Iha data 6 Novembru 2024, Komisaun Planeamentu ba Sidade Ramapo aprova ona atu ita hahú halo konstrusaun ba edifísiu iha Ramapo. Hakat importante neʼe signifika agora bele ona hahú konstrusaun.

Iha fulan-Juñu 2023, Komisaun Planeamentu ba Sidade Ramapo aprova ona dezeña balu ba projetu neʼe. Antes neʼe, ita mós hetan ona aprova atu bele halo buat balu hodi prepara fatin neʼe, hanesan lisensa atu tesi ai-hun sira iha ita-nia rai iha Ramapo. Aprova neʼebé ita foin hetan hatudu katak agora ita bele komesa serbisu konstrusaun hanesan halo dalan tama nian no hamoos fatuk hotu hodi nuneʼe bele harii fundasaun ba edifísiu sira. Ita mós bele hahú ona serbisu importante seluk, inklui keʼe rai no monta kanu bee nian iha rai okos.

Irmaun Kevin Page neʼebé serbí iha Komisaun ba Projetu Konstrusaun hatete: “Ami kontente tebes atu hetan aprova neʼe! Iha parte ida-idak iha prosesu neʼe, ami bele haree oinsá Jeová haraik bensaun ba ami-nia pasiénsia no serbisu makaʼas. Ami hatoʼo obrigadu ba Jeová tanba hetan ona lisensa no mós harohan ba Jeová atu kontinua haraik bensaun ba projetu neʼe.”

Nuʼudar família boot, ita hotu kontente atu rona notísias diʼak neʼe no harohan katak Jeová sei haraik bensaun barak ba projetu neʼe no mós sei kontinua ajuda ema hotu neʼebé serbisu makaʼas ba projetu neʼe!—Ageu 1:14.