I te vaitaimi nae pili ki te maliu o Iehu, na talanoa patino Iehu ma ona hoko e toka fa​—ko Petelu, Iakopo, Ioane ma Anitelea. Na taku atu e Iehu nā fakailoga o tona fakatahi mai i nā aho e gata ai, na vagana atu vēia he fehili tāua: “Ko ai lā te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?” (Mataio 24:3, 45; Maleko 13:​3, 4) Nae fakamautinoa e Iehu ki ona hoko i te kavea o ia ma tō latou “matai,” e tōfia e ia ki latou ke fakaauau oi fōki atu nā meakai fakateagaga mo ona hoko i te vaitaimi o te ikuga. Ko ai e fai ake ai te kaukauna?

Ko he vaega taigole o hoko fakauku o Iehu. Ko te “kaukauna” e fakailoga tafapili ki te Vaega Pule o Molimau a Ieova. E tufa atu nā meakai fakateagaga i nā vaitaimi tatau ki nā uho tāpuaki a Ieova. E fakalagolago ki matou ki te kaukauna fakamāoni tēnei ke kaumaia a matou “meakai i te taimi tatau.”​—Luka 12:42.

E takitaki e ki latou te kāiga o te Atua. (1 Timoteo 3:15) Na foki atu e Iehu ki te kaukauna te tiute taukave mamafa ke tauhi ai te galuega a te fakalāpotopotoga a Ieova i te lalolagi​—te tauhia o nā koloa fakatetino, ma fakatonu te galuega tālaki, ma akoako ki tatou e auala mai i a tatou fakapotopotoga. Ko tēia la, i te foki mai ki a te ki matou nā mea e manakomia kāfai ki matou e fofou ki ei, e tufa mai e te “kaukauna fakamāoni ma poto” nā meakai fakateagaga e ala i nā lōmiga e ki matou fakaaogā i te tālakiga, fakatahi ma nā polokalame iā tatou hauniga ma fonotaga.

Ko te kaukauna e fakamāoni ki nā kupu moni mai te Tuhi Paia fakatahi ma te tofiga ke tālaki te tala lelei, e poto foki i te auala e tauhi ai ma te atamai nā mea e fiafia ai Keliho i te lalolagi. (Galuega 10:42) E fakamanuia e Ieova tana galuega ma fakatupu lahi foki nā meakai fakateagaga.​—Ihaia 60:22; 65:13.

• Ko ai na tofia e Iehu ke fafaga fakateagaga ona hoko?

• He ā te auala e fakamāoni ma poto ai te kaukauna?