1-3. (a) Inawezekana Zaburi ya 147 iliandikwa wakati gani? (b) Zaburi ya 147 inaweza kutufundisha nini?

WAKATI mutu amefanya muzuri kazi fulani yenye alipewa ao ameonyesha sifa fulani ya muzuri ya Kikristo, anastahili kusifiwa. Ikiwa wanadamu wanaweza kusifiwa hivyo, tuko na sababu nyingi zaidi za kumusifu Yehova Mungu! Tunaweza kumusifu kwa sababu iko na nguvu nyingi sana, kama vile maajabu ya uumbaji yanaonyesha, ao kwa sababu ya namna anatendea wanadamu kwa upendo, kama vile mupango wa kutoa zabihu ya ukombozi ya Mwana wake unaonyesha.

² Muandikaji wa Zaburi ya 147 alichochewa kumusifu Yehova. Alitia pia wengine moyo wamusifu Mungu pamoja naye.​—Soma Zaburi 147:1, 7, 12.

³ Hatujue ni nani mwenye aliandika zaburi hiyo, lakini inawezekana kuwa muandikaji wa zaburi hiyo aliishi wakati wenye Yehova alitosha Waisraeli katika uhamisho wa Babiloni na kuwarudisha katika Yerusalemu. (Zab. 147:2) Kurudishwa kwa watu wa Mungu kwenye nafasi yao ya ibada safi, kulipaswa kumuchochea muandikaji huyo wa zaburi amusifu Yehova. Lakini, alitaja sababu zingine za kufanya  hivyo. Ni sababu gani hizo? Uko na sababu gani za ‘kumusifu Yah!’ katika maisha yako?​—Zab. 147:1.

4. Wakati Mufalme Koreshi alikomboa Waisraeli katika uhamisho, walipaswa kujisikia namna gani, na sababu gani?

⁴ Wazia namna Waisraeli wenye walikuwa katika uhamisho Babiloni walipaswa kujisikia. Wababiloni waliwaambia hivi kwa zarau: ‘Mutuimbie mumoja wa nyimbo za Sayuni.’ Wakati huo Yerusalemu, yenye ilikuwa sababu yao kubwa zaidi ya kuwa na furaha katika Yehova, ilikuwa imeharibiwa. (Zab. 137:1-3, 6) Wayahudi hawakufurahia kuimba. Mioyo yao ilikuwa imevunjika, na walikuwa na lazima ya faraja. Lakini, kama vile Mungu alikuwa ametabiri, Koreshi, mufalme wa Uajemi aliwakomboa. Alipata ushindi juu ya Babiloni na kutangaza hivi: ‘Yehova . . . amenipa utume nimujengee nyumba katika Yerusalemu . . . Yeyote aliye katikati yenu ninyi watu wake wote, Yehova Mungu wake na akuwe pamoja naye. Basi apande na kuenda.’ (2 Nya. 36:23) Tukio hilo lilipaswa kuwafariji sana Waisraeli wenye walikuwa wanaishi Babiloni!

5. Muandikaji wa zaburi alisema nini juu ya nguvu za Yehova za kuponya?

⁵ Yehova hakufariji tu taifa la Israeli wakiwa kikundi, lakini alifariji pia kila mutu mumoja-mumoja. Anafanya hivyo pia leo. Muandikaji wa zaburi aliandika hivi juu ya Mungu: “Anawaponya wenye mioyo iliyovunjika, naye anafunga sehemu zao zenye maumivu.” (Zab. 147:3) Kwa kweli, Yehova anahangaikia wale wenye kuwa na matatizo ya kimwili ao ya moyoni. Leo, Yehova anatamani sana kutufariji na kutuliza maumivu ya vidonda vyetu vya moyoni. (Zab. 34:18; Isa. 57:15) Anatupatia hekima na nguvu ili tupambane na magumu yoyote yenye tunaweza kupata.​—Yak. 1:5.

6. Maneno yenye kupatikana kwenye Zaburi 147:4 yanatufundisha nini? (Ona picha kwenye mwanzo wa habari hii.)

⁶ Kisha muandikaji wa zaburi anakazia akili yake juu ya mbingu na kutuambia kuwa Yehova “anahesabu idadi ya nyota” na “anaziita kwa majina yake.” (Zab. 147:4) Sababu gani inaonekana kuwa anabadilisha habari yenye alikuwa anazungumuzia na kuanza kuzungumuzia nyota za mbinguni? Fikiria jambo hili: Muandikaji wa zaburi angeweza kuona nyota na macho yake, lakini hangeweza kujua kabisa hesabu ya nyota hizo. Kadiri miaka inapita, hesabu ya nyota zenye tunaweza kuona imeongezeka sana. Watu fulani wanawaza kuwa galaksi yetu iko na mamiliare ya nyota. Na kunaweza kuwa trilioni ya magalaksi katika ulimwengu wote muzima! Sisi hatuwezi kujua kabisa hesabu ya nyota! Lakini Muumbaji anazipatia zote majina ao utambulisho. Hilo linamaanisha kuwa Yehova anajua muzuri kila nyota. (1 Kor. 15:41) Tuseme nini juu ya wanadamu wenye aliumba hapa duniani? Mungu anajua nafasi kwenye kila nyota inapatikana kwa wakati fulani na anakujua pia kipekee; anajua muzuri nafasi kwenye unapatikana kabisa, namna unajisikia kabisa, na mambo yenye uko nayo lazima kabisa kwa wakati fulani!

7, 8. (a) Yehova anaelewa nini juu yetu? (b) Namna gani Yehova anaonyesha huruma wakati anasaidia wanadamu wenye hawakamilike? Toa mufano.

⁷ Yehova hakuhangaikie tu kipekee, lakini pia iko na huruma na nguvu ya kukusaidia wakati uko na magumu katika maisha. (Soma Zaburi 147:5.) Unaweza kujisikia kuwa hali yako ni ngumu sana na muzigo ni muzito sana kwako kubeba. Mungu anaelewa mipaka yako, na ‘anakumbuka kwamba wewe ni mavumbi.’ (Zab. 103:14) Kwa sababu hatukamilike, tunafanya makosa yaleyale tena na tena. Wakati fulani, tunahuzunika kwa sababu tulitumia ulimi wetu mubaya, kwa sababu ya tamaa fulani za kimwili zenye kurudia tena na tena, ao muelekeo wa kutamani  mambo yenye wengine wako nayo! Yehova hana uzaifu kama huo; lakini anaelewa muzuri zaidi namna tunajisikia kuliko namna tunaweza kuwazia!​—Isa. 40:28.

⁸ Pengine umekwisha kuona namna mukono wa Yehova wenye nguvu umekusaidia kushinda magumu fulani. (Isa. 41:10, 13) Kwa mufano, Kyoko, dada painia, alivunjika sana moyo wakati alihamia katika mugawo wake mupya. Namna gani Yehova alionyesha kuwa anaelewa magumu yake? Katika hali hizo mupya, Kyoko alizungukwa na watu wenye wangeweza kuelewa namna alikuwa anajisikia. Alijisikia kuwa Yehova alikuwa anamuambia hivi: “Ninakupenda, haiko tu kwa sababu uko painia, lakini kwa sababu uko binti yangu na umejitoa kwangu. Ninapenda ufurahie maisha yako kwa sababu uko Shahidi wangu!” Katika hali yako, namna gani Mweza-Yote anaonyesha kuwa “uelewaji wake hauwezi kusimuliwa”?

9, 10. Mungu anatusaidia katika njia gani ya maana zaidi? Toa mufano.

⁹ Wakati fulani mahitaji yako yanaweza kuwa ya kimwili. Kwa mufano, unaweza kuwa na mahangaiko kuwa hautakuwa na chakula cha kutosha. Lakini, ni Yehova ndiye aliumba dunia na kuipatia uwezo wa kukomalisha chakula; hata kwa ajili ya kunguru wenye kumuomba chakula! (Soma Zaburi 147:8, 9.) Ikiwa anaendelea kupatia kunguru chakula, unaweza kuwa hakika kuwa Yehova atakutimizia pia mahitaji yako ya kimwili.​—Zab. 37:25.

¹⁰ Jambo la maana zaidi ni kwamba Yehova anatutolea mambo ya kiroho yenye tuko nayo lazima, na kutupatia “amani ya Mungu yenye ubora unaozidi fikira zote.” (Flp. 4:6, 7) Kwa mufano, fikiria Mutsuo na bibi yake, wenye walijionea namna Yehova aliwategemeza wakati tsunami ilitokea katika Japani mwaka wa 2011. Walipona tsunami hiyo kwa sababu walipanda kwenye sehemu ya juu ya nyumba yao. Lakini, siku hiyo walipoteza karibu vitu vyote vyenye walikuwa navyo. Walipitisha usiku huo wote wenye giza na baridi katika chumba fulani katika gorofa ya pili ya nyumba yao yenye ilikuwa imeharibika sana. Asubuhi, walitafuta chakula cha kiroho cha kuwatia moyo. Walipata tu Kitabu cha Mwaka wa 2006 cha Mashahidi wa Yehova. Mara moja Mutsuo aliona habari yenye kichwa “Tsunami Mbaya Sana Kuwahi Kurekodiwa.” Habari hiyo ilizungumuzia tetemeko la inchi lenye lilitokea Sumatra katika mwaka wa 2004 lenye lilitokeza tsunami yenye ilileta uharibifu mukubwa zaidi katika historia. Mutsuo na bibi yake walilia wakati walikuwa wanasoma habari hiyo. Waliona namna Mungu aliwahangaikia kwa upendo kwa kuwatolea musaada wa kiroho wakati walikuwa na lazima kabisa ya musaada huo. Pia Yehova aliwatimizia kwa upendo mahitaji yao ya kimwili. Ndugu na dada zao waliwatolea vitu vyenye walikuwa navyo lazima. Lakini walitiwa nguvu zaidi wakati wajumbe wa tengenezo la Mungu walitembelea kutaniko. Mutsuo anasema hivi: “Nilijisikia kuwa Yehova alikuwa karibu na kila mumoja wetu na alikuwa anatuhangaikia. Hilo lilitufariji sana!” Njia ya maana zaidi yenye Mungu anatumia ili kutusaidia ni kututolea musaada wa kiroho kwanza, lakini pia anatutimizia mahitaji yetu ya kimwili.

11. Tunapaswa kufanya ili tupate musaada wa Mungu?

¹¹ Sikuzote Yehova iko tayari kutenda ili ‘kutuliza wapole.’ (Zab. 147:6a) Lakini tunaweza kufanya nini ili tufaidike na sifa yake ya kuwa tayari kutusaidia? Tunapaswa kuwa na urafiki wa muzuri pamoja naye. Ili kuwa na urafiki huo, tunapaswa kuonyesha sifa ya upole. (Sef. 2:3) Wapole wanangojea Mungu ili atengeneze mambo yote ya mubaya na aondoe maumivu yenye wamepata. Yehova anafurahia watu kama hao na anawakubali.

12, 13. (a) Ili tupate musaada wa Mungu, tunapaswa kuepuka mambo gani? (b) Yehova anafurahia watu wa aina gani?

 ¹² Kwa upande mwingine, Mungu ‘anawashusha waovu mupaka chini.’ (Zab. 147:6b) Hayo ni maneno mazito kabisa! Ili Yehova atuonyeshe upendo wake mushikamanifu na tuepuke hasira yake, tunapaswa kuchukia mambo yenye anachukia. (Zab. 97:10) Kwa mufano, tunapaswa kuchukia mambo ya uasherati. Hilo linamaanisha kuwa tunapaswa kuepuka kitu chochote chenye kinaweza kutuchochea kufanya zambi hiyo, kutia ndani pornografia. (Zab. 119:37; Mt. 5:28) Inaweza kuwa vigumu kupiganisha mambo hayo, lakini kwa kuwa kupata baraka ya Yehova ndio jambo la maana zaidi, tunapaswa kujikaza sana ili kupiganisha mambo hayo.

¹³ Ili kupiganisha mambo hayo, tunapaswa kumutegemea Yehova, tusijitegemee sisi wenyewe. Je, atafurahi ikiwa tunajaribu kujiokoa sisi wenyewe kwa “nguvu za farasi” ni kusema, mahali penye wanadamu wanatafutia musaada? Hapana! Hatupaswe pia kutegemea ‘miguu ya mutu,’ ni kusema, kutenda kwa njia yenye kuonyesha kuwa sisi wenyewe ao mwanadamu mwengine anaweza kutuokoa. (Zab. 147:10) Lakini, tunapaswa kumukaribia Yehova, na kumuomba atusaidie. Tofauti na washauri wanadamu, Yehova hachoke hata kidogo kusikiliza maombi yetu, hata kama tunamuomba musaada tena na tena. ‘Yehova anawafurahia wale wanaomuogopa, wale wanaozingojea fazili zake zenye upendo [upendo wake mushikamanifu].’ (Zab. 147:11) Tunaweza kutumainia kuwa kwa sababu ya upendo wake mushikamanifu, atashikamana na sisi na kutusaidia kupata ushindi juu ya tamaa zetu za mubaya.

14. Muandikaji wa zaburi alikuwa hakika juu ya jambo gani?

¹⁴ Yehova anatupatia sababu ya kuwa hakika kuwa atasaidia watu wake wakati wako na lazima ya musaada. Wakati alikuwa anafikiria juu ya kujengwa upya kwa Yerusalemu, muandikaji wa zaburi aliimba hivi juu ya Yehova: “Ameyatia nguvu mapingo ya lango lako; amewabariki wana wako katikati yako. Anaweka amani katika eneo lako.” (Zab. 147:13, 14) Ilikuwa jambo lenye kutia moyo kabisa kwa muandikaji wa zaburi kujua kama Yehova angetia nguvu milango ya muji ili kulinda waabudu wake!

15-17. (a) Wakati fulani tunaweza kujisikia namna gani juu ya magumu yetu, lakini namna gani Yehova anatumia Neno lake ili kutusaidia? (b) Namna gani ‘neno la Mungu linakimbia haraka’? Toa mufano

¹⁵ Unaweza kupata magumu yenye yanakufanya ukuwe na mahangaiko. Yehova anaweza kukupatia hekima ya kupambana na hali hiyo. Muandikaji wa zaburi alisema hivi juu ya Mungu wake: ‘Anayatuma maneno yake duniani; neno lake linakimbia haraka.’ Kisha wakati anaonyesha kuwa Yehova ‘anatoa teluji, anatawanya sakitu, anatupa barafu,’ muandikaji wa zaburi anauliza hivi: “Mbele ya baridi yake ni nani anayeweza kusimama?” Anaongezea kuwa Yehova ‘anatuma neno lake na kuwayeyusha.’ (Zab. 147:15-18) Mungu wetu mwenye hekima zaidi na nguvu zote, mwenye kuwa na uwezo juu ya mvua ya majiwe na teluji, anaweza kukusaidia kupata ushindi juu ya magumu yoyote yenye unaweza kupata.

¹⁶ Leo, Yehova anatuongoza kupitia Neno lake Biblia. Na ‘neno lake linakimbia haraka,’ ni kusema, iko tayari kutupatia muongozo wa kiroho wakati tuko nao lazima. Fikiria namna unafaidika kwa kusoma Biblia, kujifunza vichapo vya ‘mutumwa mwaminifu na mwenye busara,’ kuangalia programu mbalimbali za JW Télédiffusion, kufungua adresi yetu ya Internete jw.org, kuzungumuza na wazee, na kujiunga na Wakristo wenzako. (Mt. 24:45) Hauone kuwa Yehova iko tayari kukutolea muongozo?

¹⁷ Dada Simone amejionea nguvu za Neno la Mungu. Alikuwa anajiona kuwa mutu wa bure sana, mupaka akafikia kuwa na mashaka ikiwa  Mungu angeweza kukubali mutu mwenye kuwa kama yeye. Lakini wakati alikuwa anavunjika moyo, aliendelea kusali na kumuomba Yehova musaada. Pia aliendelea kufanya funzo lake la pekee kwa bidii. Anasema hivi: “Sijajikuta hata kidogo katika hali yenye sikuona nguvu na muongozo wa Yehova.” Hilo limemusaidia aendelee kujikaza kuwa na mawazo yenye kufaa.

18. Sababu gani unajisikia kuwa Mungu anakupenda, na uko na sababu gani za kusema kuwa sauti kubwa ‘Musifu Yah!’?

¹⁸ Muandikaji wa zaburi alijua namna Mungu alipenda watu wake wa zamani, taifa la Israeli. Hilo tu ndilo taifa lenye Mungu alipatia “neno” lake na “maamuzi yake ya hukumu.” (Soma Zaburi 147:19, 20.) Leo, tumebarikiwa kwa sababu katika dunia yote, ni sisi tu ndio wenye kuitwa kwa jina la Mungu. Kumujua Yehova na kutumia Neno lake katika maisha yetu kumetusaidia tufurahie pendeleo la kuwa na urafiki pamoja naye. Kwa kweli, kama vile muandikaji wa Zaburi ya 147, uko na sababu nyingi za muzuri za kusema kwa sauti kubwa ‘Musifu Yah!’ na kutia wengine moyo wafanye hivyo.