Salmo 86:1-17
David nia orasaun.
86 Oh Jeová, see tilun* ba haʼu, no hatán haʼu,Tanba haʼu hetan terus no kiak.+
2 Favór ida, proteje haʼu-nia moris tanba haʼu laran-metin.+
Salva Ita-nia atan neʼebé tau fiar ba Ita,Tanba Ita mak haʼu-nia Maromak.+
3 Hatudu laran-diʼak mai haʼu, oh Jeová,+Tanba haʼu bolu Ita loron tomak.+
4 Halo Ita-nia atan haksolok,Tanba haʼu entrega an ba Ita iha haʼu-nia orasaun, oh Jeová.
5 Tanba Ita, oh Jeová, Ita mak diʼak+ no prontu atu fó perdua;+Ita nakonu ho domin neʼebé laran-metin ba ema hotu neʼebé bolu Ita.+
6 Oh Jeová, rona haʼu-nia orasaun;No see tilun didiʼak ba haʼu-nia harohan atu husu ajuda.+
7 Durante haʼu-nia tempu susar haʼu bolu Ita,+Tanba Ita sei hatán haʼu.+
8 Oh Jeová, iha maromak sira seluk nia leet, la iha ida mak hanesan ho Ita,+La iha ida mak halo buat neʼebé Ita halo.+
9 Nasaun hotu neʼebé Ita halo onaSei mai no hakruʼuk iha Ita-nia oin, oh Jeová,+No sira sei fó glória ba Ita-nia naran.+
10 Tanba Ita mak kmanek no halo buat furak sira;+Ita mak Maromak, Ita mesak deʼit.+
11 Oh Jeová, hanorin haʼu kona-ba Ita-nia dalan sira.+
Haʼu sei laʼo tuir Ita-nia dalan lia-loos nian.+
Hametin haʼu-nia laran* hodi hamtaʼuk Ita-nia naran.+
12 Oh Jeová, haʼu-nia Maromak, haʼu hahiʼi Ita ho haʼu-nia laran tomak,+No haʼu sei fó glória ba Ita-nia naran ba nafatin,
13 Tanba Ita-nia domin neʼebé laran-metin ba haʼu mak boot,No Ita salva ona haʼu-nia moris husi rate* neʼebé kleʼan.+
14 Oh Maromak, ema neʼebé foti an* no ulun-toos hamriik ona hodi kontra haʼu;+Grupu ema aat sira buka atu oho haʼu,No sira la hanoin kona-ba Ita.*+
15 Maibé Ita, oh Jeová, Ita mak Maromak neʼebé laran-sadiʼa no laran-diʼak,Ita la hirus lalais no nakonu ho domin neʼebé laran-metin no lia-loos.*+
16 Fila oin no hatudu laran-diʼak mai haʼu.+
Fó kbiit ba Ita-nia atan,+No salva Ita-nia atan-feto nia oan-mane.
17 Hatudu sinál* ba haʼu kona-ba Ita-nia laran-diʼak,Atu nuneʼe sira neʼebé odi haʼu bele haree ida-neʼe no hetan moe.
Tanba Ita, oh Jeová, Ita mak haʼu-nia ajuda-naʼin no Ita fó kmaan ba haʼu.
Nota-rodapé
^ Ka “hakruʼuk no rona”.
^ Ka “Halo haʼu labele laran-rua”.
^ Haree “Siol” iha Glosáriu.
^ Ka “sira la tau Ita iha sira-nia oin”.
^ Ka “laran-metin”.
^ Ka “prova”.
