Yobu 22:1-30
22 Elifazi+ Mutemani akajibu:
2 “Je, mwanadamu anaweza kuwa na faida kwa Mungu?
Je, mutu mwenye ufahamu anaweza kuwa na faida kwake?+
3 Je, Mweza-Yote anahangaika* kwamba wewe ni mwenye haki,Ao je, anapata faida yoyote kwa sababu unafuata njia ya uaminifu-mushikamanifu?+
4 Je, atakupatia azabuNa kuingia katika hukumu pamoja na wewe kwa sababu unamuheshimia?
5 Je, haiko kwa sababu ya uovu wako mwingi sanaNa makosa yako hayana mwisho?+
6 Kwa maana wewe unanyanganya ndugu zako bila sababu kitu chenye kiliwekeshwa kwa ajili ya mukopo,Na unavua watu nguo zao, na kuwaacha uchi.*+
7 Haupatie mwenye kuchoka maji ya kunywa,Na unakataa kumupatia chakula mutu mwenye njaa.+
8 Inchi ni ya mutu mwenye nguvu,+Na mutu mwenye kupendelewa anakaa ndani yake.
9 Lakini ulifukuza wajane mikono wazi,Na uliponda-ponda mikono ya watoto wenye hawana baba.*
10 Ndiyo sababu umezungukwa na mitego,*+Na woga mukubwa wa bila kutazamia unakuletea wasiwasi;
11 Ndiyo sababu kuko giza kubwa lenye linafanya usione,Na mafuriko ya maji yamekufunika.
12 Je, Mungu haiko katika nafasi za juu za mbingu?
Na angalia namna nyota zote ziko juu sana.
13 Lakini umesema: ‘Kwa kweli Mungu anajua nini?
Je, anaweza kuhukumu katika giza nzito?
14 Mawingu yanamuzuia ili asioneWakati anatembea kwenye muviringo wa mbingu.’
15 Utafuata njia ya zamaniYenye watu waovu wamefuata,
16 Watu wenye walichukuliwa* mbele ya wakati wao kufika,Wenye musingi wao ulifagiliwa mbali na mafuriko?*+
17 Walikuwa wanamuambia Mungu wa kweli: ‘Utuache!’
Na ‘Mweza-Yote anaweza kutufanya nini?’
18 Lakini, Yeye ndiye alijaza nyumba zao vitu vya muzuri.
(Mawazo maovu kama hayo hayako ndani yangu.)
19 Wenye haki wataona jambo hilo na kushangilia,Na wenye hawana kosa watawachekelea na kusema:
20 ‘Wapinzani wetu wameharibiwa,Na moto utateketeza mambo yao yenye yalibakia.’
21 Ujikaze umujue, na utakuwa na amani;Halafu mambo ya muzuri yatakujia.
22 Kubali sheria ya kinywa chake,Na uweke maneno yake katika moyo wako.+
23 Ukimurudilia Mweza-Yote, utarudishwa katika hali ya muzuri;+Ukiondoa ukosefu wa haki katika hema yako,
24 Ukitupa zahabu yako* katika mavumbiNa zahabu ya Ofiri+ katika mabonde yenye miamba,
25 Halafu Mweza-Yote atakuwa zahabu yako,Na atakuwa feza yako ya muzuri kabisa.
26 Kisha utafurahi kwa sababu ya Mweza-Yote,Na utamuinulia Mungu uso wako.
27 Utamulilia, na atakusikia;Na utatimiza naziri zako.
28 Kila kitu chenye utaamua kufanya kitakuwa na matokeo ya muzuri,Na mwangaza utaangazia njia yako.
29 Kwa maana utapatishwa haya wakati utaongea kwa kiburi,Lakini ataokoa munyenyekevu.*
30 Ataokoa watu wenye hawana kosa;Kwa hiyo kama mikono yako iko safi, hakika utaokolewa.”
Maelezo ya Chini
^ Ao “Je, inamufurahisha Mweza-Yote.”
^ Tnn., “unavua nguo za wenye kuwa uchi.”
^ Ao “mayatima.”
^ Tnn., “mitego ya ndege.”
^ Ao “wenye maisha yao yalifupishwa.”
^ Tnn., “muto.”
^ Ao “vipande vyako vya zahabu.”
^ Ao “mutu mwenye macho ya haya.”
