Je, Unaamini Kwamba Uliishi Mahali Fulani Mbele ya Kuzaliwa?

PLATO, FILOZOFE MUGIRIKI, WA MIAKA YA 400 MBELE YA KUZALIWA KWA YESU, ALIRUDILIA MANENO HAYA YA SOCRATES: “Kuishi mara nyingine tena ni jambo lililo hakika, na linaonyesha uhakika wa kwamba watu walio wazima ni watu ambao waliishi, walikufa, na wakazaliwa tena, na kwamba nafsi za watu waliokufa zinaishi.”

GIORDANO BRUNO, FILOZOFE MUITALIA, WA MIAKA YA 1500 KISHA KUZALIWA KWA YESU alisema hivi: “Kwa sababu nafsi haiweze kuishi bila mwili na kwa sababu nafsi si mwili, inaweza kuishi katika miili mbalimbali ya watu, na inatoka katika mwili mumoja na kuenda katika mwili mwengine.”

RALPH WALDO EMERSON, MUANDIKAJI MUAMERIKA NA MUTUNGAJI WA MASHAIRI, WA MIAKA YA 1800 KISHA KUZALIWA KWA YESU, alisema hivi: “Watu hawakufe kabisa, lakini wanajifanya tu kuwa wanakufa . . . na mahali walipo wanasimama ili kuangalia ulimwengu kupitia dirisha, wakiwa wazima na salama, katika mwili mwengine mupya kabisa.”

JE, UMEKWISHA kujiuliza kama wewe ni nani kabisa? Je, umekwisha kufikiri kwamba uliishi mahali fulani mbele ya kuzaliwa? Ikiwa jibu ni ndiyo, hauko peke yako. Tangu zamani sana, watu wa desturi za Asia na Ulaya wamefikiria sana maulizo kama hayo. Katika kutafuta majibu ya maulizo hayo, wengine kati yao wameamini fundisho la kuzaliwa tena katika mwili mwengine. Hilo ni  wazo la kusema kwamba mutu anapokufa, “nafsi” isiyoweza kuonekana inaachana na mwili na inazaliwa tena na tena katika mwili mwengine wa mwanadamu, munyama, ao hata mumea.

Hata ikiwa fundisho kama hilo linaweza kufurahisha watu wengi, namna gani tunaweza kuwa hakika ikiwa ni la kweli? Neno la Mungu, Biblia, linasema nini juu ya fundisho hilo? Kwa hiyo, tunapaswa kujiuliza kwanza, Fundisho hilo lilitoka wapi?

Fundisho la Kuzaliwa Katika Mwili Mwengine Lilitoka Wapi?

Kulingana na wanahistoria na watu wenye elimu, wakaaji wa muji wa Babiloni wa zamani, muji ulioundwa mwishoni mwa miaka 3000 mbele ya kuzaliwa kwa Yesu, ndio walianzisha fundisho la kutokufa kwa nafsi ya mwanadamu. Katika kitabu chake (The Religion of Babylonia and Assyria) Moris Jastrow, alisema kwamba wanateolojia Wababiloni “waliwaza-waza sana juu ya tatizo la kutokufa kwa nafsi.” Alieleza kwamba kwa Wababiloni, “kifo ilikuwa ndiyo njia ya kuingia katika aina nyingine ya uzima. Bila shaka, wazo la kwamba haiwezekane mutu kufa na kupoteza ufahamu milele, ndilo lilianzisha fundisho la kwamba mutu anaendelea kuishi milele katika aina nyingine ya mwili.”

Tangu wazo hilo lilipoanzishwa huko Babiloni, mafundisho juu ya kuhama kwa nafsi na kuzaliwa upya katika mwili mwengine yalianza pia kuenea katika sehemu mbalimbali za ulimwengu wa zamani. Wafilozofe wa India walitunga mafundisho mengi juu ya nafsi kuzaliwa tena na tena yanayotegemea sheria ya kwamba hakuna kitu kinachotokea bila kusababishwa na kitu kingine, ao Karma. Wafilozofe wakubwa Wagiriki waliamini pia wazo la kuzaliwa katika mwili mwengine, na kulifanya lienee sana.

Kufikia wakati wetu, watu wengi sana katika inchi za Ulaya wanapendezwa na fundisho la kuzaliwa katika mwili mwengine. Watu wanaojulikana sana na watu wa kizazi kipya wamevutiwa na mawazo na desturi za dini za Asia. Leo, kuna vitabu vingi na adresi nyingi za Internete zinazoeleza maana ya yale ambayo watu wanawazia kuwa mambo waliyopitia katika maisha ya wakati uliopita. Katika inchi nyingi, ufundi fulani wa kujua yale yanayoitwa maisha ya wakati uliopita umeenea sana. Ufundi huo unamufanya mutu apumbazwe akili ili kujua yale yanayowaziwa kuwa maisha yake ya zamani na kuelewa afya yake ya sasa na tabia zake.

Je, Fundisho la Kuzaliwa Katika Mwili Mwengine Ni la Kweli?

Ijapokuwa fundisho la kuzaliwa katika mwili mwengine lilianzishwa zamani, tunahitaji kabisa kujua jibu la ulizo hili la maana, je, fundisho hilo ni la kweli? Na Wakristo wangependa kujua ikiwa fundisho hilo linapatana na imani ya Kikristo inayotegemea Biblia. (Yohana 17:17) Kwa sababu Yehova Mungu, Muumbaji wetu, ndiye aliyeanzisha uzima na ni ‘Mufunuaji wa siri,’ anatufunulia mambo ambayo wanadamu hawajue juu ya uzima na kifo. Tunaweza kutegemea Neno lake, Biblia, ili kupata jibu juu ya habari hiyo.—Danieli 2:28; Matendo 17:28.

Tunaweza kupata kwa vyepesi majibu ambayo Mungu anatoa ikiwa tunajifunza Biblia kwa uangalifu. Kwa mufano, katika andiko la Mwanzo 3:19, tunaona maneno ambayo Mungu alimuambia Adamu kisha Adamu na Eva kukosa kumutii. Mungu alisema hivi: ‘Kwa jasho la uso wako utakula mukate mupaka utakaporudi katika udongo, kwa kuwa ulitolewa katika huo. Kwa maana wewe ni mavumbi nawe utarudi mavumbini.’ Adamu aliumbwa kutokana na mavumbi. Alipokufa, alirudia katika mavumbi. Hivyo ndivyo Mungu alisema waziwazi juu ya kifo. Kwa hiyo, mutu anapokufa hazaliwe tena na kuwa mutu mwengine, lakini maisha yake yanaishia hapo. * Kama vile kinyume cha joto ni baridi, kinyume cha kitu kitu chenye kukauka ni kitu chenye kulowana, na kinyume cha mwangaza ni giza, kifo pia ni kinyume cha uzima. Wafu wamekufa kabisa! Hilo ni wazo jepesi na lenye kueleweka, sivyo?

Kwa hiyo, kunapaswa kuwa sababu zingine zinazowafanya watu fulani wafikiri kwamba wanakumbuka matukio ya maisha yao ya wakati uliopita. Namna akili ya mwanadamu inavyotumika, kutia ndani mambo kama vile kupoteza ufahamu, matokeo ya dawa ao kukumbuka matukio yenye kuogopesha, hayo yote ni mambo ambayo hayaeleweke kabisa mupaka leo. Mambo kama vile ndoto na matukio ya kuwazia yanayotegemea habari nyingi sana zinazowekwa katika ubongo,  yanaweza kuwa wazi sana akilini na hivyo kuonekana kuwa ya kweli. Katika hali fulani, mashetani wanatokeza matukio yasiyo ya kawaida ambayo yanaweza kufanya mambo yasiyo ya kweli yaonekane kuwa ya kweli.​—1 Samweli 28:7-19.

Mwanadamu anazaliwa na tamaa ya kutaka kuishi na kujua mambo ya wakati unaokuja. Lakini tamaa hiyo ilitoka wapi? Jambo la kupendeza ni kwamba, Biblia inasema juu ya Muumbaji hivi: “Tena ameiweka hiyo milele ndani ya mioyo yao.” (Mhubiri 3:11, Union Version) Ndiyo sababu wanadamu wana tamaa kubwa ya kuishi milele.

Ikiwa Yehova Mungu, Muumbaji wetu, alitia tamaa hiyo ya kuishi milele ndani ya mioyo ya wanadamu, ni jambo linaloeleweka kusema kwamba angeeleza pia namna tamaa hiyo inaweza kutoshelezwa. Biblia inaonyesha kusudi nzuri la Muumbaji la kuwabariki wanadamu watiifu kwa kuwapa uzima wa milele katika paradiso duniani. Mufalme Daudi aliyeongozwa na roho ya Mungu, alisema hivi: “Waadilifu wenyewe wataimiliki dunia, nao watakaa milele juu yake.” (Zaburi 37:29) Ufufuo wa wafu ni fundisho la Biblia la maana zaidi linalopatana na kusudi la milele la Mungu.​—Matendo 24:15; 1 Wakorintho 15:16-19.

Ufufuo Ni Tumaini Hakika kwa Watu Waliokufa

Biblia ina masimulizi munane ya watu waliofufuliwa na kurudi kwenye uzima duniani, na matukio hayo yalifanyika mbele ya mashahidi wengi. * Watu hao wote walifufuliwa, lakini hawakuzaliwa tena katika mwili mwengine. Wale waliofufuliwa walitambuliwa mara moja na watu wa jamaa zao na marafiki wao. Watu wa jamaa zao hawakuhitaji kuenda kutafuta-tafuta kati ya watoto waliozaliwa mbali ao karibu ili kuhakikisha ikiwa mutoto huyo ni nafsi iliyozaliwa upya ya ndugu zao wapendwa waliokufa.​—Yohana 11:43-45.

Inafariji sana kujua kwamba Neno la Mungu linaonyesha kuwa watu wengi sana kati ya wale waliokufa watafufuliwa na kuishi katika dunia mupya ya Mungu, ambayo hivi karibuni itakuchukua nafasi ya dunia hii mbovu. (2 Petro 3:13, 14) Kwa sasa, maisha ya mamiliare ya watu yanalindwa katika kumbukumbu kamilifu na lisilo na mipaka la Yehova Mungu, ambaye anakumbuka hata majina ya nyota zote! (Zaburi 147:4; Ufunuo 20:13) Atakapofufua watu hatua kwa hatua ili waishi katika dunia mupya, watu hao watajua namna vizazi vyao vilifuatana na kila mutu atajua mababu zake. Hilo ni tumaini lenye kuvutia sana na lenye kusisimua!

[Maelezo ya chini]

[Sanduku katika ukurasa wa 20]

Tumaini Nzuri Sana

Kuliko kujaribu kuwazia-wazia mambo yasiyo ya kweli juu ya maisha yako mbele ya kuzaliwa yanayoonekana kuwa fumbo, ni vizuri kuchukua wakati ili kuchunguza mafundisho ya Biblia juu ya ufufuo. Biblia inatoa majibu yenye kurizisha kwelikweli sasa na inafariji sana nyakati za huzuni.

Kwa mufano, Theodore alihuzunika sana alipofiwa na bibi yake mupendwa, Rosemarie, aliyekuwa na miaka 44. Alisema hivi: “Ninajua kama Rosemarie iko mahali salama sana, ni kusema, katika kumbukumbu la Yehova. Masimulizi ya Biblia juu ya ufufuo ni ya kweli kabisa, kwa sababu watu hao walifufuliwa mbele ya mashahidi wengi sana walioshuhudia matukio hayo. Kwa hiyo, ninangojea wakati nitamusikia Yesu akiita, kama alivyomuita Lazaro: ‘Rosemarie, kuja huku inje!’”

Costas na Maria walihuzunika sana walipofiwa na binti yao wa mwaka 1 na miezi 8, aliyekufa kwa sababu ya matatizo ya chembe za uriti. Maria anasema hivi: “Kifo cha Evi, binti yetu, kilituhuzunisha sana. Kuanzia wakati huo na kuendelea, tumeelewa vizuri sana mafundisho kuhusu mateso, kifo, na ufufuo. Maandiko ya Biblia kama vile Isaya 33:24; 35:5, 6; na Ufufuo 21:4, 5 yana maana kubwa kwetu! Ndiyo, Yehova amekuwa Baba mwenye upendo kwa kutupatia tumaini hakika la ufufuo.”

Majibu ya Biblia juu ya maulizo kuhusu uzima na kifo yanatoka moja kwa moja kwa Muumbaji wetu. Kama Theodore, Costas, na Maria, wewe pia unaweza kuwa na tumaini lililo hakika kwa ajili ya wakati unaokuja ikiwa unalijenga kwenye musingi wa Neno la Mungu. Neno la Mungu haliweze kusema uongo!​—Tito 1:2.