Ema barak loroloron hakaʼas an atu hetan buat báziku neʼebé sira presiza. Triste mak situasaun mundu neʼe halo ema nia moris sai susar liután. Tanbasá?

• Kuandu situasaun la estavel, baibain buat hotu nia folin saʼe, inklui mós hahán no hela-fatin.

• Krize halo ema barak lakon serbisu, ka saláriu tun.

• Dezastre bele estraga ema nia negósiu, uma ka buat seluk tan, neʼe hamosu situasaun kiak.

• Se Ita maneja didiʼak Ita-nia osan, neʼe halo fasil liu ba Ita atu tahan susar oioin durante krize.

• Situasaun ekonomia neʼebé diʼak la fó garantia ita-nia futuru; osan neʼebé Ita hetan ka rai hela, ka rikusoin neʼebé Ita iha bele lakon ninia valór.

• Iha buat barak neʼebé labele sosa ho osan, hanesan ksolok no unidade iha família.

Bíblia dehan: “Se ita iha ai-han no roupa, ita tenke kontente ho buat sira-neʼe.”​—1 Timóteo 6:8.

Keta hanoin barak kona-ba buat neʼebé Ita hakarak, maibé sente kontente kuandu iha buat neʼebé Ita presiza. Neʼe importante tebes liuliu bainhira Ita iha osan uitoan deʼit.

Atu moris kontente, karik Ita presiza halo Ita-nia moris simples liu. Se Ita gasta osan barak liu fali osan neʼebé Ita hetan, Ita-nia situasaun ekonomia sei sai aat liután.