Ya Kwanza ya Yohana 5:1-21
5 Kila mutu mwenye anaamini kwamba Yesu ni Kristo amezaliwa kutokana na Mungu,+ na kila mutu mwenye anamupenda ule mwenye alitokeza kuzaliwa anapenda ule mwenye amezaliwa kutokana na huyo.
2 Kupitia jambo hili sisi tunajua kama tunapenda watoto wa Mungu,+ wakati tunamupenda Mungu na kushika amri zake.
3 Kwa maana kumupenda Mungu kunamaanisha hivi, kwamba tushike amri zake;+ na bado amri zake haziko muzigo muzito,+
4 kwa sababu kila mutu mwenye amezaliwa* kutokana na Mungu anashinda ulimwengu.+ Na huu ndio ushindi wenye umeshinda ulimwengu, imani yetu.+
5 Ni nani mwenye anaweza kushinda ulimwengu?+ Je, haiko ule mwenye anaamini kama Yesu ni Mwana wa Mungu?+
6 Huyu ndiye mwenye alikuja kupitia maji na damu, Yesu Kristo, haiko kwa maji tu,+ lakini kwa maji na kwa damu.+ Na roho inatoa ushahidi,+ kwa sababu roho ndiyo kweli.
7 Kwa maana kuko vitu tatu (3) vyenye vinatoa ushahidi:
8 roho+ na maji+ na damu;+ na hivyo vitatu (3) vinakubaliana.
9 Kama tunakubali ushahidi wa wanadamu, ushahidi wa Mungu ni mukubwa zaidi. Kwa sababu huu ndio ushahidi wenye Mungu anatoa, ushahidi wenye ametoa juu ya Mwana wake.
10 Mutu mwenye anamuamini Mwana wa Mungu, iko* na ushahidi ndani yake mwenyewe. Mutu mwenye hamuamini Mungu amemufanya yeye kuwa muongo,+ kwa sababu haamini ushahidi wenye Mungu alitoa juu ya Mwana wake.
11 Na huu ndio ushahidi, kwamba Mungu alitupatia uzima wa milele,+ na uzima huu uko ndani ya Mwana wake.+
12 Mutu mwenye kuwa na Mwana iko* na uzima huu; mutu mwenye hana Mwana wa Mungu hana uzima huu.+
13 Ninawaandikia mambo haya ili mujue kama muko na uzima wa milele,+ ninyi wenye kuwa na imani katika jina la Mwana wa Mungu.+
14 Na huu ndio uhakika* wenye tuko nao kwake,+ kwamba hata kama tunaomba nini kulingana na mapenzi yake, yeye anatusikia.+
15 Na kama tunajua kwamba anatusikia kuhusiana na kitu chochote chenye tunaomba, tunajua kwamba tutapata mambo yenye tuliomba, kwa kuwa tumeyaomba kwake.+
16 Kama mutu yeyote anamuona ndugu yake akifanya zambi yenye hailete kifo, yeye ataomba, na Mungu atapatia huyo uzima,+ ndiyo, kwa wale wenye hawafanye zambi yenye inaleta kifo. Kuko zambi yenye inaleta kifo.+ Simuambie aombe juu ya zambi hiyo.
17 Kila ukosefu wa haki ni zambi,+ na bado kuko zambi yenye hailete kifo.
18 Tunajua kama kila mutu mwenye alizaliwa kutokana na Mungu hazoee kufanya zambi, lakini ule mwenye alizaliwa kutokana na Mungu* anamulinda, na ule muovu hawezi kumushika.*+
19 Tunajua kama tunatokana na Mungu, lakini ulimwengu muzima unakaa katika nguvu za ule muovu.+
20 Hata hivyo, tunajua kama Mwana wa Mungu amekuja,+ na ametupatia ufahamu* ili tuweze kujua ule mwenye kuwa wa kweli. Na tuko katika umoja na ule mwenye ni wa kweli,+ kupitia Mwana wake, Yesu Kristo. Ule ndiye Mungu wa kweli na uzima wa milele.+
21 Watoto wadogo, mujiepushe na sanamu.+
Maelezo ya Chini
^ Ao “kila kitu chenye kimezaliwa.”
^ Ao “eko.”
^ Ao “eko.”
^ Ao “uhuru wa kusema.”
^ Ni kusema, Yesu Kristo, Mwana wa Mungu.
^ Ao “hamushike kwa nguvu.”
^ Tnn., “uwezo wa kufikiri; uwezo wa akili.”
