Nini Njo Inaweza Kufanya Ukuwe na Maisha ya Muzuri Wakati Wenye Kuja?
Watu wengi wanaamini kama maisha yao ya wakati wenye kuja inaongozwa na nguvu fulani zenye hazionekane. Kuamini vile kunawachochea kufanya mambo fulani yenye wanawaza kama njo itabadilisha maisha yao ya wakati wenye kuja.
MAMBO WATU WENGI WANAAMINI
ELIMU YA NYOTA: Watu fulani wanaamini kama namna nyota zinapangwa wakati mutu anazaliwa njo inaonyeshaka maisha ya wakati wenye kuja ya ule mutu. Wanasoma nyota ili kujua wakati wao wenye kuja na ili kuwasaidia wakamate maamuzi fulani.
DESTURI YA FENG SHUI: Wengine wanaamini kama juu wakuwe na furaha mu maisha wanapaswa kujenga vitu vyenye vinawazunguka kupatana na nguvu zenye hazionekane. Lo Wing, * mwenye anaishi Hong Kong, anasema hivi: “Mutu fulani mwenye kujua sana desturi ya feng shui aliniambia kama, kutia kitu fulani yenye inafanana kioo fasi moja hivi kwenye nauzishaka vitu kungenisaidia nipate makuta mingi.”
IBADA YA WAZAZI WENYE WALISHAKUFA: Wengine wanaamini kama wanapaswa kuabudu wazazi wao wenye walishakufa ao kuabudu miungu mbalimbali juu wale wazazi wao wawalinde na kuwabariki. Van, mwenye anaishi Vietnam, anasema hivi: “Niliamini kama ikiwa naabudu wazazi wangu wenye walishakufa naweza kuwa na maisha ya muzuri sasa, na kuwa na maisha ya muzuri wakati wenye kuja, miye na watoto wangu.”
KUZALIWA TENA KISHA KUFA: Wengi wanaendelea kuamini kama, wakati mutu anakufa anazaliwaka tena na ile inafanyikaka mara kwa mara. Wanaamini tena kama mambo ya muzuri ao ya mubaya yenye wanakutana nayo leo inatokana na maisha yao ya zamani.
Wengi wanaona kama ile mambo yenye wengine wanaamini kuwa uchawi. Hata vile, wanaendelea kufanya mambo sawa ile, kwa kusoma mistari yenye kuwa mu mikono ao karte juu ya kujua mambo ya wakati wenye kuja, kusoma nyota na mambo ingine. Wanawaza kama, pengine kwa kutumia zile njia wanaweza kupata bahati ya kujua maisha yao ya wakati wenye kuja.
MATOKEO NI NINI?
Wale wenye wanaamini mambo ya vile na kuifanya, walipata maisha ya muzuri na watakuwa na maisha ya muzuri wakati wenye kuja?
Ona mufano wa Hào, mwenye anaishi Vietnam. Alitumia elimu ya nyota, desturi ya feng shui, na ibada ya wazazi wenye walishakufa juu imuongoze. Ile ilimuletea faida? Hào anasema hivi: “Nilipoteza makuta mingi nilikuwa na deni mingi, nilikuwa na matatizo mu familia na nilikuwa na mahangaiko sana.”
Qiuming, mwenye kuishi Taiwan naye pia aliamini elimu ya nyota, kuzaliwa tena kisha kufa, bahati, desturi ya feng shui, na ibada ya wazazi wenye walishakufa. Kisha kuchunguza kwa uangalifu ile mafundisho, alisema hivi: “Nilitambua kama, ile mafundisho na zile desturi zinapingana kabisa. Nilifikia kutambua kama desturi ya kutumia nyota ili kutabiri mambo ya wakati wenye kuja mara mingi haikukuwa ya kweli. Kuhusu kuzaliwa tena kisha kufa, kama haukumbuke jambo yoyote juu ya maisha yako ya zamani namna gani unaweza kubadilika na kufanya maisha yako ikuwe muzuri zaidi kisha kuzaliwa tena kisha kufa?”
“Nilitambua kama, ile mafundisho na zile desturi zinapingana kabisa.”—QIUMING, TAIWAN
Sawa vile Hào, Qiuming, na watu wengine wengi wamefikia kutambua kama maisha yetu ya wakati wenye kuja haitegemee bahati, nyota, wazazi wenye walishakufa ao kuzaliwa tena kisha kufa. Ile inamaanisha kama hakuna jambo tunaweza kufanya juu tukuwe na maisha ya muzuri wakati wenye kuja?
Watu wengi wanawaza kama njia moja ya kuwa na maisha ya muzuri wakati wenye kuja ni kusoma mingi na kuwa tajiri. Watu fulani wenye walikamata ule uamuzi walipata matokeo gani?
^ fu. 5 Mu hii habari na habari yenye kufuata majina fulani imebadilishwa.
^ fu. 16 Ile maneno inapatikana mu Biblia takatifu, ni kusema, Wagalatia 6:7. Mawazo yenye kuwa mu ile andiko inaonyeshwa mu hii mezali yenye inasema hivi: Panda matikiti-maji ao pastèque, utavuna matikiti-maji; panda maharagi utavuna maharagi.
Ona pia...
MUNARA WA MULINZI
Unajimu na Kutabiri Matukio—Vinatusaidia Kujua Wakati Wenye Kuja?
Unaweza kutumainia njia hizo za kutabiri matukio?
MUNARA WA MULINZI
Biblia Inasema Nini Juu ya Uzima na Kifo?
Kuna sehemu fulani ya mwili yenye inaendelea kuishi kisha mutu kufa? Tuko na nafsi yenye haiwezi kufa? Wafu wako wapi?
