Salmo 119:1-176
-
Hafolin Maromak nia liafuan
-
‘Oinsá mak joven ida halo ninia dalan moos nafatin?’ (9)
-
“Haʼu gosta Ita-nia avizu sira” (24)
-
“Haʼu hadomi tebes Ita-nia ukun-fuan!” (97)
-
“Haʼu matenek liu fali haʼu-nia mestre sira hotu” (99)
-
“Ita-nia liafuan mak ahi-oan neʼebé leno haʼu-nia ain” (105)
-
“Ita-nia liafuan mak lia-loos” (160)
-
Ema neʼebé hadomi Maromak nia ukun-fuan hetan dame (165)
-
א [Alef]
119 Ksolok ba sira neʼebé moris ho hahalok loos* iha sira-nia dalan sira,Sira neʼebé halo* tuir Jeová nia ukun-fuan.+
2 Ksolok ba sira neʼebé halo tuir ninia avizu sira,+Sira neʼebé buka nia ho sira-nia laran tomak.+
3 Sira la halo buat neʼebé la loos;Sira laʼo iha ninia dalan sira.+
4 Ita fó ona mandamentuKatak ami tenke halo tuir ho didiʼak Ita-nia lei sira.+
5 Haʼu hakarak tebes atu hamriik metin nafatin,*+Hodi nuneʼe haʼu bele halo tuir Ita-nia ukun-fuan sira!
6 Nuneʼe haʼu labele hetan moe+Kuandu haʼu hanoin kona-ba Ita-nia mandamentu hotu.
7 Haʼu sei hahiʼi Ita ho laran-loosKuandu haʼu aprende kona-ba Ita-nia desizaun neʼebé tuir justisa.
8 Haʼu sei halo tuir Ita-nia ukun-fuan sira.
Haʼu harohan katak Ita sei nunka husik hela haʼu.
ב [Bet]
9 Oinsá mak mane joven ida halo ninia dalan sira moos nafatin?
Nia tenke kontinua proteje ninia an tuir Ita-nia liafuan.+
10 Haʼu buka Ita ho haʼu-nia laran tomak.
Keta husik haʼu laʼo sees husi Ita-nia mandamentu sira.+
11 Haʼu hafolin* Ita-nia liafuan iha haʼu-nia laran+Atu nuneʼe haʼu la halo sala kontra Ita.+
12 Oh Jeová, Ita-Boot merese simu hahiʼi;Favór ida, hanorin haʼu Ita-nia ukun-fuan sira.
13 Haʼu-nia ibun sei haklakenIta-nia desizaun hotu neʼebé Ita fó sai ona.
14 Haʼu haksolok tanba Ita-nia avizu sira,+Liu fali buat folin-boot sira seluk.+
15 Haʼu sei hanoin kleʼan* kona-ba Ita-nia lei sira+No haʼu-nia matan sei hateke deʼit ba Ita-nia dalan sira.+
16 Haʼu gosta Ita-nia ukun-fuan sira.No haʼu sei la haluha Ita-nia liafuan.+
ג [Gimel]
17 Favór ida, hatudu laran-diʼak ba Ita-nia atan,Atu nuneʼe haʼu bele moris no halo tuir Ita-nia liafuan.+
18 Loke haʼu-nia matan atu haʼu bele haree ho momoosBuat kmanek sira husi Ita-nia ukun-fuan.
19 Haʼu hanesan ema estranjeiru iha rai neʼe.+Keta subar Ita-nia mandamentu husi haʼu.
20 Iha tempu hotu haʼu hanoin loosKona-ba Ita-nia desizaun sira.
21 Ita korrije ema foti an* sira,Ema neʼebé merese hetan malisan tanba sira laʼo sees husi Ita-nia mandamentu sira.+
22 Favór ida, hapara sira neʼebé goza no odi haʼu,*Tanba haʼu halo tuir ona Ita-nia avizu sira.
23 Bainhira ulun-naʼin sira tuur hamutuk no koʼalia kontra haʼu,Ita-nia atan neʼe hanoin kleʼan* kona-ba Ita-nia ukun-fuan.
24 Haʼu gosta Ita-nia avizu sira;+Sira mak hanesan haʼu-nia konsellu-naʼin.+
ד [Dalet]
25 Haʼu latan an iha rai-rahun laran.+
Favór ida, proteje haʼu-nia moris tuir Ita-nia liafuan.+
26 Haʼu fó sai haʼu-nia dalan sira ba Ita, no Ita hatán ona haʼu;Favór ida, hanorin Ita-nia ukun-fuan sira mai haʼu.+
27 Halo haʼu komprende Ita-nia lei sira,*Atu nuneʼe haʼu bele hanoin kleʼan* kona-ba buat kmanek sira neʼebé Ita halo.+
28 Haʼu* toba la dukur tanba triste.
Favór ida, fó kbiit ba haʼu tuir Ita-nia liafuan.
29 Hadook tiha lia-bosok husi haʼu,+No hatudu laran-diʼak hodi fó Ita-nia ukun-fuan ba haʼu.
30 Haʼu deside ona atu hatudu laran-metin.+
Haʼu rekoñese katak Ita-nia desizaun sira mak loos.
31 Haʼu kaer metin ba Ita-nia avizu sira.+
Oh Jeová, keta husik haʼu sai laran-triste.*+
32 Haʼu sei buka tuir* Ita-nia mandamentu sira ho laran-manasTanba Ita loke luan haʼu-nia laran.*
ה [Hei]
33 Oh Jeová, hanorin Ita-nia ukun-fuan sira mai haʼu,+No haʼu sei laʼo tuir Ita-nia ukun-fuan toʼo rohan.+
34 Favór ida, halo haʼu komprende,Atu nuneʼe haʼu bele halo tuir Ita-nia ukun-fuanNo kumpre ida-neʼe ho haʼu-nia laran tomak.
35 Dirije haʼu atu halo* tuir Ita-nia mandamentu sira,+Tanba haʼu gosta laʼo tuir dalan neʼe.
36 Book haʼu-nia laran atu gosta Ita-nia avizu sira,Laʼós atu gosta hahalok kaan-teen.+
37 Keta husik haʼu hateke nafatin ba buat neʼebé folin-laek;+Halo haʼu laʼo iha Ita-nia dalan hodi bele proteje haʼu-nia moris.
38 Kumpre Ita-nia promesa* ba Ita-nia atan,Atu nuneʼe Ita-nia povu bele hamtaʼuk Ita.*
39 Hasai tiha moe neʼebé halo haʼu taʼuk,Tanba Ita-nia desizaun sira mak diʼak.+
40 Haree bá, haʼu hanoin loos Ita-nia lei sira.
Favór ida, proteje haʼu-nia moris tuir Ita-nia hahalok loos.
ו [Vau]
41 Oh Jeová, husik haʼu sente Ita-nia domin neʼebé laran-metin,+No Ita-nia salvasaun tuir Ita-nia promesa;*+
42 Depois neʼe, haʼu sei hatán ba ida neʼebé koʼalia aat haʼu,Tanba haʼu tau fiar ba Ita-nia liafuan.
43 Keta hasai hotu liafuan lia-loos nian husi haʼu-nia ibun,Tanba haʼu tau esperansa* ba Ita-nia desizaun.
44 Haʼu sei kontinua kumpre Ita-nia ukun-fuanTinan ba tinan ba nafatin.+
45 No haʼu sei laʼo iha fatin neʼebé seguru,*+Tanba haʼu buka Ita-nia lei sira.
46 Haʼu sei koʼalia kona-ba Ita-nia avizu sira iha liurai sira-nia oin,No haʼu sei la moe.+
47 Haʼu gosta Ita-nia mandamentu sira,Sin, haʼu hadomi sira.+
48 Haʼu sei harohan hodi foti saʼe haʼu-nia liman tanba haʼu hadomi Ita-nia mandamentu sira,+No haʼu sei hanoin kleʼan* kona-ba Ita-nia ukun-fuan sira.+
ז [Zain]
49 Hanoin-hetan Ita-nia liafuan* ba Ita-nia atan,Tanba liuhusi liafuan neʼe mak Ita fó esperansa ba haʼu.*
50 Liafuan neʼe fó kmaan ba haʼu iha haʼu-nia terus laran,+Tanba Ita-nia liafuan proteje ona haʼu-nia moris.
51 Ema foti an* goza tebes haʼu,Maibé haʼu la laʼo sees husi Ita-nia ukun-fuan.+
52 Oh Jeová, haʼu hanoin-hetan Ita-nia desizaun sira husi tempu uluk,+No haʼu hetan kmaan tanba desizaun sira-neʼe.+
53 Haʼu sai laran-nakali tebes tanba ema aatNeʼebé husik tiha Ita-nia ukun-fuan.+
54 Ita-nia ukun-fuan sira sai haʼu-nia knananukIha fatin naran deʼit neʼebé haʼu hela bá.*
55 Durante kalan haʼu hanoin-hetan Ita-nia naran, oh Jeová,+Atu nuneʼe haʼu bele kumpre Ita-nia ukun-fuan.
56 Neʼe sai ona haʼu-nia tomanTanba haʼu kumpre Ita-nia lei sira.
ח [Hetes]
57 Jeová mak haʼu-nia parte;+Haʼu promete ona atu halo tuir Ita-nia liafuan sira.+
58 Haʼu husu Ita* ho haʼu-nia laran tomak;+Favór ida, hatudu laran-diʼak mai haʼu+ tuir Ita-nia promesa.*
59 Haʼu haree didiʼak ona haʼu-nia dalan sira,Atu nuneʼe haʼu bele fila fali no halo tuir* Ita-nia avizu sira.+
60 Haʼu lalais atu halo tuir no la demoraAtu kumpre Ita-nia mandamentu sira.+
61 Ema aat nia tali sira bobar haleʼu haʼu,Maibé haʼu la haluha Ita-nia ukun-fuan.+
62 Iha kalan-boot haʼu hadeer hodi fó agradese ba Ita+Tanba Ita-nia desizaun sira neʼebé tuir justisa.
63 Haʼu sai belun ho sira hotu neʼebé hamtaʼuk ItaNo ho sira neʼebé halo tuir Ita-nia lei sira.+
64 Oh Jeová, mundu tomak nakonu ho Ita-nia domin neʼebé laran-metin;+Favór ida, hanorin haʼu Ita-nia ukun-fuan sira.
ט [Tet]
65 Ita hatudu ona laran-diʼak ba Ita-nia atan,Oh Jeová, tuir Ita-nia liafuan.
66 Hanorin haʼu matenek no koñesimentu,+Tanba haʼu tau fiar ona ba Ita-nia mandamentu sira.
67 Uluk haʼu laʼo sala dalan* no hetan terus,Maibé agora haʼu halo tuir Ita-nia liafuan.+
68 Ita mak diʼak+ no buat neʼebé Ita halo mak diʼak.
Favór ida, hanorin haʼu Ita-nia ukun-fuan sira.+
69 Ema sira neʼebé foti an* duun matak haʼu ho lia-bosok,Maibé haʼu kumpre Ita-nia lei sira ho haʼu-nia laran tomak.
70 Sira-nia laran la sente buat ida,+Maibé haʼu gosta Ita-nia ukun-fuan.+
71 Diʼak ba haʼu tanba haʼu hetan ona terus,+Hodi nuneʼe haʼu bele aprende Ita-nia ukun-fuan sira.
72 Ukun-fuan neʼebé Ita fó sai ona mak diʼak ba haʼu,+Liu fali osan-mean no osan-mutin rihun ba rihun.+
י [Iod]
73 Ita-nia liman mak kria haʼu no forma haʼu.
Favór ida, fó haʼu kbiit atu komprende,Hodi nuneʼe haʼu bele aprende Ita-nia mandamentu sira.+
74 Sira neʼebé hamtaʼuk Ita haree haʼu no haksolok,Tanba haʼu tau esperansa* ba Ita-nia liafuan.+
75 Oh Jeová, haʼu hatene katak Ita-nia desizaun sira mak tuir justisa+No katak Ita haterus haʼu tanba Ita-nia laran-metin.+
76 Favór ida, fó kmaan ba haʼu ho Ita-nia domin neʼebé laran-metin,+Tuir promesa* neʼebé Ita halo ona ho Ita-nia atan.
77 Hatudu laran-sadiʼa ba haʼu, atu nuneʼe haʼu bele kontinua moris,+Tanba haʼu gosta Ita-nia ukun-fuan.+
78 Halo ema sira neʼebé foti an* hetan moe,Tanba sira halo sala hasoru haʼu la ho razaun.*
Maibé haʼu sei hanoin kleʼan* kona-ba Ita-nia lei sira.+
79 Halo sira neʼebé hamtaʼuk Ita atu fila fali ba haʼu,Sira neʼebé hatene Ita-nia avizu sira.
80 Ajuda haʼu atu halo tuir Ita-nia ukun-fuan sira+ no moris ho hahalok loos,Atu nuneʼe haʼu labele hetan moe.+
כ [Kaf]
81 Haʼu hakarak tebes hetan salvasaun husi Ita,+Tanba haʼu tau esperansa* ba Ita-nia liafuan.
82 Haʼu-nia matan sai kole tanba haʼu hein ba Ita-nia liafuan,+Haʼu dehan: “Bainhira mak Ita-Boot sei fó kmaan ba haʼu?”+
83 Tanba haʼu sai hanesan bee-fatin husi animál kulit neʼebé ahi-suar halo maran ona,Maibé haʼu la haluha Ita-nia ukun-fuan sira.+
84 Ita-nia atan neʼe tenke hein toʼo loron hira tan?
Bainhira mak Ita sei kastigu sira neʼebé haterus haʼu?+
85 Ema sira neʼebé foti an* keʼe rai-kuak ba haʼu,Sira neʼebé kontra Ita-nia ukun-fuan.
86 Ema bele tau fiar ba Ita-nia mandamentu hotu.
Ema haterus haʼu la ho razaun; oh ajuda haʼu bá!+
87 Sira besik atu halakon haʼu husi rai,Maibé haʼu la husik Ita-nia lei sira.
88 Proteje haʼu-nia moris tanba Ita-nia domin neʼebé laran-metin,Atu nuneʼe haʼu bele halo tuir avizu sira neʼebé Ita fó sai ona.
ל [Lamed]
89 Oh Jeová, Ita-nia liafuan sei la muda iha lalehanNo neʼe metin ba nafatin.+
90 Ita-nia laran-metin iha ba jerasaun hotu.+
Ita harii metin ona mundu, atu nuneʼe bele hamriik nafatin.+
91 Kriasaun hotu iha nafatin toʼo ohin loron tanba Ita-nia desizaun sira,Tanba kriasaun hotu mak Ita-nia atan.
92 Se haʼu la gosta Ita-nia ukun-fuan,Haʼu mate tiha ona iha haʼu-nia terus laran.+
93 Haʼu sei nunka haluha Ita-nia lei sira,Tanba liuhusi lei sira-neʼe mak Ita proteje haʼu-nia moris.+
94 Haʼu mak Ita-nian; salva haʼu bá,+Tanba haʼu buka Ita-nia lei sira.+
95 Ema aat sira hein atu halakon haʼu,Maibé haʼu hanoin didiʼak kona-ba Ita-nia avizu sira.
96 Haʼu haree ona buat hotu neʼebé perfeitu iha limite,Maibé Ita-nia mandamentu sira la iha limite.*
מ [Mem]
97 Oh haʼu hadomi tebes Ita-nia ukun-fuan!+Haʼu hanoin kleʼan* kona-ba neʼe loron tomak.+
98 Ita-nia mandamentu sira halo haʼu matenek liu fali haʼu-nia inimigu sira,+Tanba mandamentu sira-neʼe hamutuk ho haʼu ba nafatin.
99 Haʼu matenek liu fali haʼu-nia mestre sira hotu,+Tanba haʼu hanoin kleʼan* kona-ba Ita-nia avizu sira.
100 Haʼu-nia hahalok hatudu katak haʼu komprende barak liu fali katuas sira,Tanba haʼu kumpre Ita-nia lei sira.
101 Haʼu lakohi laʼo iha ema aat sira-nia dalan,+Atu nuneʼe haʼu bele halo tuir Ita-nia liafuan.
102 Haʼu la laʼo sees husi Ita-nia desizaun sira,Tanba Ita hanorin ona haʼu.
103 Ita-nia liafuan sira mak midar iha haʼu-nia nanál,Midar liu fali bani-been iha haʼu-nia ibun!+
104 Haʼu iha kbiit atu komprende tanba Ita-nia lei sira.+
Tan neʼe mak haʼu odi dalan hotu neʼebé sala.+
נ [Nun]
105 Ita-nia liafuan mak ahi-oan neʼebé leno haʼu-nia ain,No naroman ba haʼu-nia dalan.+
106 Haʼu jura ona, no haʼu sei kumpre haʼu-nia juramentu,Atu halo tuir Ita-nia desizaun neʼebé Ita halo ho justisa.
107 Haʼu hetan ona terus boot.+
Oh Jeová, proteje haʼu-nia moris tuir Ita-nia liafuan.+
108 Oh Jeová, favór ida, simu haʼu-nia sakrifísiu hahiʼi nian*+ neʼebé haʼu fó ho hakarak rasikNo hanorin haʼu Ita-nia desizaun sira.+
109 Haʼu-nia moris sempre iha perigu laran,Maibé haʼu la haluha Ita-nia ukun-fuan.+
110 Ema aat tau lasu ba haʼu,Maibé haʼu la laʼo sees husi Ita-nia lei sira.+
111 Haʼu simu Ita-nia avizu sira nuʼudar haʼu-nia liman-rohan ba nafatin,Tanba avizu sira-neʼe fó ksolok ba haʼu-nia laran.+
112 Haʼu deside ona atu halo tuir Ita-nia ukun-fuan siraIha tempu hotu, toʼo haʼu mate.
ס [Samek]
113 Haʼu odi sira neʼebé la fó laran tomak ba Ita,*+Maibé haʼu hadomi Ita-nia ukun-fuan.+
114 Ita mak haʼu-nia fatin mahon no haʼu-nia eskudu,+Tanba haʼu tau esperansa* ba Ita-nia liafuan.+
115 Hadook an tiha husi haʼu, imi ema aat sira,+Atu nuneʼe haʼu bele halo tuir haʼu-nia Maromak nia mandamentu sira.
116 Oh Maromak, apoia haʼu tuir Ita-nia promesa,*+Atu nuneʼe haʼu bele kontinua moris;Haʼu tau esperansa ba Ita, entaun keta halo haʼu sente laran-triste.*+
117 Apoia haʼu atu nuneʼe haʼu bele hetan salvasaun;+Depois neʼe, haʼu sei kontinua hanoin deʼit Ita-nia ukun-fuan sira.+
118 Ita la simu ema hotu neʼebé laʼo sees husi Ita-nia ukun-fuan sira,+Tanba sira mak bosok-teen no lohidór.
119 Ita soe tiha ema aat hotu iha rai hanesan sira mak foʼer* neʼebé folin-laek.+
Tan neʼe mak haʼu hadomi Ita-nia avizu sira.
120 Haʼu-nia isin nakdedar tanba haʼu taʼuk Ita;Haʼu taʼuk Ita-nia desizaun sira.
ע [Ain]
121 Haʼu halo ona buat neʼebé loos no justisa.
Keta entrega haʼu ba sira neʼebé hanehan haʼu!
122 Favór ida, promete mai haʼu katak Ita sei ajuda Ita-nia atan;Keta husik ema sira neʼebé foti an* hanehan haʼu.
123 Haʼu-nia matan sai kole ona tanba haʼu hein ba salvasaun husi Ita+No hein ba Ita-nia promesa*+ neʼebé tuir justisa.
124 Hatudu Ita-nia domin neʼebé laran-metin ba Ita-nia atan,+No hanorin haʼu Ita-nia ukun-fuan sira.+
125 Haʼu mak Ita-nia atan; fó haʼu kbiit atu komprende,+Atu nuneʼe haʼu bele hatene Ita-nia avizu sira.
126 Tempu toʼo ona ba Jeová atu halo buat ruma,+Tanba sira kontra ona Ita-nia ukun-fuan.
127 Tan neʼe mak haʼu hadomi Ita-nia mandamentu siraLiu fali osan-mean, sin, liu fali osan-mean neʼebé diʼak liu.*+
128 Nuneʼe, haʼu haree Ita-nia hanorin* hotu mak loos;+Haʼu odi dalan hotu neʼebé sala.+
פ [Pei]
129 Ita-nia avizu sira mak kmanek tebes.
Tan neʼe mak haʼu halo tuir avizu sira-neʼe.
130 Bainhira Ita fó sai Ita-nia liafuan, neʼe lori naroman,+No fó kbiit atu komprende ba ema neʼebé la iha esperiénsia.+
131 Haʼu loke luan haʼu-nia ibun no halerik,*Tanba haʼu hakarak tebes Ita-nia mandamentu sira.+
132 Fila oin ba haʼu no hatudu laran-diʼak mai haʼu,+Hodi halo tuir Ita-nia desizaun ba ema neʼebé hadomi Ita-nia naran.+
133 Dirije haʼu-nia hakat sira liuhusi Ita-nia liafuan atu haʼu bele laʼo ho seguru;*Keta husik buat aat ida domina haʼu.+
134 Salva* haʼu husi sira neʼebé hanehan ema,No haʼu sei halo tuir Ita-nia lei sira.
135 Halo Ita-nia oin nabilan* ba Ita-nia atan,+No hanorin haʼu Ita-nia ukun-fuan sira.
136 Haʼu-nia matan-been suliTanba ema la kumpre Ita-nia ukun-fuan.+
צ [Sade]
137 Oh Jeová, Ita-nia hahalok mak loos,+No Ita-nia desizaun sira la todan ba sorin.+
138 Avizu sira neʼebé Ita fó sai mak tuir justisaNo ema bele tau fiar.
139 Haʼu-nia laran-manas han mohu ona haʼu,+Tanba haʼu-nia inimigu sira haluha ona Ita-nia liafuan sira.
140 Ita-nia liafuan mak moos tebes,*+No Ita-nia atan hadomi Ita-nia liafuan.+
141 Ema la hafolin haʼu no hakribi haʼu;+Maibé haʼu la haluha Ita-nia lei sira.
142 Ita-nia hahalok loos iha ba nafatin,+No Ita-nia ukun-fuan mak lia-loos.+
143 Maski terus no susar kona haʼu,Maibé haʼu nafatin gosta Ita-nia mandamentu sira.
144 Ita-nia avizu sira mak tuir justisa ba nafatin.
Fó haʼu kbiit atu komprende,+ hodi nuneʼe haʼu bele kontinua moris.
ק [Kof]
145 Haʼu bolu Ita ho haʼu-nia laran tomak. Oh Jeová, hatán mai haʼu.
Haʼu sei halo tuir Ita-nia ukun-fuan sira.
146 Haʼu bolu Ita; favór ida, salva haʼu!
Haʼu sei halo tuir Ita-nia avizu sira.
147 Haʼu hadeer ona antes rai naroman* hodi halerik ba Ita atu husu ajuda,+Tanba haʼu tau esperansa* ba Ita-nia liafuan sira.
148 Haʼu-nia matan loke hela iha kalan-boot,Atu nuneʼe haʼu bele hanoin kleʼan* kona-ba Ita-nia liafuan.+
149 Favór ida, rona ba haʼu-nia lian tanba Ita-nia domin neʼebé laran-metin.+
Oh Jeová, proteje haʼu-nia moris tuir Ita-nia justisa.
150 Ema neʼebé halo hahalok neʼebé lori moe boot,* sira hakbesik mai haʼu;Sira dook husi Ita-nia ukun-fuan.
151 Oh Jeová, Ita besik haʼu,+No Ita-nia mandamentu hotu mak lia-loos.+
152 Iha tempu kleur liubá haʼu aprende ona kona-ba Ita-nia avizu sira,Katak Ita hametin avizu sira-neʼe atu iha ba nafatin.+
ר [Reix]
153 Haree haʼu-nia terus no salva haʼu bá,+Tanba haʼu la haluha Ita-nia ukun-fuan.
154 Defende haʼu* no salva haʼu;+Proteje haʼu-nia moris tuir Ita-nia promesa.*
155 Salvasaun dook husi ema aat,Tanba sira la buka Ita-nia ukun-fuan sira.+
156 Oh Jeová, Ita-nia laran-sadiʼa mak boot.+Proteje haʼu-nia moris tuir Ita-nia justisa.
157 Haʼu-nia inimigu sira no ema neʼebé haterus haʼu mak barak tebes;+Maibé haʼu la laʼo sees husi Ita-nia avizu sira.
158 Haʼu hateke no hakribi ema laran-makerek,Tanba sira la halo tuir Ita-nia liafuan.+
159 Haree bá, haʼu hadomi tebes Ita-nia lei sira!
Oh Jeová, proteje haʼu-nia moris tanba Ita-nia domin neʼebé laran-metin.+
160 Ita-nia liafuan hotu mak lia-loos,+No Ita-nia desizaun hotu tuir justisa no iha ba nafatin.
ש [Sin] ka [Xin]
161 Ulun-naʼin sira haterus haʼu+ la ho razaun,Maibé haʼu-nia laran nakonu ho respeitu kleʼan ba Ita-nia liafuan sira.+
162 Haʼu haksolok tanba Ita-nia liafuan+Hanesan ema neʼebé foti sasán barak bainhira manán funu.
163 Haʼu odi no hakribi lia-bosok,+Maibé haʼu hadomi Ita-nia ukun-fuan.+
164 Haʼu hahiʼi Ita dala hitu iha loron ida nia laranTanba Ita-nia desizaun sira neʼebé tuir justisa.
165 Ema neʼebé hadomi Ita-nia ukun-fuan hetan dame barak;+No la iha buat ida mak bele halo sira sidi.*
166 Oh Jeová, haʼu tau esperansa ba salvasaun husi Ita,No haʼu halo tuir Ita-nia mandamentu sira.
167 Haʼu halo tuir Ita-nia avizu sira,No haʼu hadomi tebes avizu sira-neʼe.+
168 Haʼu kumpre Ita-nia lei no avizu sira,Tanba Ita hatene buat hotu neʼebé haʼu halo.+
ת [Tau]
169 Oh Jeová, husik haʼu-nia halerik atu husu ajuda toʼo ba Ita.+
Halo haʼu komprende liuhusi Ita-nia liafuan.+
170 Favór ida, rona ba haʼu-nia harohan atu husu laran-sadiʼa.
Salva haʼu, hanesan Ita promete ona.*
171 Haʼu-nia ibun sei nakonu ho liafuan hahiʼi nian,+Tanba Ita hanorin Ita-nia ukun-fuan sira ba haʼu.
172 Haʼu-nia nanál sei kanta knananuk kona-ba Ita-nia liafuan,+Tanba Ita-nia mandamentu hotu mak tuir justisa.
173 Haʼu hein katak Ita-nia liman prontu atu ajuda haʼu,+Tanba haʼu hili atu halo tuir Ita-nia lei sira.+
174 Oh Jeová, haʼu hakarak tebes salvasaun husi Ita,No haʼu gosta Ita-nia ukun-fuan.+
175 Haʼu harohan katak haʼu bele kontinua moris atu hahiʼi Ita;+Husik Ita-nia desizaun sira ajuda haʼu.
176 Haʼu laʼo lakon ona hanesan bibi-malae neʼebé lakon dalan.+ Favór ida, buka Ita-nia atan bá,Tanba haʼu la haluha Ita-nia mandamentu sira.+
Nota-rodapé
^ Ka “sira neʼebé hatudu nafatin integridade”.
^ Orj., “laʼo”.
^ Orj., “Haʼu hakarak haʼu-nia dalan sira metin nafatin”.
^ Ka “rai didiʼak”.
^ Ka “estuda”.
^ Orj., “Duir tiha liafuan goza no odi husi haʼu”.
^ Ka “estuda”.
^ Orj., “dalan ba Ita-nia lei sira”.
^ Ka “estuda”.
^ Haree “Nefes” iha Glosáriu.
^ Ka “hetan moe”.
^ Orj., “halai tuir”.
^ Ka karik “Ita halo haʼu-nia laran sai fiar an”.
^ Ka “Halo haʼu laʼo iha dalan neʼebé”.
^ Ka “liafuan”.
^ Ka karik “Promesa neʼebé Ita halo ona ba sira neʼebé hamtaʼuk Ita”.
^ Ka “liafuan”.
^ Ka “haʼu hein”.
^ Ka “luan”.
^ Ka “estuda”.
^ Ka “promesa”.
^ Ka “Ba liafuan neʼe mak Ita halo haʼu hein”.
^ Ka “Iha uma neʼebé haʼu hela nuʼudar estranjeiru”.
^ Ka “Haʼu halo mamar Ita-nia oin; Haʼu buka atu halo Ita oin-midar”.
^ Ka “liafuan”.
^ Ka “Atu nuneʼe haʼu-nia ain bele fila fali ba”.
^ Ka “haʼu halo sala la ho neon”.
^ Ka “haʼu hein”.
^ Ka “liafuan”.
^ Ka karik “hodi koʼalia bosok”.
^ Ka “estuda”.
^ Ka “haʼu hein”.
^ Orj., “Ita-nia mandamentu sira luan tebes”.
^ Ka “estuda”.
^ Ka “estuda”.
^ Orj., “sakrifísiu husi haʼu-nia ibun”.
^ Ka “ema neʼebé laran fahe ba rua”.
^ Ka “haʼu hein”.
^ Ka “liafuan”.
^ Ka “keta husik haʼu hetan moe”.
^ Liafuan Ebraiku neʼe refere ba buat foʼer neʼebé ema hasai bainhira halo nabeen osan-mutin ka osan-mean.
^ Ka “liafuan”.
^ Ka “osan-mean neʼebé halo moos ona”.
^ Ka “lei”.
^ Orj., “dada iis lalais”.
^ Ka “Halo haʼu-nia hakat sira metin liuhusi Ita-nia liafuan”.
^ Orj., “Sosa fali”.
^ Ka “Hatudu oin-midar”.
^ Liafuan Ebraiku neʼe refere ba prosesu halo nabeen besi hodi bele sai moos.
^ Ka “bainhira rai naroman”.
^ Ka “haʼu hein”.
^ Ka “estuda”.
^ Ka “hahalok foʼer”.
^ Ka “Tesi-lia ba haʼu-nia kazu”.
^ Ka “liafuan”.
^ Ka “la iha fatuk sidi nian ida ba sira”.
^ Ka “tuir Ita-nia liafuan”.
