Ema barak iha mundu mak presiza tebes ai-han no hela-fatin. Balu presiza deʼit esperansa ba futuru. Hodi fó ajuda ba sira neʼebé presiza ajuda, Maromak sei fó bensaun mai ita.

“Ema neʼebé hatudu laran-diʼak ba ema kiak fó-empresta ba Jeová, no Nia sei selu fali buat neʼebé ema neʼe halo.”—PROVÉRBIOS 19:17.

Jesus konta istória ida kona-ba mane neʼebé monu iha naʼok-teen nia liman no besik atu mate. (Lucas 10:29-37) Iha mane ida neʼebé haree no ajuda mane neʼebé kanek. Nia halo nuneʼe maski sira mak ema husi rai neʼebé la hanesan.

Mane laran-diʼak neʼe laʼós deʼit fó ajuda atu kurativu no fó ajuda ho osan, maibé mós fó kmaan ba nia husi susar neʼebé nia foin hasoru.

Saida mak ita aprende husi istória neʼe? Jesus hakarak hanorin ita katak ita tenke halo buat hotu neʼebé ita bele atu ajuda ema neʼebé presiza ita-nia ajuda. (Provérbios 14:31) Eskritura Sagrada hanorin ita katak lakleur tan Maromak sei halakon tiha kiak no terus. Karik ita hanoin, bainhira no oinsá mak Maromak sei halo ida-neʼe? Informasaun tuirmai sei koʼalia kona-ba bensaun sira neʼebé ita-nia Kriadór promete ona mai ita.