati wa [Rais wa Marekani John F.] Kennedy na ule Mgogoro wa Makombora wa Kuba. . . . Sidhani ikiwa inawezekana kutumia kombora ya nyuklia bila kusababisha Har-Magedoni.”—Rais wa Marekani Joe Biden, Oktoba 6, 2022.
“Ninakubali kwamba hii ni Har-Magedoni, ni hatari kwa sayari yote.”—Rais wa Ukrainia Volodymyr Zelensky, alipoulizwa kuhusu madhara ya kutumia silaha za nyuklia, Habari za BBC, Oktoba 8, 2022.
Je, uwezekano wa kutumiwa kwa silaha za nyuklia utaongoza kwenye Har-Magedoni? Biblia inasema nini?
Je, kutumiwa kwa silaha za nyuklia kutaanzisha Har-Magedoni?
Hapana. Neno “Har-Magedoni” linapatikana mara moja tu katika Biblia kwenye Ufunuo 16:16. Halimaanishi vita kati ya mataifa bali ni vita kati ya Mungu na “wafalme wa dunia nzima inayokaliwa.” (Ufunuo 16:14) Mungu atatumia vita vya Har-Magedoni kukomesha utawala wa wanadamu.—Danieli 2:44.
Ili ujifunze mengi zaidi kuhusu jinsi Har-Magedoni itakavyoathiri dunia, soma makala yenye kichwa Vita vya Har-Magedoni Ni Nini?
Je, dunia na watu wanaoishi humu wataangamizwa katika vita vya kinyuklia?
Hapana. Ingawa huenda wakati ujao wanadamu wanaotawala wakatumia silaha za nyuklia, Mungu hataruhusu dunia iangamizwe. Biblia inasema hivi:
“Dunia inadumu milele.”—Mhubiri 1:4.
“Waadilifu wataimiliki dunia, nao wataishi humo milele.”—Zaburi 37:29.
Hata hivyo, unabii wa Biblia na matukio ya karibuni yanaonyesha kwamba tunakaribia kipindi cha mabadiliko makubwa katika historia ya wanadamu. (Mathayo 24:3-7; 2 Timotheo 3:1-5) Jifunze kile ambacho Biblia inasema kuhusu wakati ujao kupitia programu yetu ya kujifunza Biblia bila malipo.
Huenda Ukapenda Pia
MAJIBU YA MASWALI YA BIBLIA
Je, Dunia Itaharibiwa?
Biblia inaeleza waziwazi kusudi la Mungu kwa sayari yetu.
ESSENTIAL BIBLE TEACHINGS
Kwa Nini Mungu Aliiumba Dunia?
Dunia imejaa vitu maridadi. Iko umbali unaofaa kabisa kutoka kwenye jua, imeinama kwa pembe inayofaa kabisa, na inazunguka kwa mwendo unaofaa kabisa. Kwa nini Mungu alifanya jitihada kubwa sana hivyo kuiumba dunia?
MAJIBU YA MASWALI YA BIBLIA
Ni Nini Ishara ya “Siku za Mwisho”?
Biblia ilitabiri mambo mengi ambayo yangetukia wakati uleule na kuwasaidia watu kutambua siku za mwisho.
Urusi Yashambulia Ukrainia—Je, Unabii wa Biblia Unatimizwa?
Ikiwa ndivyo, je, Biblia inafunua jinsi mambo yote haya yatakavyokwisha?
MNARA WA MLINZI
Je, Inawezekana Kuokoka Vita vya Har-Magedoni?
Har-Magedoni ni neno linaloogopesha, lakini linarejelea nini hasa?
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
