Kila mwaka mamia ya maelfu wanabatizwa. Ile inafanya tukuwe na lazima sana ya Majumba ya Ufalme. Juu ile iwezekane, ma departema ya LDC mu dunia yote ilifanya mipango juu ya kujenga na kurekebisha Majumba ya Ufalme zaidi ya 2 700 mu mwaka wa utumishi wa 2020. *

 Jambo ya kuhuzunisha ni kwamba, ile mipango haikuwezekana juu ya ugonjwa ya Coronavirus. Juu ya kulinda ndugu na dada zetu na juu ya kuheshimia mipango ya serikali, Halmashauri ya Utangazaji ya Baraza Lenye Kuongoza ilisimamisha kazi ya kujenga mu dunia yote. Lakini, mu mwaka wa utumishi wa 2020, Majumba ya Ufalme zaidi ya 1 700 ilikuwa ilishajengwa na kurekebishwa mbele ile ugonjwa itokee. Tena, zaidi ya majengo kubwa-kubwa 100 ku tawi mbalimbali, ilimalizika. Tuone namna majengo mbili yenye ilimalizika ilisaidia ndugu zetu.

 Tawi ya Kameruni. Majengo ya zamani ya tawi, yenye ilikuwa Douala, ilikuwa kidogo sana, iliomba kuipanua. Halmashauri ya Utangazaji ilipendekeza kurekebisha ile tawi, lakini feza zenye zingetumiwa zingekuwa mingi sana kuliko garama yenye ilifanywa juu ya kujenga ile tawi. Walichunguza pia ili kuona kama kulikuwa uwezekano wa kujenga upya fasi ingine ao kuuza fasi kwenye kuko nyumba kisha kuitengeneza muzuri. Lakini ile mipango yote haikuwezekana.

 Ileile wakati, ndugu walijulishwa kama kaskazini mwa Douala, serikali inataka kujenga barabara pembeni ya Jumba letu la Mukusanyiko. Ile barabara ingefanya ikuwe rahisi kufika ku ile Jumba na ingefanya ile fasi ikuwe na valere sana. Na ni vile tawi ilikuwa inapenda kabisa. Kwa hiyo, Baraza Lenye Kuongoza lilikubali biro mupya ya tawi ijengwe mu sehemu fulani ya ile uwanja wa Jumba la Mukusanyiko.

 Mashahidi na wajenzi wa kulipiwa walitumika pamoja pale. Na ile ilifanya tusitumie feza mingi. Ile kazi ilichukua zaidi ya dola milioni mbili, kidogo kuliko vile tulitazamia! Familia ya Beteli ilihamia mu ile jengo wakati kidogo tu mbele ile ugonjwa ianze.

 Wanabeteli wa Kameruni walipata makao ya muzuri na walitumika mu hali za muzuri sana. Wanaona ile tawi ya mupya kuwa baraka kutoka kwa Yehova. Ndugu moja na bibi yake walisema: “Tunapenda kutumika sana juu ya kuonyesha kama tunaona hii zawadi kuwa ya maana sana.”

 Biro ya Kutafsiri ya Tojolabal, Meksiko. Kwa miaka mingi, timu ya kutafsiri ya Tojolabal ilikuwa inatumikia ku tawi ya Amerika ya Kati, mu muji wa Meksiko. Lakini, luga ya Tojolabal inazungumuziwa zaidi sana mu eneo la Altamirano na Las Margaritas​—karibu kilometre 1 000 na tawi! Ile inafanya ikuwe nguvu kwa watafsiri kujua maendeleo ya ile luga. Na tawi ilifanya yake yote juu ya kupata ndugu na dada wenye kuwa pembeni-pembeni juu ya kusaidia kutafsiri na kurekodi mu luga ya Tojolabal.

 Njo maana Halmashauri ya Uandikaji ya Baraza Lenye Kuongoza ilipenda ile timu ihamie mu eneo kwenye luga yao inasemewaka. Juu ya kufikia ile kusudi, tawi iliamua kuuza na kutengeneza jengo fulani. Kufanya vile ilikuwa bei chini kuliko kujenga ao kulipia nyumba.

 Mutafsiri moja anafasiria vile alifaidika na ile mupango: “Mu ile miaka kumi yenye nilikuwa mutafsiri ku tawi, sikukutanaka hata na familia moja yenye inazungumuzaka luga yangu. Sasa biro yetu inahamishwa kabisa mu eneo kwenye watu wanazungumuzaka Tojolabal. Niko nazungumuza na watu mu Tojolabal kila siku. Ile imenisaidia nikuwe na maneno ya mingi na kazi ikuwe ya muzuri.”

 Hali zikiruhusu, mu mwaka wa utumishi wa 2021, kuko mipango ya kujenga biro 75 za kutafsiri na majengo ya masomo ya Biblia. Kazi itaendelea ku tawi kubwa munane, kutia ndani majengo ya Ramapo, New York, na kuhamisha tawi ya Argentine na Italia. Tena, zaidi ya Majumba ya Ufalme 1 000 inahitajiwa, zaidi ya fasi 6 000 ya kukusanyikia inaomba kutengenezwa, na Majumba ingine ya Ufalme 4 000 inaomba kurekebishwa.

 Feza zilitoka wapi juu ya kufanya ile kazi yote? Ndugu Lázaro González, wa Halmashauri ya Tawi ya Amerika ya Kati, alijibia ile ulizo wakati alikuwa anazungumuzia mupango wa kuhamisha Biro ya Kutafsiri ya luga ya Tojolabal: “Ndugu na dada wa eneo la tawi yetu ni maskini. Bila musaada wa ndugu wa mu dunia yote, hatungeweza kujenga biro za kutafsiri mu luga zenye ndugu wenyeji wanazungumuza. Michango yenye ndugu na dada wanatoa mu dunia yote njo ilifanya iwezekane kupeleka watafsiri karibu na watu wenye wanazungumuza luga zenye wanatafsiri. Tunashukuru sana ndugu na dada wa mu dunia yote kwa michango yenye wanatoa.” Ndiyo, zile kazi zote za kujenga zinawezekana kupitia michango yenye munatoa juu ya kutegemeza kazi ya mu dunia yote. Michango mingi inatolewa kupitia donate.pr2711.com.