Pe kua mātau e koe nā ata i te tamā tuhi tenei te kokofu lelei o Molimau a Ieova kāfai e olo ki nā hauniga a te latou fakapotopotoga? Aiheā e manatu mamafa ai ki matou ki a matou lakei ma teuga?

Ke fakaalia ai te fakaaloalo ki tō matou Atua. Ko te mea moni ko te Atua e kikila mai ki te tino e i loto kae hē ko te teuga o te tino i fafo. (1 Hamuelu 16:7) Kae ui i te ia, kāfai e fakapotopoto ki matou ma tāpuaki atu ki a te ia, ko ki matou e fakaali te fakaaloalo mai o matou loto ki a te ia ma o matou uho tāpuaki. Kāfai e tutū ki tatou i mua o he fakamahino i he fale fakamahino, e mautinoa ka fai fakalelei o tatou lakei ke fakaali ai te fakaaloalo mo tona tulaga. E vēnā foki, te auala e fai ai o matou lakei ma teuga e fakaali ai tō matou fakatāua o nā hauniga mo “te fakamahino o te lalolagi kātoa,” ko Ieova te Atua, ma te nofoaga foki e tāpuaki ai ki matou ki a te ia.​—Kenehe 18:25.

E fakaali e ki matou te auala e ola ai i nā matakupu hilihili. E fakamalohi mai e te Tuhi Paia nā Kelihiano ke kokofu e vē ko ki latou e fakamamalu te Atua. (1 Timoteo 2:​9, 10) Ko te uiga o te kofu ma te “loto maulalo” ko te kalofia o nā kofu fakatōhina, taufakalili, pe ko te matuā fakaali mai te tino. Ko tēia foki, e fehoahoani mai ki a te ki matou ke “popoto” ke  filifili nā kofu gali, kae e hē ko te kokofu ki nā lakei e hē fai lelei pe matuā hē fetaui. Ko nā matakupu hilihili iēnei e tuku mai te avanoa ke filifili totino ai te lahi o nā itukaiga kofu e mafai oi fakaaogā. Ka ko heki taku atu e ki matou he kupu, ko matou lakei gali ma talafeagai e mafai oi “takuleleia ai nā akoakoga e uiga ki te Atua to tātou Fakaola,” ma “viviki ake ai ki te Atua.” (Tito 2:​10; 1 Petelu 2:​12) I te fai fakalelei o matou lakei mo nā hauniga, e mafai ai ki matou oi fakamalohi iē tahi i te auala e tāpuaki atu ai ki matou ki a Ieova.

E tuha pe hēai ni ō kofu talafeagai e valakaulia pea lava koe ke hau ki nā hauniga i te Fale o Hauniga. E manakomia ke fai ni o matou lakei e talafeagai, ma mamā, pe lelei ma e hē kokofu i ni kofu taugata pe ova teuteu.

• E tāua vēhea te auala e fai ai o tatou kofu kāfai e tāpuaki ki tatou ki te Atua?

• Ni ā ni matakupu hilihili e takitaki atu ai ki tatou ke filifili ni lakei ma ni teuga e fetaui?