Salmo 32:1-11
David nia knananuk. Maskil.*
32 Ksolok ba ema neʼebé hetan ona perdua ba ninia hahalok aat, no ninia sala hamoos* ona.+
2 Ksolok ba ema neʼebé Jeová la fó sai katak nia sala,+No ksolok ba ema neʼebé la laran-makerek.
3 Bainhira haʼu nonook deʼit, haʼu-nia ruin sira sai fraku tanba haʼu neon-susar* loron tomak.+
4 Tanba loron-kalan Ita-nia hirus* mak hanesan naha todan iha haʼu-nia leten.+
Haʼu-nia kbiit lakon ona hanesan bee neʼebé maran tiha iha tempu manas. (Sela)
5 Ikusmai haʼu fó sai haʼu-nia sala ba Ita;Haʼu la taka haʼu-nia sala.+
Haʼu dehan: “Haʼu sei fó sai haʼu-nia sala sira ba Jeová.”+
No Ita fó perdua ona ba haʼu-nia sala sira.+ (Sela)
6 Tan neʼe mak ema laran-metin hotu sei harohan ba Ita+Iha tempu neʼebé sira sei bele hetan Ita.+
Maski problema sira mai hanesan bee-saʼe, maibé neʼe sei la kona sira.
7 Ita mak haʼu-nia subar-fatin;Ita sei proteje haʼu husi haʼu-nia susar sira.+
Ita sei haleʼu haʼu ho haklalak haksolok nian tanba Ita salva haʼu.+ (Sela)
8 “Haʼu sei fó ba ó kbiit atu komprende kleʼan no hanorin ó dalan neʼebé ó tenke laʼo bá.+
No haʼu* sei haree ba ó bainhira haʼu fó konsellu ba ó.+
9 Keta sai hanesan kuda ka kuda-mula,* neʼebé la iha kbiit atu komprende,+No neʼebé ó tenke kontrola ho kuda-freun ka kuda-talinAtu bele lori nia besik ó.”
10 Ema aat iha susar barak;Maibé sira neʼebé tau fiar ba Jeová, ninia domin neʼebé laran-metin haleʼu sira.+
11 Oh imi neʼebé halo hahalok loos, haksolok bá tanba Jeová no kontente bá;Imi hotu neʼebé laran-loos, haklalak ho haksolok bá.
Nota-rodapé
^ Ka “perdua”. Orj., “taka”.
^ Ka “halerik”.
^ Orj., “liman”.
^ Orj., “haʼu-nia matan”.
^ Neʼe mak oan husi kuda-burru aman no kuda-inan.
