Salmo 83:1-18
Knananuk. Asaf+ nia salmo.
83 Oh Maromak, keta nonook deʼit;+Keta tuur* no hateke deʼit, oh Maromak neʼebé Kbiit Boot Liu.
2 Haree bá! Ita-nia inimigu sira hakilar;+Sira neʼebé odi Ita hatudu hahalok foti an.*
3 Ho laran-makerek, sira halo planu subasubar kontra Ita-nia povu;Sira halo planu hamutuk hodi kontra ema sira neʼebé Ita hafolin.*
4 Sira dehan: “Mai, mai ita halakon sira nuʼudar nasaun ida,+Atu nuneʼe ema la hanoin-hetan tan Izraél nia naran.”
5 Sira halo planu ho laran ida deʼit;Sira halo ona aliansa hodi kontra Ita;+
6 Sira mak ema Edom, ema Ismael,* ema Moab,+ ema Agar,+
7 Ema Gebal, ema Ammon,+ ema Amalec,Ema Filístia+ hamutuk ho ema Tiro.+
8 Asíria+ mós apoia sira;Sira fó apoiu* ba Lot nia jerasaun sira.+ (Sela)
9 Favór ida, halo ba sira hanesan Ita halo ona ba Midian,+Ba Sísera no Jabin iha Mota* Kison.+
10 Sira mate tiha iha En-Dor;+Sira sai hanesan adubu* ba rai.
11 Halo sira-nia ema-boot sira sai hanesan Oreb no Zeeb+No halo sira-nia ulun-naʼin* sira sai hanesan Zeba no Zalmuna,+
12 Tanba sira dehan ona: “Mai ita hadau rai neʼebé Maromak hela bá.”
13 Oh haʼu-nia Maromak, halo sira sai hanesan duʼut-maran,+Hanesan duʼut-kain maran neʼebé anin huu bá-mai.
14 Hanesan ahi neʼebé han mohu tiha ai-laran,Hanesan ahi-lakan neʼebé sunu motuk tiha foho sira,+
15 Nuneʼe mós, favór ida duni sira ho Ita-nia anin-fuik+No halo sira taʼuk tanba Ita-nia anin boot.+
16 Taka* sira-nia oin ho moe,Atu nuneʼe sira bele buka Ita-nia naran, oh Jeová.
17 Halo sira hetan moe no sai taʼuk ba nafatin;Halo sira sai moe no lakon mohu tiha;
18 Halo ema hotu hatene katak Ita neʼebé naran Jeová,+Ita mesak deʼit mak Maromak neʼebé Aas Liu Hotu iha mundu tomak.+
Nota-rodapé
^ Ka “nonook”.
^ Ka “foti sira-nia ulun”.
^ Orj., “sira neʼebé Ita subar”.
^ Orj., “Edom no ema Ismael nia tenda”.
^ Orj., “sai liman”.
^ Ka “estrume”.
^ Ka “ema-boot”.
^ Orj., “Halo nakonu”.
