Kwa Waroma 7:1-25
7 Ndugu, je, inawezekana kwamba hamujue (kwa maana ninasema na watu wenye wanajua sheria) kuwa Sheria ni bwana juu ya mutu wakati angali muzima?
2 Kwa mufano, mwanamuke mwenye kuolewa amefungwa na sheria kwa bwana yake wakati angali muzima; lakini kama bwana yake anakufa, yeye amefunguliwa kutoka katika sheria ya bwana yake.+
3 Hivyo basi, wakati bwana yake angali muzima, ule mwanamuke ataitwa muzinifu kama anakuwa bibi wa mwanaume mwingine.+ Lakini kama bwana yake anakufa, yeye amefunguliwa kutoka katika sheria ya bwana yake, basi haiko muzinifu kama anakuwa bibi wa mwanaume mwingine.+
4 Basi, ndugu zangu, ninyi pia mulifanywa kuwa wafu kuhusiana na Sheria kupitia mwili wa Kristo, ili mukuwe wa mwingine,+ ule mwenye alifufuliwa kutoka kwa wafu,+ ili tumuzalie Mungu matunda.+
5 Kwa maana wakati tulikuwa tunaishi kulingana na mwili, tamaa zenye zambi zenye ziliamushwa na Sheria zilikuwa zinafanya kazi katika miili yetu* ili kuzaa matunda ya kifo.+
6 Lakini sasa tumefunguliwa kutoka katika Sheria,+ kwa sababu tumekufa kuhusiana na kile chenye kilituzuia, ili tukuwe watumwa katika maana mupya kupitia roho,+ lakini haiko katika maana ya zamani kupitia sheria zenye kuandikwa.+
7 Basi, tuseme nini? Je, Sheria ni zambi? Hapana kabisa! Kwa kweli, singejua zambi kama Sheria haingekuwa.+ Kwa mufano, mimi singejua tamaa kama Sheria haingesema: “Haupaswe kutamani.”+
8 Lakini kwa sababu ya amri hiyo, zambi ilipata nafasi ya kutokeza ndani yangu tamaa ya kila namna, kwa maana bila sheria zambi ilikuwa imekufa.+
9 Kwa kweli, wakati fulani nilikuwa muzima bila sheria. Lakini wakati amri ilifika, zambi ikakuwa na uzima tena, lakini mimi nikakufa.+
10 Na amri yenye ilikuwa ya kuongoza kwenye uzima,+ niliiona kuwa iliongoza kwenye kifo.
11 Kwa maana, wakati zambi ilipata nafasi kwa sababu ya amri hiyo, ilinishawishi na kuniua kupitia amri.
12 Basi Sheria yenyewe ni takatifu, na amri ni takatifu na yenye haki na ni ya muzuri.+
13 Kwa hiyo, je, mambo ya muzuri yaliniletea kifo? Hapana kabisa! Lakini zambi ilifanya vile, ili ionyeshwe kuwa zambi ndiyo inaniletea kifo kupitia mambo ya muzuri;+ ili kupitia amri zambi ikuwe yenye zambi zaidi.+
14 Kwa maana tunajua kwamba Sheria ni ya kiroho, lakini mimi ni wa kimwili, nimeuzishwa chini ya zambi.+
15 Kwa maana sielewe kile chenye ninafanya. Kwa maana sizoee kufanya kile chenye ninataka, lakini ninafanya kile chenye ninachukia.
16 Hata hivyo, kama ninafanya kile chenye sitaki, ninakubali kwamba Sheria ni ya muzuri.
17 Lakini sasa ule mwenye kukifanya haiko mimi, lakini ni zambi yenye inakaa ndani yangu.+
18 Kwa maana ninajua kwamba ndani yangu, ni kusema, katika mwili wangu, hamukae jambo lolote la muzuri; kwa kuwa niko na tamaa ya kufanya mambo ya muzuri lakini sina uwezo wa kuyafanya.+
19 Kwa maana sifanye jambo la muzuri lenye ninataka, lakini ninazoea kufanya jambo la mubaya lenye sitaki.
20 Basi, kama ninafanya kile chenye sitaki, haiko mimi tena ndiye ninakifanya, lakini ni zambi yenye inakaa ndani yangu.
21 Basi, ninaona sheria hii katika hali yangu: Wakati ninataka kufanya mambo yenye kuwa sawa, mambo ya mubaya yako pamoja na mimi.+
22 Kwa kweli ninapenda sheria ya Mungu kulingana na mutu mwenye niko kwa ndani,+
23 lakini ninaona ndani ya mwili wangu* sheria ingine ikipigana na sheria ya akili yangu+ na kunipeleka nikiwa nimetekwa kwa sheria ya zambi+ yenye kuwa ndani ya mwili wangu.*
24 Maskini mimi! Ni nani ataniokoa kutoka katika mwili wenye unapatwa na kifo hiki?
25 Shukrani kwa Mungu kupitia Yesu Kristo Bwana wetu! Basi, kwa akili yangu mimi ni mutumwa wa sheria ya Mungu, lakini kwa mwili wangu mimi mwenyewe ni mutumwa wa sheria ya zambi.+
