Miqueias 5:1-15
5 “Oh sidade* neʼebé ema ataka daudaun,Agora imi hakanek imi-nia an.Inimigu halo serku ona ba ita.+
Sira uza ai-tonka hodi baku Izraél nia juís nia hasan.+
2 Kona-ba ó, oh Belein Efrata,+Ó mak sidade neʼebé kiʼik liu entre Judá nia sidade rihun ba rihun,*Maibé husi ó mak sei mosu ba haʼu ida neʼebé sei ukun Izraél.+Nia iha ona husi tempu antigu, husi tempu uluk kedas.
3 Tan neʼe, Maromak sei husik hela ninia povuToʼo feto neʼebé atu tuur-ahi fó moris ona ba ninia oan.
No ukun-naʼin neʼe nia maun-alin sira seluk sei fila fali ba povu Izraél.
4 Nia sei hamriik no tau matan ba bibi sira hodi Jeová nia kbiit,+Hodi ninia Maromak Jeová nia naran neʼebé aas liu.
No sira sei moris hakmatek,+Tanba agora ninia naran-boot sei toʼo rai hotu iha mundu tomak.+
5 No nia sei lori dame.+
Se ema Asíria ataka ita-nia rai no harahun ita-nia uma aas* sira neʼebé seguru,+Ita sei foti bibi-atan naʼin-hitu, sin, ema naʼin-ualu neʼebé sei sai ulun-naʼin, hodi kontra sira.
6 Sira sei kastigu rai-Asíria ho surik,+No kastigu Nimrod+ nia rai iha ninia fronteira sira.
Ukun-naʼin neʼe sei salva ita husi ema Asíria,+Bainhira sira mai ataka ita-nia rai no harahun ita-nia rai.
7 Ema restu husi Jacob nia umakain sei hela iha povu barak nia leetHanesan mahobeen husi Jeová,Hanesan udan neʼebé tun ba ai-horis sira.Buat sira-neʼe la depende* ba emaKa la hein ba ema.
8 Ema restu husi Jacob nia umakain sei hela iha nasaun sira-nia leet,Iha povu barak nia leet,Hanesan leaun ida entre animál fuik sira iha ai-laran,Hanesan leaun-aman ida iha bibi-malae lubun nia leet,Neʼebé laʼo liu hodi ataka no lees tiha animál pedasuk ba pedasuk;No la iha ema ida mak atu salva sira.
9 Imi sei hiʼit imi-nia liman tanba manán imi-nia inimigu sira,No imi-nia inimigu sira hotu sei lakon mohu.”
10 Jeová dehan: “Iha loron neʼebá,Haʼu sei halakon imi-nia kuda sira husi imi-nia leet no harahun imi-nia kuda-karreta sira.
11 Haʼu sei halakon sidade sira iha imi-nia raiNo harahun imi-nia fatin hotu neʼebé seguru.
12 Haʼu sei hapara imi-nia hahalok matan-dook,No sei la iha tan ema ida mak halo masonik iha imi-nia leet.+
13 Haʼu sei harahun imi-nia estátua no imi-nia fatuk lulik sira husi imi-nia leet,No imi sei la hakruʼuk tan ba buat neʼebé imi halo ho imi-nia liman.+
14 Haʼu sei fokit sai imi-nia ai-riin lulik sira*+ husi imi-nia leetNo halakon imi-nia sidade sira.
15 Ho hirus no laran-nakali, haʼu sei fó kastiguBa nasaun sira neʼebé la halo tuir haʼu.”
Nota-rodapé
^ Orj., “oan-feto”.
^ Ka “Judá nia família sira”.
^ Ka “torre”.
^ Ka “la tau esperansa”.
^ Haree “Ai-riin lulik” iha Glosáriu.
