Ya Kwanza kwa Wakorinto 3:1-23
3 Basi ndugu, mimi sikuweza kusema na ninyi kama na watu wa kiroho,+ lakini kama na watu wa kimwili, kama na watoto wadogo+ katika Kristo.
2 Niliwapatia ninyi maziwa mukunywe, sikuwapatia chakula kigumu, kwa maana mulikuwa hamujakuwa na nguvu za kutosha. Kwa kweli, hata sasa hamuna nguvu za kutosha,+
3 kwa maana ninyi mungali bado wa kimwili.+ Kwa kuwa kuko wivu na mizozo kati yenu, je, ninyi hamuko wa kimwili+ na je, hamutembee kama vile wanadamu wanatembea?
4 Kwa maana wakati mutu mumoja anasema, “Mimi ni wa Paulo,” lakini mwingine anasema, “Mimi ni wa Apolo,”+ je, hamutende kama wanadamu tu?
5 Basi, Apolo ni nani? Ndiyo, Paulo ni nani? Watumishi+ wenye kupitia wao mulikuwa waamini, kama vile Bwana alimuwezesha kila mumoja.
6 Mimi nilipanda,+ Apolo akatia maji,+ lakini Mungu akaendelea kuikomalisha,
7 kwa hiyo mwenye anapanda haiko kitu wala mwenye anatia maji, lakini Mungu mwenye anaikomalisha.+
8 Sasa mwenye anapanda na mwenye anatia maji ni kitu kimoja,* lakini kila mutu atapokea zawabu yake mwenyewe kulingana na kazi yake mwenyewe.+
9 Kwa maana sisi ni wafanyakazi pamoja na Mungu. Ninyi ni shamba la Mungu lenye linalimwa, jengo la Mungu.+
10 Kulingana na fazili zenye hazistahiliwe za Mungu zenye nilipewa, niliweka musingi,+ nikiwa mujenzi mukubwa mwenye ufundi,* lakini mutu mwingine anajenga juu yake. Lakini kila mumoja aendelee kuangalia namna anajenga juu yake.
11 Kwa maana hakuna mutu mwenye anaweza kuweka musingi mwingine wowote juu ya ule wenye uliwekwa, ambao ni Yesu Kristo.+
12 Sasa kama mutu yeyote anajenga juu ya musingi huo zahabu, feza, majiwe yenye samani, mbao, majani yenye kukauka, ao nyasi zenye kukauka,
13 kazi ya kila mumoja itaonyeshwa namna iko,* kwa maana ile siku itaionyesha, kwa sababu itafunuliwa kupitia moto,+ na moto wenyewe utaonyesha ni kazi ya namna gani kila mumoja amejenga.
14 Kama kazi ya mutu yeyote yenye amejenga juu yake inabakia, atapokea zawabu;
15 kama kazi ya mutu yeyote inateketea kwa moto, atapoteza, lakini yeye mwenyewe ataokolewa; hata hivyo, kama ni vile, itakuwa kama kupitia katika moto.
16 Je, hamujue kama ninyi wenyewe ni hekalu la Mungu,+ na kama roho ya Mungu inakaa ndani yenu?+
17 Kama mutu yeyote anaharibu hekalu la Mungu, Mungu atamuharibu mutu huyo; kwa maana hekalu la Mungu ni takatifu, na ninyi ni hekalu hilo.+
18 Mutu yeyote asijidanganye: Kama mutu yeyote kati yenu anawaza yeye ni mwenye hekima katika mupangilio huu wa mambo,* akuwe mupumbavu ili akuwe mwenye hekima.
19 Kwa maana hekima ya ulimwengu huu ni upumbavu kwa Mungu, kwa maana imeandikwa: “Yeye anakamata wenye hekima katika ujanja wao wenyewe.”
20 Na tena: “Yehova* anajua kama kufikiri kwa watu wenye hekima ni kwa bure.”*+
21 Basi mutu yeyote asijisifu katika wanadamu; kwa maana vitu vyote ni vyenu,
22 ikuwe ni Paulo ao Apolo ao Kefa*+ ao ulimwengu ao uzima ao kifo ao mambo yenye kuwa sasa ao mambo yenye yatakuja, vitu vyote ni vyenu;
23 na ninyi ni wa Kristo;+ na Kristo ni wa Mungu.
Maelezo ya Chini
^ Ao “wako na kusudi moja.”
^ Ao “musimamizi wa kazi mwenye hekima.”
^ Tnn., “itafunuliwa.”
^ Ao “mufumo huu wa mambo.” Angalia Maana ya Maneno.
^ Angalia Nyongeza A5.
^ Ao “ni ubatili.”
^ Anaitwa pia Petro.
