Hesabu 10:1-36
10 Kisha Yehova akamuambia Musa:
2 “Jitengenezee tarumbeta mbili,+ uzitengeneze na feza kwa kutumia nyundo,* na uzitumie kuita mukusanyiko na kuvunja kambi.
3 Wakati tarumbeta zote mbili zinapigwa, mukusanyiko wote unapaswa kukusanyika mbele yako kwenye muingilio wa hema ya mukutano.+
4 Kama tarumbeta moja tu inapigwa, wakubwa peke yao, vichwa vya maelfu ya Israeli, watakusanyika mbele yako.+
5 “Wakati mutapiga tarumbeta kwa mulio wenye kubadilika-badilika, wale wenye kupiga kambi upande wa mashariki+ wanapaswa kuondoka.
6 Wakati munapiga tarumbeta mara ya pili kwa mulio wenye kubadilika-badilika, wale wenye kupiga kambi upande wa kusini+ wanapaswa kuondoka. Tarumbeta itapigwa kwa njia hiyo kila mara wakati kambi moja inaondoka.
7 “Sasa wakati munaita kutaniko kusudi likusanyike pamoja, munapaswa kupiga tarumbeta,+ lakini hapana kwa mulio wenye kubadilika-badilika.
8 Wana wa Haruni, makuhani, wanapaswa kupiga tarumbeta;+ na kutumia tarumbeta itakuwa sheria ya kudumu katika vizazi vyenu vyote.
9 “Kama munaenda kupigana vita na mukandamizaji mwenye kuwatesa katika inchi yenu, munapaswa kupiga mulio wa vita kwa tarumbeta hizo,+ na Yehova Mungu wenu atawakumbuka na kuwaokoa katika mikono ya maadui wenu.
10 “Pia, katika siku zenu za kushangilia+—wakati wa sikukuu zenu+ na kwenye mwanzo wa miezi yenu—mutapiga tarumbeta hizo juu ya matoleo yenu ya kuteketezwa+ na zabihu zenu za ushirika;+ tarumbeta hizo zitafanya Mungu wenu awakumbuke. Mimi ni Yehova Mungu wenu.”+
11 Sasa katika mwaka wa pili, mwezi wa pili, siku ya makumi mbili (20) ya mwezi huo,+ lile wingu liliinuka kutoka juu ya tabenakulo+ ya Ushuhuda.
12 Kwa hiyo Waisraeli wakaanza kuondoka katika jangwa la Sinai kulingana na utaratibu wenye uliwekwa wa kuanza safari,+ na wingu hilo likasimama katika jangwa la Parani.+
13 Hiyo ilikuwa mara ya kwanza yenye waliondoka kulingana na agizo la Yehova kupitia Musa.+
14 Kwa hiyo mugawanyo wa makabila tatu (3) wa kambi ya wana wa Yuda uliondoka kwanza kulingana na vikundi vyao vya maaskari,* na Nashoni+ mwana wa Aminadabu alikuwa kiongozi wa kikundi chao cha maaskari.
15 Kiongozi wa kikundi cha maaskari cha kabila la wana wa Isakari alikuwa Netaneli+ mwana wa Zuari.
16 Kiongozi wa kikundi cha maaskari cha kabila la wana wa Zabuloni alikuwa Eliabu+ mwana wa Heloni.
17 Wakati tabenakulo ilibomolewa,+ wana wa Gershoni+ na wana wa Merari,+ wenye walibeba tabenakulo hiyo, waliondoka.
18 Kisha mugawanyo wa makabila tatu (3) wa kambi ya Rubeni uliondoka kulingana na vikundi vyao vya maaskari,* na Elisuri+ mwana wa Shedeuri alikuwa kiongozi wa kikundi chao cha maaskari.
19 Kiongozi wa kikundi cha maaskari cha kabila la wana wa Simeoni alikuwa Shelumieli+ mwana wa Zurishadai.
20 Kiongozi wa kikundi cha maaskari cha kabila la wana wa Gadi alikuwa Eliasafu+ mwana wa Deueli.
21 Kisha Wakohati, wenye walibeba vyombo vya patakatifu,+ wakaondoka. Tabenakulo ilipaswa kusimamishwa wakati wangefika.
22 Kisha mugawanyo wa makabila tatu (3) wa kambi ya wana wa Efraimu uliondoka kulingana na vikundi vyao vya maaskari,* na Elishama+ mwana wa Amihudi alikuwa kiongozi wa kikundi chao cha maaskari.
23 Kiongozi wa kikundi cha maaskari cha kabila la wana wa Manase alikuwa Gamalieli+ mwana wa Pedazuri.
24 Kiongozi wa kikundi cha maaskari cha kabila la wana wa Benyamini alikuwa Abidani+ mwana wa Gideoni.
25 Kisha mugawanyo wa makabila tatu (3) wa kambi ya wana wa Dani uliondoka kulingana na vikundi vyao vya maaskari,* walikuwa kikundi cha nyuma cha kulinda kambi zote, na Ahiezeri+ mwana wa Amishadai alikuwa kiongozi wa kikundi chao cha maaskari.
26 Kiongozi wa kikundi cha maaskari cha kabila la wana wa Asheri alikuwa Pagieli+ mwana wa Okrani.
27 Kiongozi wa kikundi cha maaskari cha kabila la wana wa Naftali alikuwa Ahira+ mwana wa Enani.
28 Huo ndio utaratibu wenye Waisraeli na vikundi vyao vya maaskari* walifuata wakati walikuwa wanaondoka.+
29 Kisha Musa akamuambia Hobabu mwana wa Reueli,*+ Mumidiani, baba mukwe wa Musa: “Tunaenda mahali kwenye Yehova alisema, ‘Nitawapatia ninyi mahali pale.’+ Kuja basi pamoja na sisi,+ na tutakutendea muzuri, kwa sababu Yehova ameahidi mambo ya muzuri kwa ajili ya Israeli.”+
30 Lakini akamuambia: “Sitaenda. Nitarudia katika inchi yangu na kwa watu wa jamaa yangu.”
31 Kwa hiyo Musa akamuambia: “Tafazali usituache, kwa maana unajua mahali tunapaswa kupiga kambi katika jangwa, na unaweza kuwa kiongozi wetu.*
32 Na kama unakuja pamoja na sisi,+ kila jambo la muzuri lenye Yehova atatutendea, hakika tutakutendea wewe.”
33 Kwa hiyo wakaanza safari ya siku tatu (3) kutoka kwenye mulima wa Yehova,+ na sanduku+ la agano la Yehova lilisafiri mbele yao safari hiyo ya siku tatu ili kuwatafutia mahali pa kupumuzikia.+
34 Na wingu la Yehova+ lilikuwa juu yao wakati wa muchana wakati waliondoka mahali walikuwa wamepiga kambi.
35 Kila mara wakati Sanduku hilo lilisafirishwa, Musa alikuwa anasema: “Simama, Ee Yehova,+ na uache maadui wako wasambazwe, na uache wale wenye kukuchukia wakimbie kutoka mbele yako.”
36 Na wakati lilipumuzika, alikuwa anasema: “Ee Yehova, rudia kwa maelfu ya Israeli yenye hayana hesabu.”*+
Maelezo ya Chini
^ Ao “hama, marteau.”
^ Tnn., “kulingana na majeshi yao.”
^ Tnn., “kulingana na majeshi yao.”
^ Tnn., “kulingana na majeshi yao.”
^ Tnn., “kulingana na majeshi yao.”
^ Tnn., “kulingana na majeshi yao.”
^ Ni kusema, Yetro.
^ Ao “macho yetu.”
^ Ao “makumi ya maelfu ya Israeli.”
