ҲУШЁРУ БЕДОР БОШЕД!
Ба кӣ бовар кунем? Китоби Муқаддас дар ин бора чӣ мегӯяд?
Дили мардум аз онҳое, ки пеш боварашон мекарданд, хунук шуда истодааст. Одамон аз ин гуна шахсон дилмонда шудаанд:
Аз сиёсатмадороне, ки пеш аз ҳама дар бораи худ фикр мекунанд.
Аз воситаҳои ахбори омма, ки хабарҳоро ростқавлона ва дуруст намерасонанд.
Аз олимоне, ки бар фоидаи халқ кор намекунанд.
Аз диндороне, ки Худоро як тараф монда, пурра ба сиёсат ғӯтидаанд.
Вақте шумо эҳтиёткореду зуд ба ягон кас бовар намекунед, кори дуруст мекунед. Китоби Муқаддас моро огоҳ мекунад:
«Ба мирон такя накунед, ба фарзанди одам таваккал накунед, зеро аз ӯ умеди наҷот нест» (Забур 146:3).
Шахсе, ки сазовори боварист
Китоби Муқаддас дар бораи шахсе гап мезанад, ки сазовори боварии мост. Ин шахс Исои Масеҳ аст. Ӯ танҳо пайғамбар ё як одами хуб набуд, ки асрҳо пеш зиндагӣ кардааст. Худо Ҳазрати Исоро Подшоҳ таъйин карда, ваъда додааст, ки «Подшоҳияш ҳеҷ гоҳ ба охир намерасад» (Луқо 1:32, 33). Исо Шоҳи Подшоҳии Худост ва ҳоло дар осмон ҳукмронӣ мекунад (Матто 6:10).
Мақолаҳои зеринро хонда, фаҳмед, ки чаро ба Исои Масеҳ бовар кардан мумкин аст: «Шоҳи Подшоҳии Худо кӣ аст?», «Подшоҳии Худо барои одамизод чӣ кор хоҳад кард?».
Шояд маълумоти зерин низ ба шумо маъқул шавад
ҲАҚИҚАТҲОИ МУҲИМИ КИТОБИ МУҚАДДАС
Подшоҳии Худо чист?
Дар давоми хизмати заминиаш Ҳазрати Исо аз ҳама бештар дар бораи Подшоҳии Худо таълим медод. Дар замонҳои пеш пайравони ӯ дар бораи омадани ин Подшоҳӣ дуо мегуфтанд.
ҲАҚИҚАТҲОИ МУҲИМИ КИТОБИ МУҚАДДАС
Мо аз куҷо медонем, ки Китоби Муқаддас аз тарафи Худо аст?
Агар муаллифи Китоби Муқаддас Худо бошад, пас он бояд аз дигар китобҳо бартарӣ дошта бошад.
САВОЛҲОЕ, КИ ЗУД-ЗУД ДОДА МЕШАВАНД
Омӯзиши Китоби Муқаддас, ки Шоҳидони Яҳува пешкаш мекунанд, чиро дар бар мегирад?
Дар омӯзиши бепули Китоби Муқаддас, ки Шоҳидони Яҳува пешкаш мекунанд, шумо тарҷумаи дилхоҳи Китоби Муқаддасро истифода бурда метавонед. Аҳли оила ва ёру дӯстонатонро бемалол ба ин омӯзиш таклиф кунед.
