Salmo 56:1-13
Ba dirijente: Tuir melodia Manu-Pombu Nonook neʼebé Iha Fatin Dook. David nia knananuk. Miktam.* Bainhira ema Filístia kaer nia iha Gat.+
56 Oh Maromak, hatudu laran-diʼak mai haʼu tanba ema ataka* haʼu.
Loron tomak sira halo funu no hanehan haʼu.
2 Haʼu-nia inimigu kontinua ataka* haʼu loron tomak;Ema barak halo funu hasoru haʼu ho foti an.
3 Bainhira haʼu taʼuk,+ haʼu tau fiar ba Ita.+
4 Haʼu tau fiar ba Maromak, haʼu hafolin ninia liafuan;Haʼu tau fiar ba Maromak; haʼu la taʼuk.
Saida mak ema bele halo ba haʼu?+
5 Loron tomak sira hamosu susar ba haʼu;Sira hanoin deʼit atu halo aat ba haʼu.+
6 Sira subar an atu ataka;Sira hateke didiʼak ba haʼu-nia hakat hotu,+Sira hein namanas atu halakon haʼu-nia moris.+
7 Oh Maromak, labele simu sira tanba sira-nia hahalok aat.
Harahun tiha nasaun sira ho Ita-nia hirus.+
8 Ita hatene didiʼak haʼu-nia hakat sira bainhira haʼu laʼo-lemo.+
Favór ida, halibur haʼu-nia matan-been sira iha Ita-nia bee-fatin husi animál kulit.+
Buat sira-neʼe hotu hakerek ona iha Ita-nia livru,+ loos ka lae?
9 Haʼu-nia inimigu sira sei hakiduk iha loron neʼebé haʼu bolu Ita atu husu ajuda.+
Haʼu fiar metin katak Maromak iha haʼu-nia sorin.+
10 Haʼu tau fiar ba Maromak, haʼu hafolin ninia liafuan;Haʼu tau fiar ba Jeová, haʼu hafolin ninia liafuan;
11 Haʼu tau fiar ba Maromak; haʼu la taʼuk.+
Saida mak ema bele halo ba haʼu?+
12 Oh Maromak, haʼu tenke halo tuir buat neʼebé haʼu jura ona ba Ita;+Haʼu sei hasaʼe sakrifísiu agradese nian ba Ita.+
13 Tanba Ita salva ona haʼu husi mate+No Ita proteje haʼu-nia ain atu la sidi,+Hodi nuneʼe haʼu bele kontinua moris+ no laʼo iha Maromak nia oin.
