Mateus 1:1-25
1 Livru neʼe konta istória* kona-ba Jesus Kristu.* Nia mak David+ nia oan-mane* no Abraão+ nia oan-mane:
2 Abraão nia oan-mane mak Isaac,+Isaac nia oan-mane mak Jacob,+Jacob nia oan-mane mak Judá+ ho ninia maun-alin sira,
3 Judá nia oan-mane sira mak Peres no Zerá,+ sira-nia inan mak Tamar.Peres nia oan-mane mak Hezron,+Hezron nia oan-mane mak Ram,+
4 Ram nia oan-mane mak Aminadab,Aminadab nia oan-mane mak Nasson,+Nasson nia oan-mane mak Salmon,
5 Salmon nia oan-mane mak Boaz; Boaz nia inan mak Raab.+Boaz nia oan-mane mak Obed; Obed nia inan mak Rute.+Obed nia oan-mane mak Jessé,+
6 Jessé nia oan-mane mak Liurai David,+
David nia oan-mane mak Salomão;+ Salomão nia inan mak Urias nia feen.
7 Salomão nia oan-mane mak Roboão,+Roboão nia oan-mane mak Abias,Abias nia oan-mane mak Asa,+
8 Asa nia oan-mane mak Jeosafát,+Jeosafát nia oan-mane mak Jeorão,+Jeorão nia oan-mane mak Uzias,
9 Uzias nia oan-mane mak Jotão,+Jotão nia oan-mane mak Acaz,+Acaz nia oan-mane mak Ezequias,+
10 Ezequias nia oan-mane mak Manasés,+Manasés nia oan-mane mak Amon,+Amon nia oan-mane mak Josias.+
11 Josias+ nia oan-mane mak Jeconias+ no Josias iha tan oan-mane sira seluk, neʼebé moris iha tempu* neʼebé ema Judeu sai dadur iha rai-Babilónia.+
12 Jeconias nia oan-mane Sealtiel moris bainhira sira sai ona dadur iha rai-Babilónia.Sealtiel nia oan-mane mak Zorobabel,+
13 Zorobabel nia oan-mane mak Abiud,Abiud nia oan-mane mak Eliaquim,Eliaquim nia oan-mane mak Azor,
14 Azor nia oan-mane mak Zadoc,Zadoc nia oan-mane mak Aquim,Aquim nia oan-mane mak Eliud,
15 Eliud nia oan-mane mak Eleazar,Eleazar nia oan-mane mak Matán,Matán nia oan-mane mak Jacob,
16 Jacob nia oan-mane mak José, no José mak Maria nia laʼen. Maria sai inan ba Jesus+ neʼebé ema bolu nuʼudar Kristu.+
17 Nuneʼe, jerasaun husi Abraão toʼo David, hamutuk 14; jerasaun husi David toʼo tempu neʼebé ema Judeu sai dadur iha rai-Babilónia, hamutuk 14; jerasaun husi tempu dadur iha rai-Babilónia toʼo Kristu, hamutuk 14.
18 Jesus Kristu nia moris mak hanesan tuirmai neʼe: Ninia inan Maria sai isin-rua liuhusi espíritu santu*+ durante tempu neʼebé Maria promete ona atu sai José nia feen, maski sira seidauk moris hamutuk nuʼudar feen-laʼen.
19 Maibé ninia laʼen José mak ema laran-loos no lakohi hamoe nia, tan neʼe José hanoin atu soe malu ho Maria subasubar deʼit.+
20 Bainhira José hanoin tiha kona-ba buat sira-neʼe, Jeová* nia anju ida mosu ba nia iha mehi, hodi dehan: “David nia oan-mane José, keta taʼuk atu kaben ho Maria,* tanba oan neʼebé iha ninia knotak mak liuhusi espíritu santu.+
21 Nia sei tuur-ahi oan-mane ida, no ó tenke hanaran oan neʼe Jesus,*+ tanba nia sei salva ninia povu husi sala.”+
22 Buat hotu neʼe akontese duni hodi kumpre Jeová* nia liafuan neʼebé nia fó sai ona liuhusi ninia profeta, hodi dehan:
23 “Haree bá! Feto virjen ida sei sai isin-rua no tuur-ahi oan-mane ida, no ema sei hanaran oan neʼe Emanuel”,+ neʼe katak “Maromak hamutuk ho ita”.+
24 Depois neʼe, José hadeer no halo tuir liafuan neʼebé Jeová* nia anju hatete ba nia, no José kaben ho Maria.*
25 Maibé José la halo relasaun seksuál ho Maria toʼo tempu neʼebé Maria tuur-ahi oan-mane ida,+ no José hanaran oan neʼe Jesus.+
Nota-rodapé
^ Ka “liña jerasaun”.
^ Ka “Mesias; Ida neʼebé Maromak hili ona”.
^ Iha lian Gregu, liafuan “oan-mane” bele mós signifika bei-oan ka jerasaun.
^ Karik neʼe inklui mós tempu antes sira sai dadur.
^ Ka “Maromak nia forsa”. Haree “Espíritu santu” iha Glosáriu.
^ Iha tradusaun neʼe, iha Eskritura Lian Gregu, uza Maromak nia naran “Jeová” hamutuk dala 237. Haree Ap. A5.
^ Orj., “keta taʼuk atu lori ó-nia feen Maria ba uma”.
^ Naran neʼe hanesan ho naran iha lian Ebraiku, Jesua ka Josué. Naran neʼe katak “Jeová mak fó salvasaun”.
^ Orj., “nia lori ninia feen ba uma”.
