Mamilioni ya watu wametumikisha kanuni zenye tumezungumuzia, na ile imewasaidia sana waachane na ubaguzi wenye walikuwa nao. Lakini kusema kweli, hatuwezi kumaliza kabisa ubaguzi kwa nguvu zetu wenyewe. Sasa, ubaguzi hautaishaka?

Serikali za wanadamu zimeshindwa kumaliza ubaguzi. Lakini, ile inamaanisha kama hakuna serikali yenye inaweza kumaliza ubaguzi?

Juu serikali iweze kumaliza ubaguzi inapaswa

1. 1. Kuchochea watu wabadilishe mawazo yenye wako nao juu ya wengine.

2. 2. Kumaliza maumivu yenye inafanya watu wasitendee wengine kwa haki.

3. 3. Kuwa na viongozi wazuri wenye hawana ubaguzi.

4. 4. Kuunganisha watu wa mataifa yote.

Biblia inatuhakikishia kama Mungu alishatayarisha serikali yenye itafanya vile. Ile serikali inaitwa “Ufalme wa Mungu.”​—Luka 4:43.

Ona mambo yenye ile serikali itafanya.

‘Wakaaji wa inchi watajifunza kuhusu haki.’​—ISAYA 26:9.

“Matokeo ya haki ya kweli yatakuwa amani, na matunda ya haki ya kweli yatakuwa utulivu wa kudumu na usalama wa kudumu.”​—ISAYA 32:17.

Ile inamaanisha nini? Ufalme wa Mungu utafundisha watu kufanya mambo yenye kuwa sawa. Wakati watu wanajua tofauti kati ya mambo ya muzuri na mambo ya mubaya, ni kusema, tofauti kati ya mambo ya haki na mambo yenye haiko ya haki, mawazo yao juu ya watu wengine inabadilika. Sisi wote tutajua kama jambo la muzuri la kufanya ni kupenda watu wa namna zote.

Mungu “atapanguza kila chozi katika macho yao, na kifo hakitakuwa tena, wala maombolezo wala kilio wala maumivu havitakuwa tena. Mambo ya zamani yamepita kabisa.”​—UFUNUO 21:4.

Ile inamaanisha nini? Ufalme wa Mungu utamaliza maumivu yote yenye ukosefu wa haki umeleta. Watu wenye zamani walitendewa mubaya hawatakuwa tena na sababu ya kuweka kinyongo.

“Hatahukumu kulingana na mambo yenye anaona kwa macho yake, wala kukaripia kulingana tu na mambo yenye anasikia kwa masikio yake. Atahukumu kwa haki watu wa hali ya chini, na kwa unyoofu atakaripia kwa ajili ya wapole wa dunia.”​—ISAYA 11:3, 4.

Ile inamaanisha nini? Ufalme wa Mungu uko mbinguni. Na Yesu Kristo mufalme wa ile Ufalme, atatawala dunia kwa haki na bila ubaguzi. Yesu haone kama taifa fulani ni ya muzuri kupita ingine, na atahakikisha kama watu wa mu dunia yote wanaheshimia sheria zake za haki.

Ufalme wa Mungu unafundisha watu kuwa na ‘akili ileile na kuwa na upendo uleule, wakiwa wameunganisha kabisa, wakiwa na wazo moja katika akili.’​—WAFILIPI 2:2.

Ile inamaanisha nini? Umoja wa raia wa Ufalme wa Mungu utakuwa wa kweli. ‘Watakuwa wameunganishwa kabisa’ juu wote wataonyeshana upendo wa kweli.