Je, Utafanya Mapenzi ya Yehova?
Tunakupongeza kwa kuichunguza broshua hii ili kutufahamu vizuri sisi Mashahidi wa Yehova, kujua utendaji wetu, na kuona jinsi tengenezo letu linavyofanya kazi. Tunatumaini broshua hii imekusaidia kuona wazi kwamba sisi ndio tunaofanya mapenzi ya Yehova leo. Tunakutia moyo uendelee kujifunza kumhusu Mungu, kuzungumza na familia yenu na rafiki zako kuhusu mambo ambayo unajifunza, na kuhudhuria mikutano yetu kwa ukawaida.—Waebrania 10:23-25.
Utaona kwamba kadiri unavyoendelea kujifunza kumhusu Yehova, ndivyo unavyozidi kutambua kwamba anakupenda kwelikweli. Wewe nawe, utachochewa kufanya yote uwezayo ili kuonyesha kwamba unampenda. (1 Yohana 4:8-10, 19) Unawezaje kuonyesha kwamba unampenda Mungu katika maisha yako? Kwa nini kutii viwango vyake vya maadili ni jambo lenye manufaa kwako? Na ni nini ambacho kitakuchochea ujiunge nasi kumtumikia Mungu? Yule anayejifunza Biblia pamoja nawe atafurahi kukujibu maswali hayo ili wewe na familia yako “mwendelee kujitunza katika upendo wa Mungu, . . . ili hatimaye mpate uzima wa milele.”—Yuda 21.
Endelea kutembea katika njia ya kweli kwa kujifunza kitabu hiki . . .
Huenda Ukapenda Pia
KUTUHUSU
Kwa Nini Ujifunze Biblia?
Biblia inawapa mamilioni ya watu ulimwenguni pote majibu ya maswali muhimu maishani. Je, ungependa kuwa mmoja wao?
MASWALI YANAYOULIZWA MARA NYINGI
Mtaala wa Kujifunza Biblia Unaotolewa na Mashahidi wa Yehova Ni Nini?
Unaweza kutumia tafsiri yoyote ya Biblia unaposhiriki programu ya mazungumzo inayotolewa na Mashahidi wa Yehova. Jihisi huru kualika familia yako yote na marafiki wowote unaochagua.
