”Mawu su sorga sarung měmětị kararatuang sěmbaụ kụ sarung mẹ̌darage sarang marěngụ děngụ.”​—Daniel 2:44, Binohẹ Susi Bal᷊o Mapia Su Weran Sangihẹ̌ Měllo-měllo.

”Sěngkatau rariọ seng nawantelẹ̌ baug’i kitẹ; kụ i kitẹ seng nighěllirangu sěngkatau ahusẹ̌. I Sie sarung makoạ těmbonang i kitẹ.”​—Yesaya 9:5.

• Makahombang pẹ̌darame ual᷊ingu kararatuang u Mawu mapia, kapěngimangeng, dingangu mạadilẹ̌.​—Yesaya 48:17, 18.

• Su dunia wuhu anạu sěmbaụ sarung tawe masakị dingangu makahombang karal᷊uasẹ̌.​—Pělal᷊ahẹ 21:3, 4.

Piạ 2 alasange:

• Yesus seng něnodẹ u apang botonge nikoạ Kararatuang u Mawu. I Sie měněntiro manga murite pěmpẹ̌dọa tadeạu Kararatuang u Mawu mal᷊ighạ marěnta kụ mariadi su dunia. (Matius 6:9, 10) Yesus něgělị tatiala tadeạu daroa ene sarung kasimbaheng.

  Su dunia, Yesus něgělị kaěng su taumata nahutung, taumata masakị napia, taumata nate saụ nẹ̌biahẹ̌! (Matius 15:29-38; Yohanes 11:38-44) Su ěllo mahi, su tempong I Sie makoạ Datu Kararatuang u Mawu, limembong lawọ lai sarung koatenge.​—Pělal᷊ahẹ 11:15.

• Apang nariadi su dunia ini, nakoạ tatiala si kitẹ, Kararatuang u Mawu tạděngụe duměnta. Su tempong Kararatuang bědang tawe diměnta měgěli pẹ̌darame, Yesus naul᷊ị sarung piạ sekẹ, karal᷊unusẹ̌, linuhẹ̌ dingangu kasasakị.​—Matius 24:3, 7.

  Ndaị ene kẹ̌kasilong i kitẹ orasẹ̌ ini. Kụ i kitẹ masingkạ Kararatuang u Mawu sarung měngěnsue kěbị kasasusah ini.