Miqueias 3:1-12
3 Haʼu hatete: “Oh ulun-naʼin sira husi umakain JacobNo ukun-naʼin sira husi umakain Izraél,+ favór ida, rona lai.
Imi tenke hatene oinsá atu halo buat neʼebé tuir justisa, loos ka lae?
2 Maibé imi odi buat neʼebé loos+ no hadomi buat neʼebé aat.+Imi hasai tiha haʼu-nia povu nia kulit no hasai tiha isin husi sira-nia ruin.+
3 Imi mós han haʼu-nia povu nia isin+No hasai tiha sira-nia kulit,Imi harahun sira-nia ruin, harahun sira ba pedasuk,+Hanesan naʼan-isin no naʼan-ruin neʼebé iha sanan ida nia laran.
4 Iha tempu neʼebá, sira sei bolu Jeová atu husu ajuda,Maibé nia sei la hatán ba sira.
Iha tempu neʼebá, nia sei subar ninia oin husi sira,+Tanba sira-nia hahalok neʼebé aat.+
5 Jeová dehan nuneʼe kona-ba profeta sira neʼebé lori haʼu-nia povu laʼo sala dalan,+Neʼebé dehan: ‘Dame!’+ bainhira sira tata hela buat ruma ho sira-nia nehan,*+Maibé sira prepara an atu bá funu* hasoru ema neʼebé la tau buat ida iha sira-nia ibun:
6 ‘Imi sei iha nakukun laran hanesan kalan,+ maibé imi la haree vizaun.+Imi sei haree deʼit nakukun, no la siʼik tan futuru.
Loro-matan sei tun ba profeta sira-neʼe,No loron sei sai fali nakukun ba sira.+
7 Ema neʼebé haree vizaun sei hetan moe,+No siʼikdór sira sei sai laran-triste.
Sira hotu sei taka sira-nia ibun* ho hena,Tanba Maromak la hatán ba sira.’”
8 Kona-ba haʼu, haʼu nakonu ho kbiit tanba Jeová nia espíritu,No nakonu ho justisa no forsa,Atu fó sai ba Jacob kona-ba ninia hahalok kontra no ba Izraél kona-ba ninia sala.
9 Favór ida, rona lai, oh ulun-naʼin sira husi umakain JacobNo ukun-naʼin sira husi umakain Izraél,+Imi hakribi justisa no halo kleʼuk buat hotu neʼebé loos,+
10 Imi fakar ema nia raan bainhira harii Siaun no halo hahalok aat bainhira harii Jeruzalein.+
11 Sidade neʼe nia ulun-naʼin sira tesi-lia tanba simu prezente,+Ninia amlulik sira hanorin tanba simu kolen,+No ninia profeta sira siʼik futuru tanba osan.*+
Maski nuneʼe, sira sadere ba Jeová,* hodi dehan:
“Jeová hamutuk ho ita, loos ka lae?+
La iha susar ida mak sei kona ita.”+
12 Tanba imi,Siaun sei rahun tiha hanesan ema fila rai iha toʼos,Sidade Jeruzalein sei sai fatin neʼebé rahun,+No foho neʼebé Maromak nia uma* harii bá sei sai hanesan ai-laran.+
Nota-rodapé
^ Ka karik “bainhira sira iha hahán ruma hodi nata”.
^ Orj., “sira halo santu funu”.
^ Ka “ibun-rahun”.
^ Ka “sira ho ibun-tutun hatete katak sira sadere ba Jeová”.
^ Ka “osan-mutin”.
^ Ka “templu”.
