Hata kama Biblia haiko kitabu ya matunzo, mashauri yenye inatoa ni ya muzuri na yenye kufaa. Inaweza kusaidia mutu mwenye iko napiganisha matatizo ya akili. Fikiria mifano fulani.

“Watu wenye afya ya muzuri hawana lazima ya munganga, lakini wagonjwa ndio wako na lazima yake.”​—MATAYO 9:12.

Biblia inaonyesha kama tunaweza kuwa na lazima ya matunzo. Watu wengi wamepata kitulizo kwa kutafuta habari zenye kutumainika juu ya ugonjwa wao na kwa kutafuta musaada wa munganga.

“Mazoezi ya mwili ni yenye faida.”​—1 TIMOTEO 4:8.

Kuzoea kufanya mambo yenye itasaidia ukuwe na afya ya muzuri ya kimwili inaweza kukusaidia ukuwe na afya ya muzuri ya akili. Ile mambo inaweza kuwa kufanya mazoezi kwa ukawaida, kukula muzuri, na kulala saa za kuenea.

“Moyo wenye furaha ni dawa ya muzuri, lakini roho yenye kupondwa inamaliza mutu nguvu.”​—MEZALI 17:22.

Kusoma maandiko ya Biblia yenye kutia moyo na kujiwekea miradi yenye unaweza kufikia inaweza kukusaidia ukuwe na furaha. Kukaza akili juu ya mambo ya muzuri na kutumainia kama mambo itakuwa muzuri mu siku zenye ziko nakuya inaweza kukusaidia uvumilie matatizo ya akili yenye uko nayo.

“Wenye kiasi wako na hekima.”​—MEZALI 11:2.

Wakati fulani unaweza kushindwa kutimiza mambo yote yenye unapenda kufanya. Kama ni vile, ukubali musaada wa wengine. Inawezekana marafiki na watu wa familia wanapenda kukusaidia. Lakini hawajue tu kama wanaweza kukusaidia namna gani. Uwaambie waziwazi kile wanaweza kufanya ili kukusaidia.Ukuwe na usawaziko; usiwaze kama watakufanyia mambo yote vile unapenda. Na sikuzote ukuwe mwenye shukrani juu ya mambo yenye wako nafanya juu ya kukusaidia.

“Wakati fulani nilijisikia kuwa siko tu sawa, kwa hiyo nilienda kuona munganga. Ule munganga aliniambia tatizo yenye niko nayo. Ile ilinisaidia nielewe muzuri hali yangu na nitafute matunzo yenye inapatikana ya kunisaidia kupiganisha tatizo yangu.”—Nicole, a mwenye iko na ugonjwa wenye unafanyaka namna mutu anajisikia ibadilike-badilike.

“Nimejionea kama kusoma Biblia pamoya na bibi yangu kwa ukawaida kunanisaidiaka kila asubui nikuwe na mawazo ya muzuri na yenye kujenga. Na mara mingi mu siku zenye najisikia mubaya, napataka andiko yenye inanifariji.”—Peter, mwenye iko na ugonjwa wa kushuka moyo.

“Haikuwa mwepesi kuambia wengine tatizo yangu juu nilisikia haya sana. Lakini rafiki yangu wa karibu alikuwa nanielewa na kujitia pa nafasi yangu. Alinisaidia sana nijisikie muzuri na nione kama siko miye peke.”—Ji-yoo, mwenye kuwa na ugonjwa wa akili wenye unafanyaka ashindwe kula kwa kiasi yenye kufaa.

“Biblia imenisaidia nikuwe na usawaziko kati ya kazi na kupumuzika. Hekima yenye iko mu Biblia inanisaidiaka nipiganishe matatizo ya akili yenye kunihangaisha.”—Timothy, mwenye iko na ugonjwa wa akili wenye unafanyaka mutu akuwe na mawazo yenye kuhangaisha, yenye kumuchochea afanye jambo fulani juu ajisikie kuwa anatulia.